പുലിപ്പേടി; ബേഡകത്ത് ചെറിയൊരാശ്വാസം; ഒടയംചാലിൽ ആശങ്ക

കാ​സ​ർ​കോ​ട്: ബേ​ഡ​ക​ത്ത് വ​നം​വ​കു​പ്പി​ന്റെ കൂ​ട്ടി​ൽ ഞാ​യ​റാ​ഴ്ച രാ​ത്രി​യോ​ടെ അ​ക​പ്പെ​ട്ട പു​ലി​യെ കാ​ട്ടി​ൽ വി​ട്ടു. ജി​ല്ല​യി​ൽ ത​ന്നെ​യു​ള്ള റി​സ​ർ​വ് വ​ന​ത്തി​ലാ​ണ് തു​റ​ന്നു​വി​ട്ട​ത്. നി​ടു​വോ​ട്ടെ എം. ​ജ​നാ​ർ​ദ​ന​ന്റെ റ​ബ​ർ​തോ​ട്ട​ത്തി​ൽ വ​നം​വ​കു​പ്പ് സ്ഥാ​പി​ച്ച കൂ​ട്ടി​ലാ​ണ് പു​ലി കു​ടു​ങ്ങി​യ​ത്. കൂ​ട്ടി​ൽ കെ​ട്ടി​യി​രു​ന്ന നാ​യു​ടെ ക​ര​ച്ചി​ൽ കേ​ട്ട് പ്ര​ദേ​ശ​വാ​സി​ക​ൾ നോ​ക്കി​യ​പ്പോ​ഴാ​ണ് പു​ലി കു​ടു​ങ്ങി​യ വി​വ​ര​മ​റി​യു​ന്ന​ത്.

ഉ​ട​നെ വ​നം​വ​കു​പ്പ് ഉ​ദ്യോ​ഗ​സ്ഥ​രെ അ​റി​യി​ച്ചു. ഇ​തേ​ത്തു​ട​ർ​ന്ന് രാ​ത്രി നൂ​റു​ക​ണ​ക്കി​ന് ആ​ളു​ക​ളാ​ണ് ഇ​തി​നു സ​മീ​പ​ത്തെ​ത്തി​യ​ത്. വ​ന​പാ​ല​ക​ർ രാ​ത്രി​ത​ന്നെ എ​ത്തി പു​ലി​യെ പ​ച്ച നെ​റ്റ് വി​രി​ച്ച് മ​റ​ച്ചി​രു​ന്നു. നാ​ട്ടു​കാ​രു​ടെ ആ​വ​ശ്യ​പ്ര​കാ​രം അ​ത് മാ​റ്റി കാ​ണി​ച്ച​തി​നു​ശേ​ഷം വ​കു​പ്പി​ന്റെ പ​ള്ള​ത്തു​ങ്കാ​ൽ ഓ​ഫി​സി​ലേ​ക്ക് കൊ​ണ്ടു​പോ​യി ന​ട​പ​ടി​ക്ര​മ​ങ്ങ​ൾ​ക്കു​ശേ​ഷം വ​ന​ത്തി​ലേ​ക്ക് തു​റ​ന്നു​വി​ടു​ക​യാ​യി​രു​ന്നു. കൂ​ട്ടി​ല​ക​പ്പെ​ട്ട​ത് അ​ഞ്ചു വ​യ​സ്സു​ള്ള പെ​ൺ​പു​ലി​യാ​​ണെ​ന്നും ക​ണ്ണി​ന് ചെ​റി​യ പ​രി​ക്കു​ണ്ടെ​ങ്കി​ലും അ​ത് സാ​ര​മു​ള്ള​ത​ല്ലെ​ന്നും വ​നം​വ​കു​പ്പ് ഉ​ദ്യോ​ഗ​സ്ഥ​ർ അ​റി​യി​ച്ചു. ഈ​മാ​സം നാ​ലി​ന് ഗു​ഹ​യി​ൽ അ​ക​പ്പെ​ട്ട പു​ലി പി​ന്നീ​ട് ക​ട​ന്നു​ക​ള​ഞ്ഞി​രു​ന്നു. ഇ​തി​ൽ പ്ര​ദേ​ശ​വാ​സി​ക​ൾ ആ​ശ​ങ്ക​യി​ലാ​യി​രു​ന്നു. അ​തി​നി​ടെ കൂ​ട് സ്ഥാ​പി​ക്കു​ക​യും ചെ​യ്തു.

നി​ര​വ​ധി സ്ഥ​ല​ങ്ങ​ളി​ൽ പി​ന്നീ​ട് പു​ലി​യെ ക​ണ്ട​താ​യ വാ​ർ​ത്ത പ​ര​ന്നി​രു​ന്നു. വ​നം​വ​കു​പ്പ് അ​ധി​കൃ​ത​ർ ഇ​തു​മാ​യി ബ​ന്ധ​പ്പെ​ട്ട് നി​ര​വ​ധി കാ​മ​റ​ക​ളും സ്ഥാ​പി​ച്ചി​ട്ടു​ണ്ട്. മ​ല​യോ​ര മേ​ഖ​ല​യി​ൽ പ്ര​ത്യേ​കി​ച്ച് വ​ന്യ​മൃ​ഗ​ശ​ല്യം രൂ​ക്ഷ​മാ​യി​ക്കൊ​ണ്ടി​രി​ക്കു​ക​യാ​ണ്. ഞാ​യ​റാ​ഴ്ച ഇ​തി​ൽ ഒ​രു പു​ലി​യെ കൂ​ടു​വെ​ച്ച് പി​ടി​ക്കാ​നാ​യ​തി​ൽ ജ​ന​ങ്ങ​ൾ​ക്കും വ​നം​വ​കു​പ്പി​നും കു​റ​ച്ച് ആ​ശ്വ​സി​ക്കാം.