റോഡിലെ മണ്ണ് നീക്കാനും പുല്ല്​ വെട്ടാനും 21 ലക്ഷം; തൃക്കാക്കര നഗരസഭ പൊതുമരാമത്തിൽ പകൽക്കൊള്ള

കാ​ക്ക​നാ​ട്: തൃ​ക്കാ​ക്ക​ര ന​ഗ​ര​സ​ഭ​യു​ടെ ഉ​ട​മ​സ്ഥ​ത​യി​ലു​ള്ള നി​ര​ത്തു​ക​ളു​ടെ​യും പൊ​തു​മ​രാ​മ​ത്തു വ​ക റോ​ഡു​ക​ളു​ടെ​യും വ​ശ​ങ്ങ​ളി​ൽ വ​ള​രു​ന്ന പാ​ഴ്പു​ല്ലു​ക​ൾ വെ​ട്ടി​മാ​റ്റാ​നും പാ​ത​യോ​ര​ത്തെ മ​ണ്ണു നീ​ക്കം​ചെ​യ്യാ​നു​മെ​ന്ന വ്യാ​ജേ​ന ന​ഗ​ര​സ​ഭ​യി​ലെ പ​ത്തോ​ളം വാ​ർ​ഡു​ക​ളി​ൽ ന​ട​ത്തു​ന്ന​ത് പ​ക​ൽ​ക്കൊ​ള്ള​യെ​ന്ന് ആ​ക്ഷേ​പം. പൊ​തു​മ​രാ​മ​ത്ത് വ​കു​പ്പി​ന്റെ അ​ധി​കാ​ര പ​രി​ധി​യി​ലു​ള്ള റോ​ഡു​ക​ളു​ടെ അ​റ്റ​കു​റ്റ​പ്പ​ണി​യും മ​റ്റും ഏ​റ്റെ​ടു​ത്തു ന​ട​ത്തേ​ണ്ട ഉ​ത്ത​ര​വാ​ദി​ത്വം പി.​ഡ​ബ്ല്യു.​ഡി വ​കു​പ്പി​നാ​ണെ​ന്നി​രി​ക്കെ ചി​ല കൗ​ൺ​സി​ല​ർ​മാ​രും ക​രാ​റു​കാ​രും ഉ​ദ്യോ​ഗ​സ്ഥ​രും ചേ​ർ​ന്ന് ന​ഗ​ര​സ​ഭ​യു​ടെ ഫ​ണ്ട് ദു​രു​പ​യോ​ഗം ചെ​യ്യു​ന്ന​തി​ൽ ഭ​ര​ണ​പ​ക്ഷ​ത്തും പ്ര​തി​പ​ക്ഷ​ത്തു​മു​ള്ള ചി​ല ന​ഗ​ര​സ​ഭ കൗ​ൺ​സി​ല​ർ​മാ​ർ​ക്കി​ട​യി​ൽ ഭി​ന്ന​ത രൂ​ക്ഷ​മാ​യി​ട്ടു​ണ്ട്. ശു​ചീ​ക​ര​ണ​ത്തി​ന്റെ മ​റ​വി​ൽ സാ​മ്പ​ത്തി​ക ക്ര​മ​ക്കേ​ട് ന​ട​ത്തു​ക​യാ​ണെ​ന്ന ആ​രോ​പ​ണ​വു​മാ​യി രം​ഗ​ത്തു​വ​ന്ന വാ​ർ​ഡ്​ കൗ​ൺ​സി​ല​ർ​മാ​രെ അ​നു​ന​യി​പ്പി​ക്കാ​നു​ള്ള നീ​ക്കം ന​ട​ക്കു​ന്നു​ണ്ടെ​ങ്കി​ലും സാ​മ്പ​ത്തി​ക ക്ര​മ​ക്കേ​ടു​ക​ൾ​ക്ക് കൂ​ട്ടു​നി​ൽ​ക്കാ​ൻ ക​ഴി​യി​ല്ലെ​ന്ന നി​ല​പാ​ടി​ൽ ഉ​റ​ച്ചു​നി​ൽ​ക്കു​ക​യാ​ണ് ചി​ല കൗ​ൺ​സി​ല​ർ​മാ​ർ. ന​ഗ​ര​സ​ഭ പ​രി​ധി​യി​ലു​ള്ള

സീ​പോ​ർ​ട്ട് എ​യ​ർ​പോ​ർ​ട്ട് റോ​ഡി​ൽ ഒ​രി​ട​ത്തും മ​ണ്ണ് കൂ​ടി​ക്കി​ട​ക്കു​ന്നി​ല്ല. വ​ശ​ങ്ങ​ളി​ൽ പു​ല്ലും വ​ള​ർ​ന്നി​ട്ടി​ല്ല. സീ​പോ​ർ​ട്ട് എ​യ​ർ​പോ​ർ​ട്ട് റോ​ഡി​ന്റെ വ​ശ​ങ്ങ​ൾ ന​ന്നാ​ക്കാ​ൻ തൃ​ക്കാ​ക്ക​ര ന​ഗ​ര​സ​ഭ​യു​ടെ പൊ​തു​ഫ​ണ്ട് ഉ​പ​യോ​ഗി​ക്കേ​ണ്ട കാ​ര്യ​മി​ല്ലെ​ന്ന് ഉ​ദ്യോ​ഗ​സ്ഥ​രും പ​റ​യു​ന്നു.

മ​ണി​ക്കൂ​റി​ന്1560 രൂ​പ​വീ​തം വാ​ട​ക ന​ൽ​കി പ​ല വാ​ർ​ഡു​ക​ളി​ലും മ​ണ്ണു നീ​ക്കം ചെ​യ്യാ​ൻ എ​ക്സ്ക​വേ​റ്റ​ർ വേ​ണ​മെ​ന്നാ​വ​ശ്യ​പ്പെ​ട്ട കൗ​ൺ​സി​ല​ർ​മാ​രു​ടെ പ​ട്ടി​ക​യി​ൽ ഭ​ര​ണ-​പ്ര​തി​പ​ക്ഷ അം​ഗ​ങ്ങ​ളും ഉ​ൾ​പ്പെ​ട്ടി​ട്ടു​ണ്ട്. മ​ണി​ക്കൂ​റി​ന് 700 രൂ​പ പോ​ലും വാ​ട​ക​യി​ല്ലാ​ത്ത​പ്പോ​ഴാ​ണി​ത്. പ​ത്തോ​ളം റോ​ഡു​ക​ളി​ലാ​ണ് പു​ല്ലു ചെ​ത്ത​ലി​ന്റെ​യും മ​ണ്ണു നീ​ക്ക​ലി​ന്റെ​യും മ​റ​വി​ൽ ല​ക്ഷ​ങ്ങ​ളു​ടെ ക്ര​മ​ക്കേ​ടു​ക​ൾ. ഇ​തി​ൽ സീ​പോ​ർ​ട്ട്-​എ​യ​ർ​പോ​ർ​ട്ട് റോ​ഡ്, പു​ക്കാ​ട്ടു​പ​ടി -ഇ​ട​പ്പ​ള്ളി റോ​ഡ്, അ​ത്താ​ണി-​പ​ള്ളി​ക്ക​ര റോ​ഡ്, ന​വോ​ദ​യ-​മി​ല്ലു​പ​ടി റോ​ഡ്, ഇ​ൻ​ഫോ​പാ​ർ​ക്ക് റോ​ഡ് ഇ​വ​യെ​ല്ലാം പൊ​തു​മ​രാ​മ​ത്ത് വ​ക റോ​ഡു​ക​ളാ​ണ്. ക​ണ്ടി​ൻ​ജ​ൻ​റ് ജീ​വ​ന​ക്കാ​ർ അ​ത​ത്​ വാ​ർ​ഡി​ൽ ചെ​യ്തി​രു​ന്ന ജോ​ലി​യാ​ണ് ഇ​പ്പോ​ൾ ക​രാ​ർ കൊ​ടു​ക്കു​ന്ന​ത്. ആ​റു​മാ​സം മു​മ്പ് മു​ൻ ഭ​ര​ണ​സ​മി​തി ല​ക്ഷ​ങ്ങ​ൾ ചെ​ല​വ​ഴി​ച്ച് റോ​ഡ് ക്ലീ​ൻ ചെ​യ്ത​തും വി​വാ​ദ​മാ​യി​രു​ന്നു. ന​ഗ​ര​സ​ഭ പൊ​തു​മ​രാ​മ​ത്ത് സ്ഥി​രം​സ​മി​തി ചെ​യ​ർ​മാ​ൻ മൗ​നം ന​ടി​ക്കു​ന്ന​തും അ​ഴി​മ​തി​ക്ക് ആ​ക്കം കൂ​ട്ടു​ന്ന​താ​യി ഭ​ര​ണ-​പ്ര​തി​പ​ക്ഷ അം​ഗ​ങ്ങ​ൾ സാ​ക്ഷ്യ​പ്പെ​ടു​ത്തു​ന്നു.