കെ.എസ്​.ആർ.ടി.സി 'ബൈപാസ്​ റൈഡർ' ആലപ്പുഴയിൽ രണ്ടിടത്ത്​ സ്​റ്റോപ്​

ആലപ്പുഴ: ​കെ.എസ്​.ആർ.ടി.സി ആരംഭിക്കുന്ന അതിവേഗ സർവിസ്​ 'ബൈപാസ്​ റൈഡറിന്​' ആലപ്പുഴയിൽ രണ്ടിടത്ത്​ സ്​റ്റോപ്​. ബസി​‍ൻെറ പരീക്ഷണ ഓട്ടം പൂർത്തീകരിച്ചതിന്​ പിന്നാലെയാണ്​ സ്​റ്റോപ്പി​‍ൻെറ കാര്യത്തിൽ തീരുമാനമുണ്ടായത്​. ആലപ്പുഴ ബൈപാസിന്​ സമീപത്തെ കൊമ്മാടിയിലും ചേർത്തല എക്​സ്​റേ ജങ്​ഷനിൽ പോളിടെക്​നിക്കിന്​ സമീപവുമാണ്​ സ്​റ്റോപ്​. തിരുവനന്തപുരത്തുനിന്നും കോഴിക്കോടുനിന്നും ആരംഭിക്കുന്ന സർവിസുകളിൽ ഒന്ന്​​ ആലപ്പുഴവഴിയും മറ്റൊന്ന്​ കോട്ടയംവഴിയുമാണ്​​. ആലപ്പുഴ വഴി സർവിസ്​ നടത്തുന്ന ബസി​​‍ൻെറ സ്​റ്റോപ്പുകൾക്ക്​ ഉപയോഗിക്കാതെ കിടക്കുന്ന ജനുറം ലോ​ഫ്ലോർ ബസുകൾ രൂപമാറ്റം വരുത്തിയാകും കാത്തിരിപ്പ്​ കേന്ദ്രമൊരുക്കുക. റൈഡർ കാത്തുനിൽക്കുന്നവർക്കും​ ഇത്​ ഉപ​കാരപ്രദമാണ്​. ഇത്തരം ബൈപാസ്​ സ്​റ്റേഷനുകളിൽനിന്ന്​ റൈഡറിൽ കയറാൻ യാത്രക്കാർക്കായി വിവിധയിടങ്ങളിൽനിന്ന്​ കണക്​ടിവിറ്റി ഫീഡർ സർവിസുമുണ്ടാകും. ലോ​ഫ്ലോർ ബസി​‍ൻെറ അവസാനവട്ട മിനുക്കുപണി ആലപ്പുഴ ഡിപ്പോയിൽ പുരോഗമിക്കുകയാണ്​. കൊമ്മാടിയിലും എക്​സ്​റേ ജങ്​ഷനിലുമാണ്​ ഇരിപ്പിടം സജ്ജമാക്കുക. ആലപ്പുഴ ഡിപ്പോ, ജനറൽ ആശുപത്രി, കലക്ടറേറ്റ്‌, കൊമ്മാടി, കലവൂരാണ്‌ ഫീഡറി​‍ൻെറ റൂട്ട്‌. അരമണിക്കൂർ ഇടവിട്ട്‌ സർവിസുണ്ടാകും. ആലപ്പുഴ, ചേർത്തല ഡിപ്പോകളിൽ കയറാതെ ബൈപാസിലൂടെ സഞ്ചരിക്കുന്നതിനാൽ ചുരുങ്ങിയത്​ 15 മുതൽ 25 മിനിറ്റുവരെ ലാഭിക്കാം. തിരുവനന്തപുരം-കോഴിക്കോട്‌ റൂട്ടിൽ നിലവിലുള്ളതിനെക്കാൾ സമയത്തിൽ രണ്ടുമണിക്കൂർ കുറവുണ്ടാകുമെന്നാണ്​ വിലയിരുത്തൽ. കഴിഞ്ഞദിവസങ്ങളിൽ നടത്തിയ പരീക്ഷണ ഓട്ടത്തിൽ സ്​റ്റോപ്പുകളുടെ സ്ഥിതി വിലയിരുത്തിയിരുന്നു. ബൈപാസ്​ റൈഡർ നിർത്തുന്ന സ്ഥലങ്ങളുടെ സമയവും വിവരം യാത്രക്കാരെ അറിയിക്കുന്നതിനൊപ്പം ഡിപ്പോയിലും പ്രദർശിപ്പിക്കും. APL bypass bus കെ.എസ്​.ആർ.ടി.സി അതിവേഗ സർവിസ്​ ബൈപാസ്​ റൈഡറി​‍ൻെറ ആലപ്പുഴയിലെ സ്​റ്റേഷനുകൾക്കായി രൂപമാറ്റം വരുത്തിയ ജനുറം ലോ​ഫ്ലോർ ബസുകൾ