സഫ്വാൻ
നീലേശ്വരം: എം.ഡി.എം.എയുമായി യുവാവിനെ അറസ്റ്റ് ചെയ്തു. പടന്നക്കാട് കുറുന്തൂര് ഷഫ്രീന മന്സിലില് എ. അബ്ദുൽ സഫ്വാനെയാണ് (26) നീലേശ്വരം സി.ഐ കെ. പ്രേംസദന്റെ നിർദേശപ്രകാരം നടത്തിയ അന്വേഷണത്തില് എസ്.ഐ ടി. വിശാഖും സംഘവും അറസ്റ്റ് ചെയ്തത്. ഞായറാഴ്ച വൈകീട്ട് തൈക്കടപ്പുറം സ്റ്റോര് ജങ്ഷനില് വാഹനപരിശോധനക്കിടയിലാണ് സഫ്വാനെ സംശയകരമായ സാഹചര്യത്തില് കാണപ്പെട്ടത്.
പൊലീസ് ജീപ്പ് നിര്ത്തിയപ്പോള് സഫ്വാന് ഓടിരക്ഷപ്പെടാന് ശ്രമിച്ചു. പിന്നീട് നാട്ടുകാരും പൊലീസും ചേര്ന്ന് ഇയാളെ പിന്തുടര്ന്ന് പിടികൂടി. തുടര്ന്ന് നടത്തിയ പരിശോധനയിലാണ് ഇയാളുടെ പാൻറിലെ പോക്കറ്റിലെ പേഴ്സില് നിന്നും 01.720 ഗ്രാം എം.ഡി.എം.എ കണ്ടെടുത്തത്. സീനിയര് പൊലീസ് ഓഫിസര്മാരായ പ്രഭേഷ്, സജിത്ത്കുമാര്, ഡ്രൈവര് സി.വി. സന്തോഷ്കുമാര് എന്നിവരും ഉണ്ടായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.