സ്വകാര്യതയില്ല; ആലപ്പുഴയിലെ അമ്മത്തൊട്ടിൽ 'നോക്കുകുത്തി'

ആ​ല​പ്പു​ഴ: കു​ഞ്ഞു​ങ്ങ​ളെ സു​ര​ക്ഷി​ത​മാ​യും ര​ഹ​സ്യ​മാ​യും ഉ​പേ​ക്ഷി​ക്കാ​നാ​വാ​തെ വ​ഴി​യോ​ര​ത്തെ അ​മ്മ​ത്തൊ​ട്ടി​ൽ. ആ​ൾ​ത്തി​ര​ക്കി​ൽ നോ​ക്കു​കു​ത്തി​യാ​യി നി​ല​നി​ൽ​ക്കു​ക​യാ​ണ്​ ആ​ല​പ്പു​ഴ​യി​ലെ അ​മ്മ​ത്തൊ​ട്ടി​ൽ. ജ​നി​ച്ച്​ അ​ൽ​പ​സ​മ​യം മാ​​ത്ര​മാ​യ പെ​ൺ​കു​ഞ്ഞി​നെ തു​മ്പോ​ളി​യി​ൽ കാ​ടു​പി​ടി​ച്ച സ്ഥ​ല​ത്ത്​ അ​മ്മ ഉ​പേ​ക്ഷി​ച്ച​താ​ണ്​ ഏ​റ്റ​വും ഒ​ടു​വി​ല​ത്തെ സം​ഭ​വം. ബീ​ച്ചി​ന്​ സ​മീ​പ​ത്തെ ആ​ശു​പ​ത്രി മ​തി​ലി​നോ​ട്​ ചേ​ർ​ന്നാ​ണ്​ നി​ല​വി​ലെ അ​മ്മ​ത്തൊ​ട്ടി​ൽ.

സ​മീ​പ​ത്ത്​ ഓ​ട്ടോ​സ്​​റ്റാ​ൻ​ഡും നി​ര​വ​ധി ക​ച്ച​വ​ട​ക്കാ​രും റി​സോ​ർ​ട്ടും ബീ​ച്ചി​ലെ സ​ന്ദ​ർ​ശ​ക​രും ഉ​ള്ള​ത്​ അ​മ്മ​ത്തൊ​ട്ടി​ലി​ന്‍റെ സ്വ​കാ​ര്യ​ത​ക്ക് ത​ട​സ്സ​മാ​ണ്. കു​ഞ്ഞു​ങ്ങ​ളെ ഉ​പേ​ക്ഷി​ക്കാ​നെ​ത്തു​ന്ന​വ​ർ​ക്ക്​ ആ​രും കാ​ണാ​തെ അ​മ്മ​ത്തൊ​ട്ടി​ലി​ൽ എ​ത്താ​നാ​വാ​ത്ത സ്ഥി​തി​യാ​ണ്.

വ​ഴി​യോ​ര​ത്തെ തൊ​ട്ടി​ലി​ന്​ താ​ഴെ തെ​രു​വ്​​നാ​യ്ക്ക​ൾ കൂ​ട്ട​മാ​യി ത​മ്പ​ടി​ക്കു​ന്ന​തി​നാ​ൽ ഉ​ക്ഷേി​ക്കു​ന്ന കു​ഞ്ഞി​ന്‍റെ ജീ​വ​ൻ​പോ​ലും അ​പ​ക​ട​ത്തി​ലാ​കും. റോ​ഡ​രി​കി​ൽ എ​ല്ലാ​വ​രു​ടെ​യും നോ​ട്ടം പ​തി​യു​ന്ന​തി​നാ​ൽ സ്വ​കാ​ര്യ​ത ഉ​റ​പ്പാ​ക്കാ​ൻ നി​ല​വി​ലെ അ​മ്മ​ത്തൊ​ട്ടി​ൽ മാ​റ്റാ​ൻ ശി​ശു​ക്ഷേ​മ സ​മി​തി തീ​രു​മാ​നി​ച്ചി​ട്ടു​ണ്ട്. ഹൈ​ടെ​ക്​ രീ​തി​യി​ൽ ആ​ശു​പ​ത്രി​യി​ലെ ബീ​ച്ചി​നോ​ട്​ ചേ​ർ​ന്ന ഭാ​ഗ​ത്തെ മ​തി​ലി​നോ​ട്​ ചേ​ർ​ന്നാ​വും പു​തി​യ അ​മ്മ​ത്തൊ​ട്ടി​ൽ നി​ർ​മി​ക്കു​ക. ഇ​തി​ന്‍റെ സാ​ധ്യ​ത വി​ല​യി​രു​ത്താ​ൻ ര​ണ്ടാ​ഴ്ച മു​മ്പ്​ ജി​ല്ല ക​ല​ക്​​ട​ർ വി.​ആ​ർ. കൃ​ഷ്ണ​തേ​ജ​യു​ടെ നേ​തൃ​ത്വ​ത്തി​ൽ സം​ഘം സ്ഥ​ലം സ​ന്ദ​ർ​ശി​ച്ചി​രു​ന്നു. സ​മാ​ന​രീ​തി​യി​ൽ വ​ണ്ടാ​നം മെ​ഡി​ക്ക​ൽ കോ​ള​ജ് ആ​ശു​പ​ത്രി ഗൈ​ന​ക്കോ​ള​ജി വാ​ർ​ഡി​നോ​ട്​ ചേ​ർ​ന്നും അ​മ്മ​ത്തൊ​ട്ടി​ൽ നി​ർ​മി​ക്കാ​ൻ പ​ദ്ധ​തി ആ​വി​ഷ്ക​രി​ച്ചി​ട്ടു​ണ്ട്. ​കു​ട്ടി​ക​ൾ സു​ര​ക്ഷി​ത​മ​ല്ലാ​തെ ഉ​പേ​ക്ഷി​ക്ക​പ്പെ​ടു​ന്ന​ത്​ ത​ട​യാ​നാ​ണ്​ പു​തി​യ അ​മ്മ​ത്തൊ​ട്ടി​ലു​ക​ൾ സ്ഥാ​പി​ക്കു​ന്ന​ത്. ആ​ല​പ്പു​ഴ വ​നി​ത-​ശി​ശു ആ​ശു​പ​ത്രി​യോ​ട്​ ചേ​ർ​ന്ന്​ 12 വ​ർ​ഷം മു​മ്പാ​ണ്​ നി​ല​വി​ലെ അ​മ്മ​ത്തൊ​ട്ടി​ൽ സ്ഥാ​പി​ച്ച​ത്. ന​വ​ജാ​ത​ശി​ശു​ക്ക​ള​ട​ക്കം 15 കു​ഞ്ഞു​ങ്ങ​ളെ​യാ​ണ്​ അ​മ്മ​ത്തൊ​ട്ടി​ലി​ലൂ​ടെ കി​ട്ടി​യ​ത്. ഇ​വ​ർ ഉ​ൾ​പ്പെ​ടെ 17​കു​ട്ടി​ക​ൾ ശി​ശു​ക്ഷേ​മ​സ​മി​തി​യു​ടെ ശി​ശു​പ​രി​ച​ര​ണ കേ​ന്ദ്ര​ത്തി​ലാ​ണ്​ ക​ഴി​യു​ന്ന​ത്.

'ഹൈ​ടെ​ക്​' അ​മ്മ​​ത്തൊ​ട്ടി​ൽ

ആ​ധു​നി​ക​സം​വി​ധാ​ന​ത്തോ​ടെ​യു​ള്ള ഹൈ​ടെ​ക്​ അ​മ്മ​ത്തൊ​ട്ടി​ൽ വേ​റി​ട്ട​താ​ണ്. കു​ട്ടി​ക​ളെ ഉ​പേ​ക്ഷി​ക്കാ​ൻ എ​ത്തു​ന്ന അ​മ്മ​മാ​രെ നി​രു​ത്സാ​ഹ​പ്പെ​ടു​ത്തു​ന്ന​താ​ണ്​ പു​തി​യ​രീ​തി. ''അ​രു​ത്....​സ്വ​ന്തം കു​ഞ്ഞി​ന്​ ലോ​ക​ത്ത്​ ആ​രും നി​ങ്ങ​ളെ​പ്പോ​ലെ അ​മ്മ​യാ​കി​ല്ല''...​മു​ന്നി​ലെ​ത്തി​യാ​ൽ റെ​ക്കോ​ഡ്​ ചെ​യ്ത ഈ ​ശ​ബ്​​ദ​മാ​കും ആ​ദ്യ​മെ​ത്തു​ക. മ​ന​സ്സ്​ മാ​റാ​നു​ള്ള പ്രേ​ര​ണ​യാ​ണി​ത്. എ​ന്നി​ട്ടും കു​ട്ടി​യെ അ​മ്മ​ത്തൊ​ട്ടി​ലി​ൽ ഉ​പേ​ക്ഷി​ക്കു​ന്ന​വ​ർ​ക്ക്​ മു​ന്നി​ൽ വാ​തി​ൽ തു​റ​ക്കും. കു​ട്ടി​യെ കി​ട​ത്തി​യാ​ൽ പി​ന്നെ കാ​ണാ​ൻ ക​ഴി​യാ​ത്ത​വി​ധം വാ​തി​ൽ അ​ട​യും. മൊ​ബൈ​ലി​ലൂ​ടെ അ​പ്പോ​ൾ ത​ന്നെ ജി​ല്ല ക​ല​ക്​​ട​ർ​ക്കും ശി​ശു​ക്ഷേ​മ​സ​മി​തി ഭാ​ര​വാ​ഹി​ക​ൾ​ക്കും സ​ന്ദേ​ശ​മെ​ത്തും. കു​ട്ടി​യു​ടെ ചി​ത്ര​വും ഭാ​ര​വും തൊ​ട്ടി​ലി​ൽ വീ​ണ​ത്​ ആ​ണോ പെ​ണ്ണോ​യെ​ന്ന്​ തി​രി​ച്ച​റി​യാ​നും ഈ ​സ​ന്ദേ​ശ​ത്തി​ലൂ​ടെ ക​ഴി​യും.