അ​ടി​സ്ഥാ​ന സൗ​ക​ര്യ​ങ്ങ​ളി​ല്ല; ദു​രി​ത​ത്തിൽ വ​ണ്ടി​പ്പേ​ട്ട

മൂ​വാ​റ്റു​പു​ഴ: ന​ഗ​ര​സ​ഭ​ക്ക് കീ​ഴി​ലെ വ​ണ്ടി​പ്പേ​ട്ട​യി​ൽ ശു​ചി​മു​റി, വി​ശ്ര​മ സൗ​ക​ര്യ​മ​ട​ക്കം ഇ​ല്ലാ​ത്ത​ത് ദു​രി​ത​മാ​യി. വ​ണ്ടി​പ്പേ​ട്ട​യി​ലെ​ത്തു​ന്ന വാ​ഹ​ന​ങ്ങ​ളി​ലെ ഡ്രൈ​വ​ർ​മാ​ര​ട​ക്ക​മു​ള്ള​വ​ർ​ക്ക് ഇ​രി​പ്പി​ടം പോ​ലും ഇ​ല്ലാ​ത്ത അ​വ​സ്ഥ​യാ​ണ്. കു​ണ്ടും കു​ഴി​യു​മാ​യി കി​ട​ക്കു​ന്ന ഇ​വി​ടം മാ​ലി​ന്യ​കേ​ന്ദ്ര​വു​മാ​യി മാ​റി​ക്ക​ഴി​ഞ്ഞു.

അ​യ​ൽ സം​സ്ഥാ​ന​ങ്ങ​ളി​ൽ​നി​ന്നെ​ത്തു​ന്ന ലോ​റി​ക​ള​ട​ക്ക​മു​ള്ള വാ​ഹ​ന​ങ്ങ​ൾ പാ​ർ​ക്ക് ചെ​യ്യു​ന്ന​തി​നാ​യി ന​ഗ​ര​സ​ഭ കാ​ൽ​നൂ​റ്റാ​ണ്ട് മു​മ്പ് എ​വ​റ​സ്റ്റ് ക​വ​ല​യി​ലെ ഹോ​മി​യോ ആ​ശു​പ​ത്രി​ക്ക് സ​മീ​പം പ​ണി​തീ​ർ​ത്ത വ​ണ്ടി​പ്പേ​ട്ട​യി​ലാ​ണ് അ​ടി​സ്ഥാ​ന സൗ​ക​ര്യ​ങ്ങ​ൾ ഒ​ന്നു​മി​ല്ലാ​ത്ത​ത്. ഇ​തു​മൂ​ലം ച​ര​ക്കു​ലോ​റി​ക​ള​ട​ക്കം റോ​ഡ​രി​കി​ൽ പാ​ർ​ക്ക് ചെ​യ്യു​ക​യാ​ണ്. ഇ​ത് ഗ​താ​ഗ​ത​ക്കു​രു​ക്കി​നും വ​ഴി​വെ​ച്ചി​രി​ക്ക​യാ​ണ്. ലോ​റി​ക​ൾ എ​ത്താ​താ​യ​തോ​ടെ ഇ​വി​ടം സ്വ​കാ​ര്യ ബ​സു​ക​ളു​ടെ പാ​ർ​ക്കി​ങ് കേ​ന്ദ്ര​മാ​യി മാ​റി.

കാ​ൽ​നൂ​റ്റാ​ണ്ട് മു​മ്പ് വ​ണ്ടി​പ്പേ​ട്ട നി​ർ​മി​ക്കു​മ്പോ​ൾ കു​ളി​മു​റി, ശു​ചി​മു​റി, വി​ശ്ര​മ​കേ​ന്ദ്രം തു​ട​ങ്ങി അ​ടി​സ്ഥാ​ന സൗ​ക​ര്യ​ങ്ങ​ളു​ണ്ടാ​യി​രു​ന്നു. എ​ന്നാ​ൽ, അ​ന്ന് കെ.​എ​സ്.​ഇ.​ബി സെ​ക്‌​ഷ​ൻ ഓ​ഫി​സ് സ്ഥാ​പി​ക്കാ​ൻ ഇ​തെ​ല്ലാം ന​വീ​ക​രി​ച്ച് ഓ​ഫി​സ് കെ​ട്ടി​ട​മാ​ക്കു​ക​യാ​യി​രു​ന്നു. പി​ന്നീ​ട് വ​ർ​ഷ​ങ്ങ​ൾ​ക്കു ശേ​ഷം ഓ​ഫി​സ് ഇ​വി​ടെ​നി​ന്നും കി​ച്ചേ​രി​പ്പ​ടി​യി​ലേ​ക്ക് മാ​റ്റി. ഈ ​കെ​ട്ടി​ടം പി​ന്നീ​ട് സ്വ​കാ​ര്യ സ്ഥാ​പ​ന​ത്തി​ന് വാ​ട​ക​ക്ക് ന​ൽ​കു​ക​യും ചെ​യ്തു.

എ​ന്നാ​ൽ, വ​ണ്ടി​പ്പേ​ട്ട​യി​ൽ പാ​ർ​ക്ക് ചെ​യ്യു​ന്ന വാ​ഹ​ന​ങ്ങ​ളി​ലെ തൊ​ഴി​ലാ​ളി​ക​ൾ​ക്കാ​യി ഇ​തു​വ​രെ ഇ​രി​പ്പി​ട​മോ, വി​ശ്ര​മ​കേ​ന്ദ്ര​മോ, ശു​ചി​മു​റി​യോ ഒ​രു​ക്കാ​ൻ മാ​ത്രം ന​ട​പ​ടി ഉ​ണ്ടാ​യി​ട്ടി​ല്ല. ഇ​തോ​ടെ വാ​ഹ​ന​ങ്ങ​ൾ വ​ണ്ടി​പ്പേ​ട്ട​യി​ൽ എ​ത്താ​ൻ ത​യാ​റാ​കു​ന്നി​ല്ല. ന​ഗ​ര​ത്തി​ലേ​ക്കെ​ത്തു​ന്ന ച​ര​ക്കു​ലോ​റി​ക​ൾ​ക്ക് ന​ഗ​ര​സ​ഭ 70 രൂ​പ​യാ​ണ് ഒ​രു ദി​വ​സം പാ​ർ​ക്കി​ങ് ഫീ​സാ​യി ഈ​ടാ​ക്കു​ന്ന​ത്. എ​ന്നി​ട്ടാ​ണ് അ​ടി​സ്ഥാ​ന സൗ​ക​ര്യ​ങ്ങ​ൾ ഒ​രു​ക്കാ​ൻ മ​ടി​ക്കു​ന്ന​ത്.