അപ്രതീക്ഷിത കടലാക്രമണം; തീരദേശ റോഡ് മണ്ണിനടിയിൽ

അ​മ്പ​ല​പ്പു​ഴ: തീ​ര​ത്ത് അ​പ്ര​തീ​ക്ഷി​ത ക​ട​ലാ​ക്ര​മ​ണ​ത്തെ തു​ട​ർ​ന്ന്​ നി​ർ​മാ​ണ​ത്തി​ലി​രു​ന്ന തീ​ര​ദേ​ശ റോ​ഡ് മ​ണ്ണി​ന​ടി​യി​ലാ​യി. അ​മ്പ​ല​പ്പു​ഴ വ​ട​ക്ക് പ​ഞ്ചാ​യ​ത്ത് വ​ള​ഞ്ഞ വ​ഴി​യി​ലാ​ണ് ക​ട​ലാ​ക്ര​മ​ണം ശ​ക്ത​മാ​യ​ത്. ക​ഴി​ഞ്ഞ ദി​വ​സം ഉ​ച്ച​ക്കു ശേ​ഷം മു​ത​ൽ ക​ട​ലാ​ക്ര​മ​ണം ആ​രം​ഭി​ച്ചി​രു​ന്നു.

രാ​ത്രി​യോ​ടെ വേ​ലി​യേ​റ്റ​ത്തെ​ത്തു​ട​ർ​ന്ന് ക​ട​ലാ​ക്ര​മ​ണം ശ​ക്ത​മാ​യി. 10 മീ​റ്റ​റോ​ളം ക​ര​യി​ലേ​ക്ക് തി​ര​മാ​ല ആ​ഞ്ഞ​ടി​ച്ച​തോ​ടെ ഫി​ഷ​റീ​സ് വ​കു​പ്പി​ന്‍റെ മേ​ൽ​നോ​ട്ട​ത്തി​ൽ നി​ർ​മാ​ണം ന​ട​ക്കു​ന്ന തീ​ര​ദേ​ശ റോ​ഡി​ന്‍റെ കു​റേ​ഭാ​ഗം മ​ണ​ല​ടി​ഞ്ഞ് ക​യ​റി. പ്ര​ദേ​ശ​ത്ത് പു​ലി​മു​ട്ടോ​ടു കൂ​ടി​യ ക​ട​ൽ​ഭി​ത്തി​യി​ല്ലാ​ത്ത​താ​ണ് ഈ ​ഭാ​ഗ​ത്ത് ക​ട​ലാ​ക്ര​മ​ണം മൂ​ലം നാ​ശ​ന​ഷ്ട​ങ്ങ​ളും ദു​രി​ത​ങ്ങ​ളും തു​ട​ർ​ക്ക​ഥ​യാ​കു​ന്ന​ത്. ടെ​ട്രാ​പോ​ഡു​ക​ൾ സ്ഥാ​പി​ച്ചി​ട്ടു​ണ്ടെ​ങ്കി​ലും ഇ​വ ശാ​സ്ത്രീ​യ​മാ​യി സ്ഥാ​പി​ക്കാ​ത്ത​തി​നാ​ൽ മു​ക​ളി​ലൂ​ടെ തി​ര​മാ​ല ആ​ഞ്ഞ​ടി​ച്ച് ക​ര​യി​ലേ​ക്ക് ക​യ​റു​ക​യാ​ണ്. തീ​ര​ത്തോ​ട് ചേ​ർ​ന്നു​ള്ള അ​നേ​കം വീ​ടു​ക​ൾ ത​ക​ർ​ച്ചാ​ഭീ​ഷ​ണി നേ​രി​ടു​ക​യാ​ണ്. ഇ​വ ത​ക​രാ​തി​രി​ക്കാ​ൻ അ​ടി​യ​ന്ത​ര​മാ​യി പു​ലി​മു​ട്ടോ​ടു കൂ​ടി​യ ക​ട​ൽ​ഭി​ത്തി നി​ർ​മി​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.