തൊഴിലുറപ്പ് തൊഴിലാളികൾ ഇനി പാട്ടുകേട്ട് പണിയെടുക്കും

10 റേഡിയോ വാങ്ങി നൽകി മുഹമ്മ: . പഞ്ചായത്ത്‌ 12ാം വാർഡിലെ തൊഴിലുറപ്പ് തൊഴിലാളികൾക്കാണ് പാട്ടുകേട്ട് പണിയെടുക്കുന്നതിന്​ 10 റേഡിയോ വാങ്ങിനൽകിയത്. വാർഡിൽ 10 തൊഴിലുറപ്പ് ഗ്രൂപ്പാണുള്ളത്. ഓരോ ഗ്രൂപ്പിനും ഓരോ റേഡിയോ വീതമാണ് പഞ്ചായത്ത്‌ അംഗത്തി​ൻെറ നേതൃത്വത്തിൽ നൽകിയത്. ആര്യാട് ബ്ലോക്ക്‌ ഡെവലപ്മൻെറ്​ ഓഫിസർ ആർ. രജിത് റേഡിയോ തൊഴിലാളികൾക്ക് നൽകി ഉദ്​ഘാടനം നിർവഹിച്ചു. പഞ്ചായത്ത്‌ അംഗം ലതീഷ് ബി. ചന്ദ്രൻ അധ്യക്ഷത വഹിച്ചു. സംസ്ഥാനത്തുതന്നെ ആദ്യമായാണ് ഇങ്ങനെ ഒരുപദ്ധതി. തൊഴിലാളികൾക്ക് പോസിറ്റിവ് എനർജി നൽകുകയും കാര്യക്ഷമത വളർത്തലുമാണ് പദ്ധതിയുടെ ലക്ഷ്യമിടുന്നതെന്ന് ലതീഷ് ബി. ചന്ദ്രൻ പറഞ്ഞു. ആഫ്രിക്കൻ ഒച്ചി​ൻെറ ശല്യം വർധിച്ചതോടെ ഇതിനെ ഉന്മൂലനം ചെയ്യുന്നതിന്​ സമ്മാനങ്ങളും ഏറ്റവും കൂടുതൽ ഒച്ചിനെ പിടിക്കുന്നവർക്ക് സൗജന്യ മെട്രോ യാത്രയും വാഗ്ദാനം ചെയ്ത് ശ്രദ്ധനേടിയ വാർഡാണിത്. തൊഴിലുറപ്പ് തൊഴിലാളികളുടെ ക്രിസ്​മസ്, പുതുവത്സര ആഘോഷം ഗാനരചയിതാവ് രാജീവ്‌ ആലുങ്കൽ കേക്ക് മുറിച്ചുനടത്തി. തൊഴിലുറപ്പ് സാധ്യതകൾ സംബന്ധിച്ച് ആര്യാട് ബ്ലോക്ക് ഹൗസിങ്​ ഓഫിസർ സി. പ്രദീപ് കുമാർ, വനിത ക്ഷേമ ഓഫിസർ എൻ. സജിത് രാജ് എന്നിവർ ക്ലാ​െസടുത്തു. തൊഴിലുറപ്പ് തൊഴിലാളികളുമായി 'തുറന്നു പറച്ചിൽ' സംവാദത്തിന് ആർ. സബീഷ് മണവേലി നേതൃത്വം നൽകി. പടം: തൊഴിലുറപ്പ് തൊഴിലാളികൾക്ക് റേഡിയോ നൽകുന്നു