ഫോർട്ട്​കൊച്ചി കടപ്പുറത്തെ അനധികൃത കടകൾ പൊളിച്ചുനീക്കി തുടങ്ങി

ഫോർട്ട്കൊച്ചി: കടപ്പുറത്തെ അനധികൃത വഴിയോര കച്ചവട സ്ഥാപനങ്ങൾ നീക്കം ചെയ്തുതുടങ്ങി. ലൈസൻസ് ഇല്ലാത്തതും കൂടുതൽ കയേറ്റങ്ങൾ നടത്തിയവയുമാണ് നീക്കിയത്. പെട്ടിക്കടകൾ മണ്ണുമാന്തി യന്ത്രം ഉപയോഗിച്ച് തകർത്താണ് നീക്കം ചെയ്തത്. കോടതിയിൽനിന്നുള്ള അമിക്കസ്​ക്യൂറിയുടെ സാന്നിധ്യത്തിലായിരുന്നു പൊളിച്ചുമാറ്റൽ. ഒരു പെട്ടിക്കടയുടെ ലൈസൻസി‍ൻെറ മറവിൽ മൂന്ന്​ കടകൾ വരെ കണ്ടെത്തിയതും നീക്കം ചെയ്തു. നഗരസഭ ഉദ്യോഗസ്ഥരും പൊലീസും സംയുക്തമായാണ് നടപടി സ്വീകരിച്ചത്. അതേസമയം, നഗരസഭ ലൈസൻസ് അനുവദിച്ച കടകളിൽ പലതിനും സർട്ടിഫിക്കറ്റ് ഇതുവരെ കൈവശം ലഭിച്ചിട്ടില്ലെന്ന് കച്ചവടക്കാർ പറയുന്നു. ചിത്രം:jcb മണ്ണുമാന്തി യന്ത്രം ഉപയോഗിച്ച് അനധികൃത പെട്ടിക്കടകൾ തകർത്ത് നീക്കുന്നു