തിരുവനന്തപുരം: സംസ്ഥാനത്ത് ഇന്ന് 86 പേര്ക്ക് കോവിഡ് സ്ഥിരീകരിച്ചു. ഒരുദിവസം രേഖപ്പെടുത്തിയ ഏറ്റവും ഉയർന്ന രോഗബാധയാണിത്. ഗുരുതര ശ്വാസകോശ രോഗബാധയെ തുടര്ന്ന് തിരുവനന്തപുരം മെഡിക്കല് കോളേജില് ചികിത്സയിലിരിക്കെ ഇന്ന് മരിച്ച 77 കാരനും കോവിഡ് ബാധിച്ചിരുന്നതായി സ്ഥിരീകരിച്ചു. ഇതോടെ കോവിഡ് ബാധിച്ച് കേരളത്തിലെ മരണം 11 ആയി. 19 പേർക്കാണ് ഇന്ന് രോഗം ഭേദമായത്. മലപ്പുറം ജില്ലയിലെ ആനക്കയം ഹോട്ട്സ്പോട്ടായതായി മുഖ്യമന്ത്രി അറിയിച്ചു.
തിരുവനന്തപുരം മെഡിക്കല് കോളേജില് ചികിത്സയിലായിരുന്ന നാലാഞ്ചിറ സ്വദേശി ഫാ. കെ.ജി. വര്ഗീസ് ആണ് ഇന്ന് മരിച്ചത്. ഇന്ന് സ്ഥിരീകരിച്ചവരിൽ 12 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. രോഗം സ്ഥേിരീകരിച്ചവരിൽ 46 പേർ വിദേശത്ത് നിന്ന് വന്നവരും 26 പേർ മറ്റു സംസ്ഥാനങ്ങളിൽ നിന്ന് വന്നവരുമാണ്.
ഇന്ന് രോഗം സ്ഥിരീകരിച്ചവരുടെ എണ്ണം ജില്ലകളിൽ:
മലപ്പുറം -15
ആലപ്പുഴ -10
കാസർഗോഡ് -9
കൊല്ലം -8
തിരുവനന്തപുരം -7
കോട്ടയം- 6
തൃശൂര് -6
വയനാട് -6
പാലക്കാട് -5
കോഴിക്കോട് -5
കണ്ണൂര് -5
എറണാകുളം -3
പത്തനംതിട്ട -1 .
സംസ്ഥാനത്താകെ രോഗം സ്ഥിരീകരിച്ചവരിൽ 46 പേര് വിദേശത്ത് നിന്നും വന്നവരാണ്. കുവൈറ്റ്-21, യു.എ.ഇ.-16, സൗദി അറേബ്യ-6, മാലിദ്വീപ്-1, ഖത്തര്-1, ഒമാന്-1 എന്നിങ്ങനെയാണ് വിദേശത്ത് നിന്ന് വന്നവരുടെ കണക്ക്. 26 പേര് മറ്റ് സംസ്ഥാനങ്ങളില് നിന്നെത്തിയവരാണ്. മഹാരാഷ്ട്ര-9, തമിഴ്നാട്-7, കര്ണാടക-5, ഡല്ഹി-3, ഗുജറാത്ത്-1, രാജസ്ഥാന്-1 എന്നിങ്ങനെയാണ് മറ്റു സംസ്ഥാനങ്ങളിൽ നിന്ന് വന്നവർ. 12 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. വയനാട് ജില്ലയിലെ 6 പേര്ക്കും മലപ്പുറം ജില്ലയിലെ 4 പേര്ക്കും കാസര്ഗോഡ്, കണ്ണൂര് ജില്ലകളിലെ ഒരാള്ക്ക് വിതവുമാണ് സമ്പര്ക്കത്തിലൂടെ രോഗം സ്ഥിരീകരിച്ചത്. പാലക്കാട് ജില്ലയിലെ ഒരു ആരോഗ്യ പ്രവര്ത്തകക്കും രോഗം ബാധിച്ചു.
രോഗം സ്ഥിരികരിച്ച് ചികിത്സയിലായിരുന്ന 19 പേരുടെ പരിശോധനാഫലമാണ് ഇന്ന് നെഗറ്റീവ് ആയത്. കോട്ടയം, കാസര്ഗോഡ് ജില്ലകളില് നിന്നുള്ള 7 പേരുടെ വീതവും തിരുവനന്തപുരം ജില്ലയില് നിന്നുള്ള 2 പേരുടെയും പത്തനംതിട്ട, മലപ്പുറം, കണ്ണൂര് ജില്ലകളില് നിന്നുള്ള ഓരോരുത്തരുടെ വീതവും പരിശോധനാഫലമാണ് നെഗറ്റീവ് ആയത്. ഇതോടെ 774 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 627 പേര് ഇതുവരെ കോവിഡില് നിന്നും മുക്തി നേടി.
സംസ്ഥാനത്തെ വിവിധ ജില്ലകളിലായി 1,47,010 പേര് നിരീക്ഷണത്തിലാണ്. ഇവരില് 1,45,670 പേര് വീടുകളിലോ താൽകാലിക കേന്ദ്രങ്ങളിലോ നിരീക്ഷണത്തിലാണ്. 1340 പേരാണ് ആശുപത്രികളിൽ നിരീക്ഷണത്തിലുള്ളത്. 200 പേരെയാണ് ഇന്ന് ആശുപത്രിയില് പ്രവേശിപ്പിച്ചത്.
24 മണിക്കൂറിനിടെ 2421 സാമ്പിളുകള് പരിശോധനയ്ക്കായി അയച്ചിട്ടുെണ്ടന്ന് മുഖ്യമന്ത്രി അറിയിച്ചു. ഇതുവരെ 71,068 പേരുടെ സാമ്പിള് പരിശോധനയ്ക്ക് അയച്ചിട്ടുണ്ട്. ഇതില് ലഭ്യമായ 67,249 സാമ്പിളുകളുടെ പരിശോധനാഫലം നെഗറ്റീവ് ആണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.