വളമംഗലത്ത് മൂന്നുപേർക്ക് തെരുവുനായുടെ കടിയേറ്റു

തുറവൂർ: വളമംഗലത്ത് തെരുവുനായുടെ ആക്രമണം. മൂന്നുപേർക്ക് കടിയേറ്റു. തുറവൂർ വളമംഗലം നെടുങ്ങാത്ര പ്രദീപ് (64), കൂത്താടിയിൽ ജയ (45), പീടികത്തറയിൽ ഗിരിജ (60) എന്നിവർക്കാണ് പരിക്കേറ്റത്. ഇവർ തുറവൂർ താലൂക്ക് ആശുപത്രിയിൽ ചികിത്സ തേടി. ശനിയാഴ്ച വൈകീട്ടും ഞായറാഴ്ചയുമാണ് തെരുവുനായ്​ ആക്രമണമുണ്ടായത്. തെരുവുനായെ നാട്ടുകാർ കൊന്നു. ആളുകൾക്കുപുറമെ നിരവധി വളർത്തുമൃഗങ്ങൾക്കും തെരുവുനായുടെ കടിയേറ്റു.