ജീവന്‍രക്ഷാപഥക് റോജിന് കലക്ടർ ഡോ. രേണുരാജ് കൈമാറുന്നു
അമ്പലപ്പുഴ: മുത്തശ്ശിയെ മരണത്തിന്‍റെ ആഴപ്പരപ്പില്‍നിന്ന് ജീവിതത്തിലേക്ക് പിടിച്ചുയർത്തിയ റോജിനെത്തേടിയെത്തിയത് ജീവന്‍രക്ഷാപഥക്. പുന്നപ്ര പുത്തൻപുരയ്ക്കൽ റോബർട്ടിന്റെയും ജിൻസിയുടെയും മകനാണ് റോജിൻ. 2019 ജനുവരി 27നാണ് മുത്തശ്ശിയെ റോജിൻ രക്ഷിച്ചത്. മുത്തശ്ശി മറിയാമ്മയോടൊപ്പം ചെറുവള്ളത്തിൽ പൂക്കൈതയാർ മുറിച്ച് പള്ളിയിലേക്കു പോകുന്നതിനിടെ ഹൗസ് ബോട്ടിന്‍റെ ഓളത്തിൽപെട്ട് മറിയുകയായിരുന്നു. മുത്തശ്ശി മുങ്ങിത്താഴുന്നത് കണ്ട് റോജിൻ റോബർട്ട് മുത്തശ്ശിയെ മറിഞ്ഞുകിടന്ന വള്ളത്തില്‍ കരയിലെത്തിച്ചു. അന്ന് 12 വയസ്സായിരുന്നു റോജിന്. നിരവധി ആദരമാണ് ലഭിച്ചത്. 2020ലാണ് രാഷ്ട്രപതിയുടെ ജീവൻരക്ഷാപഥക് അവാർഡിന് അർഹത നേടിയത്. കലക്ടറുടെ ചേംബറിൽ ശനിയാഴ്ച കലക്ടർ ഡോ. രേണുരാജ് അവാർഡ് കൈമാറി. പുന്നപ്ര സെന്റ് ജോസഫ് ഹൈസ്കൂളിലെ പത്താം ക്ലാസ് വിദ്യാർഥിയാണ് റോബിന്‍ ജോര്‍ജ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.