മൃഗസംരക്ഷണ ഉദ്യോഗസ്ഥൻ ചമഞ്ഞ്​ പണം തട്ടാൻ ശ്രമം

ആ​ല​പ്പു​ഴ: പ​ക്ഷി​പ്പ​നി ന​ഷ്ട​പ​രി​ഹാ​രം വാ​ങ്ങി​ത്ത​രാ​മെ​ന്ന്​ പ​റ​ഞ്ഞ്​ മൃ​ഗ​സം​ര​ക്ഷ​ണ വ​കു​പ്പ്​ ഉ​ദ്യോ​ഗ​സ്ഥ​ർ ച​മ​ഞ്ഞ്​ ക​ർ​ഷ​ക​നി​ൽ​നി​ന്ന്​ പ​ണം​ത​ട്ടി​യെ​ടു​ക്കാ​ൻ ശ്ര​മം.

കൂ​ടു​ത​ൽ പേ​ർ ത​ട്ടി​പ്പി​നി​ര​യാ​യ​താ​യി സം​ശ​യം. ചേ​ർ​ത്ത​ല ക​ട​ക്ക​ര​പ്പ​ള്ളി പ​ഞ്ചാ​യ​ത്ത് ര​ണ്ടാം വാ​ർ​ഡ് അ​ഴീ​ക്ക​ൽ വീ​ട്ടി​ൽ ഏ​യ്​​ഞ്ച​ൽ ആ​ന്റ​ണി​യി​ൽ​നി​ന്ന്​ പ​ണം ത​ട്ടാ​നാ​ണ്​ ശ്ര​മി​ച്ച​ത്.

പ​ക്ഷി​പ്പ​നി ന​ഷ്​​ട​പ​രി​ഹാ​ര​മാ​യി സ​ർ​ക്കാ​ർ അ​നു​വ​ദി​ച്ച 1.83 ല​ക്ഷം രൂ​പ​യു​ടെ ചെ​ക്ക്​ ഒ​പ്പി​ട്ടെ​ന്നും പ്ര​ത്യു​പ​കാ​ര​മാ​യി 2000 രൂ​പ ഗൂ​ഗി​ൾ പേ ​ചെ​യ്യ​ണ​മെ​ന്നു​മാ​യി​രു​ന്നു ആ​വ​ശ്യം. ഫോ​ണി​ലൂ​ടെ​യു​ള്ള സം​സാ​ര​ത്തി​ൽ വൈ​രു​ദ്ധ്യം തോ​ന്നി​യ​തോ​ടെ ക​ർ​ഷ​ക​ൻ വി​വ​രം ജി​ല്ല മൃ​ഗ​സം​ര​ക്ഷ​ണ ഓ​ഫി​സി​ൽ അ​റി​യി​ച്ചു. തു​ട​ർ​ന്ന്​ ജി​ല്ല മൃ​ഗ​സം​ര​ക്ഷ​ണ ഓ​ഫി​സ​ർ പി.​വി. അ​രു​ണോ​ദ​യ സ്​​പെ​ഷ​ൽ ബ്രാ​ഞ്ചി​ന് പ​രാ​തി ന​ൽ​കി.

ആ​ല​പ്പു​ഴ ജി​ല്ല വെ​റ്റ​റി​ന​റി ഡോ​ക്ട​ർ വി.​ആ​ർ. മ​ധു​സൂ​ദ​ന​ൻ നാ​യ​രെ​ന്ന് പ​രി​ച​യ​പ്പെ​ടു​ത്തി​യാ​ണ്​ ഫോ​ൺ വി​ളി​ച്ച​ത്. പ​ക്ഷി​പ്പ​നി​യു​മാ​യി ബ​ന്ധ​പ്പെ​ട്ട കാ​ര്യ​ങ്ങ​ളും ന​ഷ്ട​പ​രി​ഹാ​ര​ത്തി​ന്‍റെ വി​വ​ര​ങ്ങ​ളും പ​ങ്കു​വെ​ക്കു​ന്ന​തി​നി​ടെ വീ​ണ്ടും ക​ർ​ഷ​ക​ൻ ഔ​ദ്യോ​ഗി​ക ത​സ്തി​ക​യും പേ​രും ചോ​ദി​ച്ച​പ്പോ​ൾ രാ​ധാ​കൃ​ഷ്ണ​ൻ നാ​യ​രെ​ന്ന്​ മാ​റ്റി​പ്പ​റ​ഞ്ഞു. ഓ​ഫി​സ് എ​റ​ണാ​കു​ള​ത്ത് പ​ട്ട​മെ​ന്നും പ​റ​ഞ്ഞ​തോ​ടെ​യാ​ണ്​ സം​ശ​യം തോ​ന്നി​യ​ത്.

ക​ർ​ഷ​ക​നെ ഫോ​ണി​ൽ വി​ളി​ച്ച ന​മ്പ​റും ഗൂ​ഗി​ൾ പേ​യി​ലേ​ക്ക് പ​ണ​മ​യ​ക്കാ​ൻ ആ​വ​ശ്യ​പ്പെ​ട്ട്​ ന​ൽ​കി​യ ന​മ്പ​റും പൊ​ലീ​സി​ന്​ കൈ​മാ​റി. ഗൂ​ഗി​ൾ പേ ​ന​മ്പ​ർ ഏ​യ്​​ഞ്ച​ൽ ആ​ന്റ​ണി​ക്ക് വാ​ട്സ്​​ആ​പ്​ ചെ​യ്യാ​ൻ വി​ളി​ച്ച​യാ​ൾ മ​റ്റൊ​രാ​ളു​ടെ സ​ഹാ​യ​വും തേ​ടി​യി​രു​ന്നു. അ​തി​നാ​ൽ സം​ഘ​ത്തി​ൽ ഒ​ന്നി​ല​ധി​കം പേ​ർ ഉ​​ണ്ടെ​ന്നാ​ണ്​ പ്രാ​ഥ​മി​ക​നി​ഗ​മ​നം. ഇ​തി​നൊ​പ്പം ഇ​ത്ത​ര​ത്തി​ൽ കൂ​ടു​ത​ൽ​പേ​ർ ത​ട്ടി​പ്പി​നി​ര​യാ​യ​താ​യും സം​ശ​യ​മു​ണ്ട്.

ഈ​മാ​സം ആ​റി​നാ​ണ്​ മ​ന്ത്രി ജെ. ​ചി​ഞ്ചു​റാ​ണി ആ​ല​പ്പു​ഴ​യി​ൽ ന​ട​ന്ന ച​ട​ങ്ങി​ൽ പ​ക്ഷി​പ്പ​നി ന​ഷ്ട​പ​രി​ഹാ​ര​ത്തു​ക വി​ത​ര​ണോ​ദ്​​ഘാ​ട​നം നി​ർ​വ​ഹി​ച്ച​ത്. കോ​ട്ട​യം ജി​ല്ല​യി​ലെ ഔ​സേ​ഫ് മാ​ത്യു പു​ത്ത​ൻ​പു​ര​യ്ക്ക​ൽ എ​ന്ന ക​ർ​ഷ​ക​ന് തു​ക കൈ​മാ​റി​യാ​ണ്​ ഉ​ദ്​​ഘാ​ട​നം നി​ർ​വ​ഹി​ച്ച​ത്.

അ​ന്ന്​ ബാ​ക്കി​യു​ള്ള ക​ർ​ഷ​ക​ർ​ക്ക്​ സ​ർ​ട്ടി​ഫി​ക്ക​റ്റ്​ മാ​ത്ര​മാ​ണ്​ ന​ൽ​കി​യ​ത്. ഒ​രോ​രു​ത്ത​രു​ടെ​യും അ​ക്കൗ​ണ്ടി​ലേ​ക്ക്​ പ​ണ​മെ​ത്തു​മെ​ന്നാ​ണ്​ അ​റി​യി​ച്ചി​രു​ന്ന​ത്. പ​ക്ഷി​പ്പ​നി രോ​ഗ​വ്യാ​പ​ന​ത്തി​ൽ മാ​സ​ങ്ങ​ളാ​യി ദു​രി​ത​ത്തി​ലാ​യ ക​ർ​ഷ​ക​ർ​ക്ക്​ ശനിയാഴ്ച വൈകീട്ടോടെ പണം അക്കൗണ്ടിൽ ലഭിച്ചുതുടങ്ങി. പ​ക്ഷി​പ്പ​നി ന​ഷ്ട​പ​രി​ഹാ​രം ല​ഭി​ച്ച ക​ർ​ഷ​ക​രു​ടെ വി​വ​ര​ങ്ങ​ള​ട​ങ്ങി​യ പ​ട്ടി​ക ചോ​ർ​ന്നു​കി​ട്ടി​യ സം​ഘ​മാ​കാം ഇ​തി​ന്​ പി​ന്നി​​ല്ലെ​ന്ന്​ പ​റ​യ​പ്പെ​ടു​ന്നു.