ആലപ്പുഴ-ചങ്ങനാശ്ശേരി റോഡ്​ നവീകരണം: മാമ്മൂട് പാലം നാളെ തുറക്കും

കുട്ടനാട്: മങ്കൊമ്പ് ചമ്പക്കുളം ആശുപത്രി റോഡിലെ മാമ്മൂട് പാലം തിങ്കളാഴ്ച ഗതാഗതത്തിന് തുറന്നുകൊടുക്കുമെന്ന് തോമസ് കെ. തോമസ് എം.എൽ.എ അറിയിച്ചു. എ.സി റോഡ് നിർമാണവുമായി ബന്ധപ്പെട്ട് ഗതാഗതം തിരിച്ചുവിടുന്നതിന് പാലം തുറക്കുന്നതോടെ കൂടുതൽ ഗുണകരമാകും. ആലപ്പുഴ-ചങ്ങനാശ്ശേരി റോഡ്​ നവീകരണത്തി​ൻെറ ഭാഗമായി ചെറുപാലങ്ങൾ പൊളിച്ച്​ പുതുക്കിപ്പണിയുന്ന പ്രവർത്തനങ്ങൾ പുരോഗമിക്കുന്നുണ്ട്. ഈ സാഹചര്യത്തിൽ വാഹനങ്ങൾ വഴിതിരിച്ചുവിടുമ്പോൾ യാത്രക്കാരുടെ സുഗമസഞ്ചാരം ഉറപ്പുവരുത്താൻ മാമ്മൂട് പാലം തുറക്കുന്നതോടെ കൂടുതൽ ഗുണകരമാകും. സ്കൂൾ തുറന്ന പശ്ചാത്തലവും നെല്ല്​ സംഭരണവും കണക്കിലെടുത്ത് വളരെ വേഗത്തിലാണ് പാലം നിർമാണം പുരോഗമിക്കുന്നത്. മാമ്മൂട് പാലം തുറക്കുന്നതോടെ നെടുമുടി മാധവശേരി പാലം പൊളിക്കുന്ന പ്രവൃത്തികൾ ആരംഭിക്കും. മാമ്മൂട് പാലത്തി​ൻെറ അപ്രോച് റോഡ് നിർമാണവുമായി ബന്ധപ്പെട്ട്​ ഉയർന്ന തർക്കങ്ങൾ നേരത്തെ പരിഹരിച്ചിരുന്നു. കനത്ത മഴയും ക്വാറികളിൽ നിന്നുള്ള മണ്ണെടുപ്പിന് നിയന്ത്രണമേർപ്പെടുത്തിയതും മാമ്മൂട് പാലം നിർമാണത്തിന് തടസ്സമായെങ്കിലും സമയോചിത ഇടപെടലിലൂടെ പ്രശ്നം പരിഹരിക്കാൻ കഴി​െഞ്ഞന്നും എം.എൽ.എ പറഞ്ഞു. 3.44 കോടി രൂപ ഉപയോഗിച്ച് 10 മീ. നീളത്തിലും നടപ്പാതയടക്കം ഒമ്പത്​ മീ. വീതിയിലും പൊതുമരാമത്ത് ബ്രിഡ്ജ്സ് വിഭാഗത്തി​ൻെറ മേൽനോട്ടത്തിലാണ് നിർമാണം.