നഗരസഭ വായന വസന്തത്തിന് ഹലീമയുടെ വീട്ടിൽ തുടക്കം

ആര്യാട്​: 'ഒരിക്കൽ ഗാന്ധിജി ഉത്തരേന്ത്യയിലെ ഒരു സ്​കൂളിൽ ചെന്നു. മുട്ടുവരെ എത്തുന്ന മുണ്ട് മാത്രമായിരുന്നു വേഷം...' ആര്യാട് എച്ച്.എസ് എൽ.പി സ്കൂളിലെ നാലാം ക്ലാസ് വിദ്യാർഥിനി ഹലീമ സന്തോഷത്തോടെ ത​ൻെറ ഹോം ലൈബ്രറിയിൽനിന്ന് എടുത്ത 'നമ്മുടെ ബാപ്പുജി' പുസ്​തകം വായിക്കാൻ തുടങ്ങി. സമഗ്രശിക്ഷ കേരളം നടപ്പാക്കിയ വായന വസന്തത്തി​ൻെറ ഭാഗമായി ആലപ്പുഴ മുനിസിപ്പൽ പ്രദേശത്തെ വീടുകൾ പ്രതിനിധാനംചെയ്​ത്​ നടന്ന ഹോം ലൈബ്രറിയുടെ ഉദ്ഘാടനവേളയായിരുന്നു ഇത്​. എൽ.പി ക്ലാസുകളിലെ കുട്ടികളിൽ വായനസംസ്​കാരം വളർത്തുക എന്ന ലക്ഷ്യത്തോടെയാണ് ഹോം ലൈബ്രറികൾ കുട്ടികളുടെ വീടുകളിൽ തുടങ്ങുന്നത്. ഓരോ കുട്ടിക്കും മൂന്ന് കഥാപുസ്​തകങ്ങൾ വീതം സ്​കൂളിൽനിന്ന്​ നൽകിയിട്ടുണ്ട്. രക്ഷിതാക്കളു​െടയും മറ്റും സഹായത്തോടെ സംഘടിപ്പിക്കുന്ന പുസ്​തകങ്ങൾകൂടി ചേർത്താണ്​ ഹോം ലൈബ്രറികൾ രൂപവത്​കരിക്കുന്നത്. ഹോം ലൈബ്രറിയുടെ ഉദ്ഘാടനം ആലപ്പുഴ നഗരസഭ വൈസ് ചെയർമാൻ പി.എസ്.എം. ഹുസൈൻ നിർവഹിച്ചു. ഹലീമയുടെ വീട്ടിൽ ചേർന്ന യോഗത്തിൽ പുന്നമട വാർഡ് കൗൺസിലർ ജി. ശ്രീലേഖ അധ്യക്ഷത വഹിച്ചു. ഹെഡ്​മാസ്​റ്റർ എം. ഷുക്കൂർ സ്വാഗതവും സ്​റ്റാഫ് സെക്രട്ടറി സുനിൽ നന്ദിയും പറഞ്ഞു. അധ്യാപിക കലാരഞ്ജിനി സംസാരിച്ചു. APL VAYANA VASANTHAM വായന വസന്തം ഹോം ലൈബ്രറി ആര്യാട് ഗവ.എച്ച്.എസ് എൽ.പി സ്കൂളിലെ ഹലീമയുടെ വീട്ടിൽ ആലപ്പുഴ നഗരസഭ വൈസ് ചെയർമാൻ പി.എസ്.എം. ഹുസൈൻ ഉദ്ഘാടനം ചെയ്യുന്നു