കാസർകോട്: ടീം ബേഡകം കുടുംബശ്രീ ഫാർമേഴ്സ് പ്രൊഡ്യൂസേഴ്സ് കമ്പനി ഉദ്ഘാടനം 2022 ആഗസ്റ്റ് 16 ന് ചൊവ്വാഴ്ച രണ്ടുമണിക്ക് മന്ത്രി എം.വി. ഗോവിന്ദൻ മാസ്റ്റർ നിർവഹിക്കുമെന്ന് കമ്പനി ഭാരവാഹികൾ വാർത്തസമ്മേളനത്തിൽ അറിയിച്ചു. പൂർണമായും സ്ത്രീകൾ മാത്രം ഓഹരി ഉടമകളായ പ്രൊഡ്യൂസർ കമ്പനിയാണിത്. കുടുംബശ്രീ ജില്ല മിഷന്റെയും ബേഡഡുക്ക ഗ്രാമ പഞ്ചായത്തിന്റെയും മുൻകൈയിൽ ബേഡഡുക്ക സി.ഡി.എസിനു കീഴിലാണ് കമ്പനി രൂപവത്കരിച്ചത്. 3000ത്തിലധികം ഓഹരി ഉടമകളുണ്ട്. കാർഷിക രംഗത്തെ നാനാവിധ സാധ്യതകളെ മുൻനിർത്തി ഉൽപാദനത്തിലും വിപണനത്തിലും പുതിയ മാതൃകാസംരംഭങ്ങൾ ആരംഭിക്കുക എന്നതാണ് ലക്ഷ്യം. 50 ക്ലസ്റ്ററുകൾ രൂപവത്കരിക്കും. അവയിലൂടെ ജൈവ കാർഷിക വിഭവങ്ങൾ ബ്രാൻഡ് ചെയ്ത് വിപണിയിൽ എത്തിക്കും. വാർത്തസമ്മേളനത്തിൽ ബേഡഡുക്ക ഗ്രാമപഞ്ചായത്ത് പ്രസിഡന്റ് എം. ധന്യ, വൈസ് പ്രസിഡന്റ് എ. മാധവൻ, കുടുംബശ്രീ ജില്ല മിഷൻ എ.ഡി.എം.സി സി.എച്ച്. ഇക്ബാൽ ഗുലാബി, കെ. പ്രസന്ന, ശിവൻ ചൂരിക്കോട് എന്നിവർ സംബന്ധിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.