കാട്ടുപന്നി ഇടിച്ച് ബൈക്ക് മറിഞ്ഞ് യുവാവിന് പരിക്ക്

കോതമംഗലം: കാട്ടുപന്നിയെ ഇടിച്ച് ബൈക്ക് മറിഞ്ഞ് യുവാവിന് പരിക്ക്. തട്ടേക്കാട് എസ് വളവ് പരിസരത്ത് കാട്ടുപന്നി റോഡിന് കുറുകെ ചാടി ബൈക്ക് യാത്രക്കാരനായ കുട്ടമ്പുഴ സ്വദേശി അഖിൽ മഹേഷിനാണ് പരിക്കേറ്റത്. പൊടുന്നനെ കുറുകെ ചാടിയ പന്നി ബൈക്കിൽ വന്നിടിക്കുകയായിരുന്നു. നിയന്ത്രണം വിട്ട ബൈക്ക് മറിഞ്ഞ് അഖിലിന്‍റെ കൈ ഒടിയുകയും തലക്ക് പരിക്കേൽക്കുകയും ചെയ്തു. നാട്ടുകാർ കോതമംഗലത്തെ സ്വകാര്യ ആശുപത്രിയിൽ പ്രവേശിപ്പിച്ചു. കാട്ടുപന്നിയുടെയും കാട്ടനയുടെയും ശല്യംമൂലം ഇതുവഴി വൈകീട്ട് യാത്ര ചെയ്യുന്നവർക്ക് ഭീഷണിയായിരിക്കുകയാണ്. ഇതിന് അടിയന്തര പരിഹാരം ഉണ്ടാക്കണമെന്ന് കുട്ടമ്പുഴ നിവാസികൾ ആവശ്യപ്പെട്ടു. EM KMGM 6 Akhil കാട്ടുപന്നി ആക്രമണത്തിൽ പരിക്കേറ്റ അഖിൽ