സിറ്റി ഗ്യാസ്​ പദ്ധതി 3000 വീടുകളിൽക്കൂടി ഉടൻ കണക്​ഷൻ നൽകും

ആ​ല​പ്പു​ഴ: വീ​ടു​ക​ളി​ലേ​ക്കു പൈ​പ്ഡ് നാ​ച്വ​റ​ൽ ഗ്യാ​സ് (പി.​എ​ൻ.​ജി) എ​ത്തി​ക്കു​ന്ന സി​റ്റി ഗ്യാ​സ്​ പ​ദ്ധ​തി​യി​ൽ 3000 വീ​ടു​ക​ളി​ൽ കൂ​ടി ഉ​ട​ൻ ക​ണ​ക്​​ഷ​ൻ ന​ൽ​കും. ഇ​തി​നാ​യി മൂ​ന്നു​മാ​സം നീ​ളു​ന്ന സ്​​പെ​ഷ്യ​ൽ ഡ്രൈ​വ്​ സം​ഘ​ടി​പ്പി​ക്കും.

മ​ണ്ണ​ഞ്ചേ​രി, മു​ഹ​മ്മ, ക​ഞ്ഞി​കു​ഴി, ആ​ര്യാ​ട്, ത​ണ്ണീ​ർ​മു​ക്കം പ​ഞ്ചാ​യ​ത്തു​ക​ൾ, ചേ​ർ​ത്ത​ല ന​ഗ​ര​സ​ഭ​യി​ലെ കു​റ​ച്ച്​ ഭാ​ഗ​ങ്ങ​ൾ എ​ന്നി​വി​ട​ങ്ങ​ളി​ലാ​യാ​ണ്​ ഇ​ത്ര​യും ക​ണ​ക്​​ഷ​നു​ക​ൾ ന​ൽ​കു​ന്ന​ത്. ജ​നു​വ​രി മു​ത​ൽ മാ​ർ​ച്ച്​ വ​രെ സ​മ​യ​പ​രി​ധി​യി​ൽ ഇ​ത്ര​യും ക​ണ​ക്​​ഷ​നു​ക​ൾ ന​ൽ​കും. നി​ല​വി​ൽ 26,000 ഹൗ​സ്​ ക​ണ​ക്​​ഷ​നു​ക​ൾ ന​ൽ​കി ക​ഴി​ഞ്ഞു. ഇ​തി​നു പു​റ​മെ​യാ​ണ്​ 3000 ക​ണ​ക്​​ഷ​നു​ക​ൾ കൂ​ടി ന​ൽ​കു​ന്ന​തി​ന്​ പ​ദ്ധ​തി​യി​ടു​ന്ന​ത്.

പൈ​പ്പ്​ ലൈ​ൻ ശൃം​ഖ​ല സ്ഥാ​പി​ച്ചു ക​ഴി​ഞ്ഞ പ​ഞ്ചാ​യ​ത്തു​ക​ളി​ലാ​ണ്​ പു​തു​താ​യി ക​ണ​ക്​​ഷ​നു​ക​ൾ ന​ൽ​കാ​നൊ​രു​ങ്ങു​ന്ന​ത്. പി​ന്നാ​ലെ ആ​ല​പ്പു​ഴ ന​ഗ​ര​ത്തി​ൽ വീ​ടു​ക​ളി​ൽ ക​ണ​ക്​​ഷ​ൻ ന​ൽ​കു​ന്ന​തി​ന്​ തു​ട​ക്ക​മാ​കും. ആ​ല​പ്പു​ഴ ന​ഗ​ര​ത്തി​ൽ പൈ​പ്പ്​​ലൈ​ൻ ശൃം​ഖ​ല സ്ഥാ​പി​ച്ചി​ട്ടി​ല്ല. കൊ​മ്മാ​ടി മു​ത​ൽ ക​ള​ർ​കോ​ട്​ വ​രെ മെ​യി​ൻ പൈ​പ്പ്​ സ്ഥാ​പി​ക്കു​ക മാ​ത്ര​മാ​ണ്​ ചെ​യ്തി​ട്ടു​ള്ള​ത്. ഇ​ട റോ​ഡു​ക​ളി​ലും പൈ​പ്പു​ക​ൾ സ്ഥാ​പി​ച്ചെ​ങ്കി​ൽ മാ​ത്ര​മെ ആ​ല​പ്പു​ഴ ന​ഗ​ര​ത്തി​ൽ വീ​ടു​ക​ളി​ൽ ക​ണ​ക്​​ഷ​ൻ ന​ൽ​കാ​ൻ ക​ഴി​യൂ. ന​ഗ​ര​ത്തി​ലെ കോ​ൺ​ക്രീ​റ്റ്​ റോ​ഡു​ക​ൾ കു​ഴി​ക്കു​ന്ന​ത്​ പ്ര​തി​ഷേ​ധ​ത്തി​ന്​ കാ​ര​ണ​മാ​കും.

പൈ​പ്പ്​ പോ​കു​ന്ന വ​ഴി​യെ​ല്ലാം നീ​ള​ത്തി​ൽ കു​ഴി​യെ​ടു​ത്ത്​ പൈ​പ്പ്​ സ്ഥാ​പി​ക്കു​ന്ന​തി​നു പ​ക​രം യ​ന്ത്ര സ​ഹാ​യ​ത്താ​ൽ കു​ഴി​യെ​ടു​ത്ത്​ അ​വി​ടെ നി​ന്ന്​ തു​ര​ന്ന്​ മ​ണ്ണ്​ നീ​ക്കി പൈ​പ്പ്​ ക​ട​ത്തി​വി​ടു​ന്ന രീ​തി​യാ​ണ്​ അ​വ​ലം​ബി​ക്കു​ന്ന​ത്. അ​തി​നാ​യി​ റോ​ഡി​ൽ നി​ശ്​​ചി​ത ഇ​ട​ങ്ങ​ളി​ൽ കു​ഴി​യെ​ടു​ക്കും. കു​ഴി​ക്കു​ന്ന റോ​ഡു​ക​ൾ പു​ർ​വ സ്ഥി​തി​യി​ൽ ടാ​ർ ചെ​യ്ത്​ ഗ​താ​ഗ​ത യോ​ഗ്യ​മാ​ക്കേ​ണ്ട ചു​മ​ത​ല​യും പ​ദ്ധ​തി നി​ർ​വ​ഹ​ണ ക​മ്പ​നി​ക്കാ​ണ്. എ.​ജി ആ​ൻ​ഡ് പി ​പ്രി​ഥം ലി​മി​റ്റ​ഡി​നാ​ണ്​ പ​ദ്ധ​തി​യു​ടെ നി​ർ​വ​ഹ​ണ ചു​മ​ത​ല.

തെ​ര​ഞ്ഞെ​ടു​പ്പ്​ ഗ്യാ​സ്​ പ​ദ്ധ​തി മു​ട​ക്കി

ത​ദ്ദേ​ശ തെ​ര​ഞ്ഞെ​ടു​പ്പ്​ വ​ന്ന​തോ​ടെ പ​ദ്ധ​തി​ക്കാ​യി റോ​ഡ്​ കു​ഴി​ക്കു​ന്ന​ത്​ നി​ർ​ത്തി​വ​ച്ചി​രു​ന്നു. സ​ർ​ക്കാ​ർ നി​ർ​ദേ​ശ പ്ര​കാ​ര​മാ​ണ്​ നി​ർ​ത്തി​വ​ച്ച​ത്. മ​ഴ​ക്കാ​ല​ത്ത്​ റോ​ഡ്​ കു​ഴി​ക്ക​ലും പൈ​പ്പ്​ സ​ഥാ​പി​ക്ക​ലും പ്ര​യാ​സ​മാ​യ​തും ത​ട​സ​മാ​യി. ഇ​നി മാ​സ​ങ്ങ​ൾ​ക്കു​ള്ളി​ൽ നി​യ​മ​സ​ഭാ തെ​ര​ഞ്ഞെ​ടു​പ്പ്​ ന​ട​ക്കു​മെ​ന്ന​തി​നാ​ൽ റോ​ഡ്​ കു​ഴി​ക്ക​ലി​ന്​ സ​ർ​ക്കാ​ർ അ​നു​മ​തി ന​ൽ​കു​ക​യു​മി​ല്ല. വീ​ടു​ക​ളി​ൽ ക​ണ​ക്​​ഷ​ൻ ന​ൽ​കു​ന്ന​തി​ന്​ ഇ​ട​റോ​ഡു​ക​ളാ​ണ്​ കു​ഴി​ക്കേ​ണ്ട​ത്. തെ​ര​ഞ്ഞെ​ടു​പ്പ്​ മു​ന്നി​ൽ ക​ണ്ട്​ ത​ദ്ദേ​ശ സ്ഥാ​പ​ന​ങ്ങ​ളു​ടെ ചു​മ​ത​ല​യി​ലു​ള്ള റോ​ഡു​ക​ൾ കു​ഴി​ക്കു​ന്ന​ത്​ ത​ട​ഞ്ഞ​തി​നാ​ൽ​ പ​ദ്ധ​തി നി​ല​ച്ച മ​ട്ടാ​യി​രു​ന്നു. ഇ​പ്പോ​ൾ ഹൗ​സ്​ ക​ണ​ക്​​ഷ​ൻ ന​ൽ​കാ​ൻ സ്​​പെ​ഷ്യ​ൽ ഡ്രൈ​വ്​ സം​ഘ​ടി​പ്പി​ക്കു​ന്ന​ത്​ പൈ​പ്പ്​​ലൈ​ൻ ശൃം​ഖ​ല സ്ഥാ​പി​ച്ച്​ ക​ഴി​ഞ്ഞ ഇ​ട​ങ്ങ​ളി​ൽ മാ​ത്ര​മാ​ണ്. പ​ദ്ധ​തി കാ​ര്യ​ക്ഷ​മ​മാ​യി മു​ന്നോ​ട്ട്​ പോ​ക​ണ​മെ​ങ്കി​ൽ റോ​ഡു​ക​ൾ കു​ഴി​ക്കാ​ൻ അ​നു​മ​തി ന​ൽ​ക​ണം. ​നി​യ​മ​സ​ഭ തെ​ര​ഞ്ഞെ​ടു​പ്പി​ന്​ മു​മ്പ്​ പു​തു​താ​യി റോ​ഡ്​ കു​ഴി​ക്ക​ൽ ന​ട​ക്കി​ല്ല. അ​തി​നാ​ൽ പ​ദ്ധ​തി ന​ട​പ്പാ​ക​ൽ വൈ​കു​മെ​ന്ന്​ സൂ​ച​ന​യു​ണ്ട്.