ന്യൂഡൽഹി: രാജ്യത്ത് പ്രതിദിന കോവിഡ് കേസുകൾ കുറയുന്നു. 10,423 കേസുകൾ മാത്രമാണ് പുതുതായി റിപ്പോർട്ട് ചെയ്തത്. 259 ദിവസത്തിനിടെയുള്ള ഏറ്റവും കുറഞ്ഞ നിരക്കാണിത്. പ്രതിദിന കേസുകളിൽ ആയിരത്തിനു മുകളിൽ റിപ്പോർട്ട് ചെയ്യപ്പെടുന്നത് കേരളത്തിൽ മാത്രമാണ്.
രണ്ടാം കോവിഡ് തരംഗം ഏറെ ബാധിച്ച മഹാരാഷ്ട്രയിൽ പുതുതായി 809 കേസുകൾ മാത്രമാണ് റിപ്പോർട്ട് ചെയ്തത്. തമിഴ്നാട്ടിൽ 990 പേർക്കും പശ്ചിമബംഗാളിൽ 725 പേർക്കും കോവിഡ് സ്ഥിരീകരിച്ചു. 15,021 പേർ കോവിഡ് മുക്തരായി. 98.21 ശതമാനമാണ് ദേശീയ രോഗമുക്തി നിരക്ക്. നിലവിൽ ചികിത്സയിലുള്ളവരുടെ എണ്ണം 1,53,776 ആയി കുറഞ്ഞു.
443 കോവിഡ് മരണങ്ങളാണ് കഴിഞ്ഞ ദിവസം രേഖപ്പെടുത്തിയത്. ഇതിൽ 368 കേസുകളും കേരളത്തിൽ നിന്നാണ്. 17 സംസ്ഥാനങ്ങളിൽ പുതിയ കോവിഡ് മരണങ്ങളില്ല. തമിഴ്നാട്ടിൽ 20, മഹാരാഷ്ട്രയിൽ 10 മരണങ്ങൾ വീതം റിപ്പോർട്ട് ചെയ്തു. മറ്റു സംസ്ഥാനങ്ങളിൽ 10ൽ താഴെ കോവിഡ് മരണങ്ങൾ രേഖപ്പെടുത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.