കിഫ്​ബി: നീക്കത്തിന്​ പിന്നിൽ കേരളത്തെ തകർക്കുക ലക്ഷ്യം; മസാലബോണ്ടിന്​ അനുമതിയുണ്ടെന്ന്​ ​ വ്യക്​തമായി -പിണറായി

തിരുവനന്തപുരം: കിഫ്​ബിക്കെതിരായ നീക്കത്തിന്​ പിന്നിൽ കേരളത്തെ തകർക്കുക എന്ന ലക്ഷ്യമുള്ളവരാണെന്ന്​ മുഖ്യമ​ന്ത്രി പിണറായി വിജയൻ. കിഫ്​ബിയുടെ മസാലബോണ്ടിന്​ ആർ.ബി.ഐ അംഗീകാരമുണ്ടെന്ന്​ കേന്ദ്രസർക്കാർ തന്നെ വ്യക്​തമാക്കിയിട്ടുണ്ടെന്ന്​ പിണറായി വിജയൻ പറഞ്ഞു.

കിഫ്​ബിക്കെതിരായ ആരോപണങ്ങളിൽ യു.ഡി.എഫിനും ബി.ജെ.പിക്കും ഒരേ സ്വരം. കിഫ്​ബി സാമ്പത്തിക അച്ചടക്കമുള്ള സ്ഥാപനമാണ്​. കിഫ്​ബിക്കെതിരെ രംഗത്തെത്തുന്നവർ വികസനം വേണ്ട എന്ന നിലപാടുള്ളവരാണെന്നും പിണറായി പറഞ്ഞു.

നേരത്തെ കിഫ്​ബിയുടെ മസാലബോണ്ടിനെതിരെ നിരവധി ആരോപണങ്ങൾ ഉയർന്നിരുന്നു. ബോണ്ടിന്‍റെ ആർ.ബി.ഐ അനുമതി സംബന്ധിച്ചും വാദപ്രതിവാദങ്ങളുണ്ടായിരുന്നു.