അധികാരികളുടെ ഒത്താശയോടെ അനധികൃത മണ്ണ് ഖനനം

കോതമംഗലം: ഇരമല്ലൂർ വില്ലേജിൽ അഞ്ചുസെന്‍റ്​ ഭൂമിയിലേക്ക്​ ലഭിച്ച പെർമിച്ച്​ ഉപയോഗിച്ച്​ 30 സെന്‍റ്​ സ്ഥലത്ത്​ 30 അടി താഴ്ചയിൽ മണ്ണ്​ ഖനനം നടത്തി. ഇരമല്ലൂർ മുസ്​ലിം പള്ളിക്ക് സമീപത്തെ സ്വകാര്യ പുരയിടത്തിലാണ്​ മണ്ണ്​ ഖനനം നടന്നത്​. ഈ മണ്ണ്​ നിരവധി പ്രദേശങ്ങൾ നികത്താനാണ്​ ഉപയോഗിച്ചത്​. റവന്യൂ ഉദ്യോഗസ്ഥരുടെയും പൊലീസിന്റെയും ഒത്താശയോടെയാണ് ഇരമല്ലൂർ വില്ലേജിൽ വ്യാപകമായി മണ്ണ് ഖനനമെന്ന ആരോപണം ശക്തമാണ്. കുന്നുകൾ ഇടിക്കുന്നതും ഖനനവും കുടിവെള്ളക്ഷാമത്തിനും മണ്ണിടിച്ചിലിനും വഴിവെക്കുമെന്നതിനാൽ മൈനിങ്​ ആൻഡ്​ ജിയോളജി വകുപ്പും റവന്യൂ വകുപ്പും പഞ്ചായത്തും അടിയന്തരമായി ഇടപെട്ട് മണ്ണ് മാഫിയകളെ ശിക്ഷിക്കണമെന്ന് നാട്ടുകാർ ആവശ്യപ്പെട്ടു. EM KMGM 1 Mannu ഇരമല്ലൂരിൽ മണ്ണ് കടത്തിയ പ്രദേശം