കണിച്ചുകുളങ്ങര ദേവിക്ഷേത്രത്തിൽ ചിക്കരക്കുട്ടികളുടെ വരവേൽപ് തുടങ്ങി

ചേർത്തല: . സന്താനഭാഗ്യത്തിനും കുട്ടികളുടെ ബാലാരിഷ്ടതകളും രോഗങ്ങളും മാറുന്നതിനായും നേരുന്നതാണ് ചിക്കര വഴിപാട്. 21 ദിവസവും താമസിച്ച് കുട്ടികൾ ദേവിയുടെ ദാസ്യരായി ക്ഷേത്രത്തിൽ കഴിയും. വഴിപാടിനെത്തുന്ന കുട്ടികളെ വാദ്യമേളങ്ങളുടെ അകമ്പടിയോടെയാണ് ക്ഷേത്രത്തിലേക്ക്​ എതിരേൽക്കുന്നത്. ശാന്തി, വെളിച്ചപ്പാട്, കാലാക്ക, വാര്യൻ, തകിൽ തുടങ്ങി ക്ഷേത്രത്തിലെ ഏഴ് അവകാശികൾ ചേർന്ന് ചുവപ്പു പട്ടുടുപ്പിച്ച് ആടയാഭരണങ്ങൾ അണിഞ്ഞ് വാദ്യമേളങ്ങളുടെ അകമ്പടിയിൽ ദേവീനടയിൽ എത്തിക്കും. ഇവരെ മേൽശാന്തി സ്വീകരിച്ച് ദേവിയുടെ ദാസ്യന്മാരാക്കും. തുടർന്നുള്ള ദിവസങ്ങളിൽ ദേവി ഇവർക്കൊപ്പം വിളയാടുമെന്നാണ് ഐതിഹ്യം. ചിക്കരകൊട്ടിക്കൽ കൂട്ടക്കള മഹോത്സവ ദിനമായ 14ന്​ വൈകിട്ട് ദീപാരാധന വരെ കുട്ടികളെ ചിക്കര വഴിപാടിന്​ ക്ഷേത്രത്തിലേക്ക്​ വരവേൽക്കും. 22നാണ് താലിചാർത്ത് മഹോത്സവം. 27ന് തെക്കേ ചേരുവാര മഹോത്സവവും 28ന് വടക്കേ ചേരുവാര കൂട്ടക്കള മഹോത്സവവും നടക്കും. കോവിഡ് മാനദണ്ഡങ്ങൾ പാലിച്ചാണ് ചടങ്ങുകൾ നടത്തുന്നത്.