കനത്ത മഴ; ജില്ലയിൽ മരണം രണ്ടായിനിരവധി, പ്രദേശങ്ങൾ വെള്ളത്തിനടിയിൽ

കാ​സ​ർ​കോ​ട്: കാ​ല​വ​ർ​ഷം ക​ലി​തു​ള്ളി പെ​യ്ത​തോ​ടെ നി​ര​വ​ധി പ്ര​ദേ​ശ​ങ്ങ​ൾ വെ​ള്ള​ത്തി​ന​ടി​യി​ലാ​യി. വെ​ള്ളി​യാ​ഴ്ച രാ​വി​ലെ മ​ധൂ​ർ പ​ട് ല​യി​ൽ തോ​ട്ടി​ൽ വീ​ണ് ഒ​രാ​ൾ മ​രി​ച്ചു. ഇ​തോ​ടെ കാ​ല​വ​ർ​ഷ​ത്തി​ൽ ജി​ല്ല​യി​ൽ മ​ര​ണം ര​ണ്ടാ​യി. പ​ല പ്ര​ദേ​ശ​ങ്ങ​ളി​ലും മ​ണ്ണി​ടി​ഞ്ഞ​തും മ​രം വീ​ണ​തും മ​തി​ലി​ടി​ഞ്ഞ​തും ദു​രി​ത​ത്തി​ന് കാ​ര​ണ​മാ​യി. മ​ല​യോ​ര ഹൈ​വേ​യു​ടെ ഭാ​ഗ​മാ​യ ന​ന്ദ​ര​പ്പ​ദ​വ്-​ചേ​വാ​ർ റോ​ഡി​ൽ മ​ണ്ണി​ടി​ഞ്ഞ​തി​നാ​ൽ ഇ​തു​വ​ഴി​യു​ള്ള ഗ​താ​ഗ​തം നി​രോ​ധി​ച്ചു.

വാ​ഹ​ന​ങ്ങ​ൾ മി​യാ​പ്പ​ദ​വ്-​പൈ​വ​ളി​ഗെ-​ഉ​പ്പ​ള റൂ​ട്ടി​ൽ പോ​ക​ണ​മെ​ന്ന് പൊ​തു​മ​രാ​മ​ത്ത് വി​ഭാ​ഗം അ​റി​യി​ച്ചു. വെ​ള്ളി​ക്കോ​ത്ത്-​ചാ​ലി​ങ്കാ​ൽ റോ​ഡി​ൽ വീ​ണ​ച്ചേ​രി നി​ർ​മാ​ണം പൂ​ർ​ത്തി​യാ​യ ഇ​രു​നി​ല അ​പ്പാ​ർ​ട്മെ​ന്റി​ന്റെ ത​റ ഒ​ഴി​കെ​യു​ള്ള അ​രി​ക് മു​ഴു​വ​നാ​യി ഇ​ടി​ഞ്ഞു. വെ​ള്ളി​യാ​ഴ്ച പു​ല​ർ​ച്ചെ​യാ​യി​രു​ന്നു ഇ​ടി​ഞ്ഞ​ത്. ഉ​ള്ളാ​ളി​ൽ വ​ലി​യ മ​രം റെ​യി​ൽ​വേ ലൈ​നി​ൽ വീ​ണ​തി​നാ​ൽ ട്രെ​യി​നു​ക​ൾ പി​ടി​ച്ചി​ടേ​ണ്ടി​വ​ന്നു. ഉ​ദു​മ​യി​ൽ റെ​യി​ൽ​വേ ലൈ​നി​ൽ മ​രം വീ​ണു. ചെ​റി​യ മ​ര​മാ​യ​തി​നാ​ൽ പെ​ട്ടെ​ന്നു​ത​ന്നെ മാ​റ്റി.

കാ​സ​ർ​കോ​ട്ടെ മു​ളി​യാ​ർ വി​ല്ലേ​ജി​ൽ 18 കു​ടും​ബ​ങ്ങ​ളെ ബ​ന്ധു​വീ​ടു​ക​ളി​ലേ​ക്ക് മാ​റ്റി​പ്പാ​ർ​പ്പി​ച്ചു. മ​ഞ്ചേ​ശ്വ​രം താ​ലൂ​ക്ക്, കാ​സ​ർ​കോ​ട്, മു​ളി​യാ​ർ വി​ല്ലേ​ജ് എ​ന്നി​വി​ട​ങ്ങ​ളി​ൽ ദു​രി​താ​ശ്വാ​സ ക്യാ​മ്പ് തു​റ​ക്കാ​ൻ നി​ർ​ദേ​ശി​ച്ചി​ട്ടു​ണ്ടെ​ന്ന് ജി​ല്ല ഭ​ര​ണ​കൂ​ടം അ​റി​യി​ച്ചു. മ​ഞ്ചേ​ശ്വ​ര​ത്ത് റേ​ഷ​ൻ ഷോ​പ്പി​ൽ വെ​ള്ളം ക​യ​റി സാ​ധ​ന​ങ്ങ​ൾ ന​ശി​ച്ചു. പു​ത്തി​ഗെ​യി​ൽ കു​ടും​ബാ​രോ​ഗ്യ​കേ​ന്ദ്ര​ത്തി​ന്റെ മ​തി​ൽ ഇ​ടി​ഞ്ഞു. ആ​ർ​ക്കും പ​രി​ക്കി​ല്ല.

ദേ​ശീ​യ​പാ​ത​യി​ൽ മ​ല​വെ​ള്ള​പ്പാ​ച്ചി​ൽ; ഗ​താ​ഗ​തം മുടങ്ങി

​ക​ന​ത്ത​മ​ഴ​യി​ൽ ചെ​ർ​ക്ക​ള-​ച​ട്ട​ഞ്ചാ​ൽ റോ​ഡി​ൽ ദേ​ശീ​യ​പാ​ത​ക്കു​വേ​ണ്ടി മ​ണ്ണെ​ടു​ത്ത കു​ന്നി​ടി​ഞ്ഞ് മ​ല​വെ​ള്ള​പ്പാ​ച്ചി​ലു​ണ്ടാ​യി. ഇ​തോ​ടെ, ഇ​തു​വ​ഴി​യു​ള്ള ബ​സു​ക​ൾ താ​ൽ​ക്കാ​ലി​ക​മാ​യി നി​രോ​ധി​ച്ചു. വാ​ഹ​ന​ങ്ങ​ൾ വ​ഴി തി​രി​ച്ചു വി​ട്ടു. വെ​ള്ളി​യാ​ഴ്ച രാ​വി​ലെ മു​ത​ൽ പെ​യ്ത തു​ട​ർ​ച്ച​യാ​യ ശ​ക്തി​യേ​റി​യ മ​ഴ​യി​ലാ​ണ് മ​ല​വെ​ള്ള​പ്പാ​ച്ചി​ലു​ണ്ടാ​യ​ത്. ദേ​ശീ​യ​പാ​ത അ​ധി​കൃ​ത​രും മ​റ്റും സ്ഥ​ല​ത്തെ​ത്തി. കു​ണ്ട​ടു​ക്ക​ത്ത് ദേ​ശീ​യ​പാ​ത റോ​ഡി​ല്‍ വി​ള്ള​ല്‍ രൂ​പ​പ്പെ​ട്ടു. പാ​ലം നി​ര്‍മാ​ണ​ത്തി​നെ​ടു​ത്ത വ​ലി​യ കു​ഴി​ക​ളി​ല്‍ വെ​ള്ളം നി​റ​ഞ്ഞ​താ​ണ് വി​ള്ള​ലി​ന് കാ​ര​ണ​മാ​യ​തെ​ന്ന് പ​റ​യു​ന്നു. ക​ല​ക്ട​റും ജ​ന​പ്ര​തി​നി​ധി​ക​ളും സ്ഥ​ലം സ​ന്ദ​ർ​ശി​ച്ചു.