ഗുണ്ടനേതാവിനെ​ വെട്ടിയ കേസിൽ സഹോദരൻ അറസ്റ്റിൽ

ആലപ്പുഴ: കുടുംബസ്വത്ത്​ തർക്കത്തിൽ ഗുണ്ടനേതാവിനെ വെട്ടിയ കേസിൽ സഹോദരൻ അറസ്റ്റിൽ. നിരവധി ക്രിമിനൽ കേസുകളിൽ പ്രതിയായ ആലപ്പുഴ കുന്നുംപുറം റോസ് മഹലിൽ സാബിറിനെ​ (42) വെട്ടിയ കേസിൽ സഹോദരൻ ആലപ്പുഴ സിവ്യൂ വാർഡ്​ ഹനാ വില്ലയിൽ ഹാരിസിനെയാണ്​​ (44) സൗത്ത്​ പൊലീസ്​ അറസ്റ്റ്​ ചെയ്തത്​. സംഭവത്തിൽ ഉൾപ്പെട്ട ആലപ്പുഴ സക്കറിയ വാർഡ്​ പുളിമ്പറമ്പിൽ തൗഹീദ്​ (30), ആലപ്പുഴ സക്കറിയ വാർഡ് ഷബ്​നം മൻസിലിൽ ഷഹനാസ്​ (21) എന്നിവരെ നേരത്തെ അറസ്റ്റ്​ ചെയ്തിരുന്നു. ഇതോടെ കേസുമായി ബന്ധപ്പെട്ട്​ മൂന്നുപേർ അറസ്റ്റിലായി. ഈ മാസം എട്ടിന്​ ഉച്ചക്ക് 1.30ന്​ ആലപ്പുഴ വട്ടയാലുള്ള കുടുംബവീട്ടിലായിരുന്നു ആക്രമണം. സ്വത്തുതർക്കത്തിൽ സഹോദരന്മാരുടെ നേതൃത്വത്തിൽ അഞ്ചംഗ സംഘമാണ്​ വെട്ടിയത്​. ​ മുസ്‌ലിം ലീഗ് വീട്ടുമുറ്റം കുടുംബ സംഗമത്തിന്​​ തുടക്കം ആലപ്പുഴ: മുസ്​ലിം ലീഗ്​ വീട്ടുമുറ്റ കുടുംബ സംഗമങ്ങൾക്ക്​ തുടക്കം. 'മാനവികത ഉയര്‍ത്താം, മനുഷ്യത്വം വളര്‍ത്താം' സന്ദേശവുമായി ജില്ല മുസ്‌ലിം ലീഗ് ആവിഷ്‌കരിച്ച വീട്ടുമുറ്റം കുടുംബസംഗമം പി. ഉബൈദുല്ല എം.എൽ.എ ഉദ്​ഘാടനം ചെയ്തു. വര്‍ഗീയതയോടും തീവ്രവാദത്തോടും മുസ്‌ലിം ലീഗ് ഒരുകാലത്തും സന്ധി ചെയ്തിട്ടില്ല. ഭരണഘടനക്ക്​ വിലകല്‍പിക്കാത്ത സര്‍ക്കാറാണ് രാജ്യം ഭരിക്കുന്നത്. ജനങ്ങളെ ഒന്നായി കാണേണ്ട ഭരണകൂടം അവര്‍ക്കിടയില്‍ വേര്‍തിരിവ്​ സൃഷ്ടിക്കാനാണ് ശ്രമിക്കുന്നതെന്നും അദ്ദേഹം പറഞ്ഞു. ലജ്‌നത്ത് വാര്‍ഡ് പ്രസിഡന്‍റ്​ വൈ. ഫസലുദ്ദീന്‍ അധ്യക്ഷത വഹിച്ചു. മുസ്‌ലിം ലീഗ് സംസ്ഥാന സെക്രട്ടറി ടി.എം. സലീം മുഖ്യപ്രഭാഷണം നടത്തി. ജില്ല പ്രസിഡന്‍റ്​ എ.എം. നസീര്‍, ജനറല്‍ സെക്രട്ടറി എച്ച്. ബഷീര്‍കുട്ടി, ട്രഷറര്‍ കമാല്‍ എം. മാക്കിയില്‍, വൈസ് പ്രസിഡന്‍റ്​ നസീം ഹരിപ്പാട്, സെക്രട്ടറിമാരായ എസ്.എ. അബ്ദുല്‍ സലാം ലബ്ബ, എ.എ. റസാഖ്, എസ്. നുജുമുദ്ദീന്‍, എസ്. നജ്മല്‍ ബാബു എന്നിവർ സംസാരിച്ചു. എ. എം. നൗഫല്‍ സ്വാഗതവും ഷാഫി റഹ്മത്തുല്ല നന്ദിയും പറഞ്ഞു. APL veettumuttam muslim league മുസ്​ലിം ലീഗ്​ വീട്ടുമുറ്റം കുടുംബസംഗമം ജില്ലതല ഉദ്‌ഘാടനം ആലപ്പുഴ ലജ്‌നത്ത് വാര്‍ഡിൽ പി. ഉബൈദുല്ല എം.എൽ.എ നിർവഹിക്കുന്നു