ചാരുംമൂട്: ചുനക്കര ഗ്രാമപഞ്ചായത്തിന്റെ ആഭിമുഖ്യത്തിൽ പ്രതിഭ പുരസ്കാരങ്ങൾ വിതരണം ചെയ്തു. പഞ്ചായത്ത് പ്രദേശത്ത് വിവിധ മേഖലകളിൽ മികവ് പുലർത്തിയവർക്കും പരീക്ഷകളിൽ ഉന്നത വിജയം നേടിയ വിദ്യാർഥികൾക്കുമാണ് പുരസ്കാരങ്ങൾ നൽകിയത്. എം.എസ്. അരുൺകുമാർ എം.എൽ.എ പുരസ്കാര വിതരണം നടത്തി. പ്രസിഡന്റ് കെ.ആർ. അനിൽകുമാർ അധ്യക്ഷത വഹിച്ചു. എസ്.ഐ.ഇ.ടി ഡയറക്ടർ ബി. അബുരാജ് മുഖ്യപ്രഭാഷണം നടത്തി. സാഹിത്യപോഷിണി ചീഫ് എഡിറ്റർ ചുനക്കര ജനാർദനൻ നായർ, കർഷക അവാർഡ് ജേതാവ് ചന്ദ്രൻ പിള്ള, മാധ്യമപ്രവർത്തകൻ അനിൽ പി. ജോർജ് തുടങ്ങിയവർ പുരസ്കാരങ്ങൾ ഏറ്റുവാങ്ങി. വൈസ് പ്രസിഡന്റ് സബീന റഹീം, സ്ഥിരം സമിതി അധ്യക്ഷൻ വി.കെ. രാധാകൃഷ്ണൻ, പഞ്ചായത്ത് അംഗങ്ങളായ മനോജ് കമ്പനിവിള, രഞ്ജിത്ത് തുടങ്ങിയവർ സംസാരിച്ചു. ഫോട്ടോ: ചുനക്കര ഗ്രാമപഞ്ചായത്തിന്റെ ആഭിമുഖ്യത്തിൽ നടന്ന പ്രതിഭ പുരസ്കാര വിതരണ സമ്മേളനം എം.എസ്. അരുൺ കുമാർ എം.എൽ.എ ഉദ്ഘാടനം ചെയ്യുന്നു
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.