ആറളം വനത്തിൽ ഉരുൾ പൊട്ടി; ആളുകൾ ഓടി രക്ഷപെട്ടു

കേളകം: ആറളം വന്യ ജീവി സങ്കേതത്തി​​​​​​​െൻറ ഉൾവനത്തിൽ ഉരുൾപൊട്ടലുണ്ടായതിനെ തുടർന്ന് ചീങ്കണ്ണിപ്പുഴയിൽ അപ്രതീക്ഷിതമായി വെള്ളം പൊങ്ങി. ഞായറാഴ്ച്ച വൈകിട്ട് അഞ്ചരയോടു കൂടിയാണ് ചീങ്കണ്ണിപുഴയിൽ പൊടുന്നനെ മലവെള്ളപാച്ചിലുണ്ടായത്.

ഈ സമയത്ത് കേളകം, കണിച്ചാർ പഞ്ചായത്തുകളിലായി ഈ പുഴയുടെ വിവിധ ഭാഗങ്ങളിൽ കുട്ടികൾ ഉൾപ്പെടെയുള്ളവരുണ്ടായിരുന്നു. വെള്ളം പൊങ്ങിയതിനെ തുടർന്ന്​ പുഴക്കരയിൽ ഉണ്ടായിരുന്നവർ ഓടി രക്ഷപെട്ടു.കേളകം പോലിസ് സമയേജിതമായി ഇടപെട്ട് ആളുകളെ ഒഴിപ്പിച്ചതിനാൽ അപകടം ഒഴിവായി.