കേരള സ്പോർട്സ് കൗൺസിലിന്‍റെ മികച്ച ഫോട്ടോഗ്രാഫർ അവാർഡ് ബൈജു കൊടുവള്ളിക്ക്

തി​രു​വ​ന​ന്ത​പു​രം: സം​സ്ഥാ​ന സ്​​പോ​ർ​ട്​​സ്​ കൗ​ൺ​സി​ലി​ന്‍റെ 2023-24 വ​ർ​ഷ​ത്തെ മി​ക​ച്ച സ്​​പോ​ർ​ട്​​സ്​ ഫോ​ട്ടോ​ഗ്രാ​ഫ​ർ​ക്കു​ള്ള അ​വാ​ർ​ഡ്​ ‘മാ​ധ്യ​മം’ കൊ​ച്ചി ബ്യൂ​റോ സീ​നി​യ​ർ ഫോ​ട്ടോ​ഗ്രാ​ഫ​ർ ബൈ​ജു കൊ​ടു​വ​ള്ളി​ക്ക്. 50,000 രൂ​പ​യും പ്ര​ശം​സ​പ​ത്ര​വും ഫ​ല​ക​വും അ​ട​ങ്ങു​ന്ന​താ​ണ്​ പു​ര​സ്കാ​രം. ക​ഴി​ഞ്ഞ മൂ​ന്ന്​ വ​ർ​ഷ​ങ്ങ​ളി​ലെ അ​വാ​ർ​ഡു​ക​ളാ​ണ്​ സ്​​പോ​ർ​ട്​​സ്​ കൗ​ൺ​സി​ൽ പ്ര​സി​ഡ​ന്‍റ്​ യു. ​ഷ​റ​ഫ​ലി വാ​ർ​ത്ത​സ​മ്മേ​ള​ന​ത്തി​ൽ പ്ര​ഖ്യാ​പി​ച്ച​ത്.

2022-23ലെ ​മി​ക​ച്ച സ്​​പോ​ർ​ട്​​സ്​ ലേ​ഖ​ക​ൻ-​പ്ര​ദീ​പ്​ ഗോ​പാ​ൽ (ദേ​ശാ​ഭി​മാ​നി), ഫോ​ട്ടോ​ഗ്രാ​ഫ​ർ-​മി​ഥു​ൻ അ​നി​ല മി​ത്ര​ൻ (ദേ​ശാ​ഭി​മാ​നി), സ്​​പോ​ർ​ട്​​സ്​ ഫീ​ച്ച​ർ-​അ​നൂ​ബ്​ ശ്രീ​ധ​ർ (മ​നോ​ര​മ ന്യൂ​സ്), മി​ക​ച്ച സ്​​പോ​ർ​ട്​​സ്​ പു​സ്ത​കം-​റ​ഹ്​​മാ​ൻ പൂ​വ​ഞ്ചേ​രി (ഫു​ട്​​ബാ​ളി​ന്‍റെ പു​സ്ത​കം). ഡോ. ​പി.​ടി. അ​ജീ​ഷ്​ (എ​സ്.​സി.​ഇ.​ആ​ർ.​ടി, കേ​ര​ളം) ആ​ണ്​ 23-24ലെ ​മി​ക​ച്ച ലേ​ഖ​ക​ൻ.

കൗൺസിലിന്‍റെ 2022 മുതൽ 25 വരെയുള്ള ജി.വി. രാജ അവാർഡ് ഉൾപ്പെടെയാണ് പ്രസിഡന്‍റ് യു. ഷറഫലി വാർത്താസമ്മേളനത്തിൽ അറിയിച്ചത്. മുൻ കായികതാരവും പരിശീലകനും മാധ്യമ പ്രവർത്തകനുമായ ഡോ. മുഹമ്മദ് അഷ്റഫിന് 2022-23ലെ ഒളിമ്പ്യൻ സുരേഷ് ബാബു ലൈഫ് ടൈം അച്ചീവ്മെന്‍റ് പുരസ്കാരവും 2023-24ലെ മികച്ച സ്പോർട്സ് പുസ്തകത്തിനുള്ള അവാർഡും ലഭിച്ചു.

2022-23ലെ ജി.വി. രാജ പുരസ്കാരത്തിന് അബ്ദുല്ല അബുബക്കറും വി.കെ. വിസ്മയയും 2023-24 ലെ പുരസ്കാരത്തിന് മുഹമ്മദ് അജ്മൽ, ആൻസി സോജൻ, 2024-25ലെ ജി.വി. രാജ പുരസ്കാരത്തിന് മുഹമ്മദ് അഫ്സൽ, പി.കെ. ഐശ്വര്യ എന്നിവരും അർഹരായി. 2023-24ലെ ലൈഫ് ടൈം അച്ചീവ്മെന്‍റ് അവാർഡിന് പി.എസ്. അബ്ദുൽ റസാഖ്, 2024-25ൽ സുഭാഷ് ജോർജ് എന്നിവരും അർഹരായി.

സ്​​പോ​ർ​ട്​​സ്​ ഫീ​ച്ച​ർ-​സ​നി​ൽ​ഷാ, (ഏ​ഷ്യാ​നെ​റ്റ്​ ന്യൂ​സ്) പു​സ്ത​കം-​ഡോ. മു​ഹ​മ്മ​ദ്​ അ​ഷ്​​റ​ഫ്​ (മാ​ന്ത്രി​ക ബൂ​ട്ടു​ക​ൾ). 2024-25 ലെ ​മി​ക​ച്ച ലേ​ഖ​ക​ൻ-​ജോ​മി​ച്ച​ൻ ജോ​സ്​ (മ​ല​യാ​ള മ​നോ​ര​മ), ഫോ​ട്ടോ​ഗ്രാ​ഫ​ർ-​ജി​ബി​ൻ ചെ​മ്പോ​ല (മ​ല​യാ​ള മ​നോ​ര​മ), സ്​​പോ​ർ​ട്​​സ്​ പു​സ്ത​കം-​ഡോ. പി.​ടി. അ​ജീ​ഷ്​ (ആ​രോ​ഗ്യ കാ​യി​ക സം​സ്കാ​ര​ത്തി​ന്​ ഒ​രാ​മു​ഖം)

സ്പോർട്സ് കമന്‍റേറ്റർ ഷൈജു ദാമോദരൻ ജൂറി പ്രത്യേക പുരസ്കാരത്തിനും അർഹനായി. ദേശീയ, അന്തർദേശീയ കായികവേദികളിൽ മലയാളത്തിന്‍റെ ശബ്ദമാണ് ഷൈജു ദാമോദരൻ. 22 വർഷത്തിലേറെയായി കായിക മാധ്യമ പ്രവർത്തന പരിചയമുള്ള ഷൈജു സ്പോർട്സ് ആങ്കർ, പ്രസന്‍റർ എന്നീ നിലകളിലും പ്രവർത്തിക്കുന്നു.