ആറാട്ടുപുഴ: ജോലിക്കിടെ ചകിരി താറ്റുയന്ത്രത്തിൽ കുടുങ്ങിയ യുവതിയുടെ കൈ അഗ്നിരക്ഷാ സേനയെത്തി പുറത്തെടുത്തു. ആറാട്ടുപുഴ പെരുമ്പള്ളി കൊച്ചുവീട്ടിൽ വീണയുടെ (35) കൈയാണ് ജോലിക്കിടെ യന്ത്രത്തിൽ കുടുങ്ങിയത്. ശനിയാഴ്ച വൈകീട്ട് 4.30ഓടെ പെരുമ്പള്ളി 878ാം നമ്പർ കയർ സംഘത്തിലാണ് സംഭവം. ചകിരി വൃത്തിയാക്കുന്നതിനിടെ താറ്റുയന്ത്രത്തിനുള്ളിലെ റോളറിനിടയിൽ കൈ കുടുങ്ങുകയായിരുന്നു. ഉടൻ മറ്റു ജീവനക്കാർ യന്ത്രം ഓഫാക്കി. കായംകുളത്തുനിന്ന് അഗ്നിരക്ഷാസേനാ സംഘമെത്തി ഹൈഡ്രോളിക് കട്ടർകൊണ്ട് ഏറെ ശ്രമഫലമായി മെഷീന്റെ റോളർ മുറിച്ചുമാറ്റിയാണ് കൈ പുറത്തെടുത്തത്. വലതുകൈപ്പത്തിക്ക് സാരമായി പരിക്കേറ്റ വീണയെ കായംകുളം താലൂക്ക് ആശുപത്രിയിലും ശേഷം ഹരിപ്പാട്ടെ സ്വകാര്യ ആശുപത്രിയിലും എത്തിച്ച് ചികിത്സ നൽകി. അസിസ്റ്റൻറ് സ്റ്റേഷൻ ഓഫിസർ ജി. പ്രസന്നകുമാർ, ഗ്രേഡ് അസിസ്റ്റൻറ് സ്റ്റേഷൻ ഓഫിസർ എ. ശ്രീകുമാർ എന്നിവരുടെ നേതൃത്വത്തിലാണ് രക്ഷാപ്രവർത്തനം നടത്തിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.