മലപ്പുറം: കോണ്‍ഗ്രസ് വിട്ട് ബി.ജെ.പിയില്‍ ചേര്‍ന്ന പത്മജ വേണുഗോപാലിനെ പാർട്ടിയിലേക്ക് സ്വാഗതം ചെയ്ത് ബി.ജെ.പി സ്ഥാപിച്ച ഫ്ലക്സ് ബോർഡിൽ കെ. കരുണാകരനും. പ്രധാനമന്ത്രി നരേന്ദ്ര മോദിക്കും പത്മജക്കും ഒപ്പമാണ് കോൺഗ്രസ് നേതാവായിരുന്ന കെ. കരുണാകരന്‍റെ ചിത്രവും ചേർത്തത്.
മലപ്പുറം നിലമ്പൂരിലാണ് ബി.ജെ.പി മുനിസിപ്പല്‍ കമ്മിറ്റി ബോര്‍ഡ് സ്ഥാപിച്ചത്. ലീഡര്‍ കെ. കരുണാകരന്‍റെ മകള്‍ പത്മജ വേണുഗോപാലിന് ബി.ജെ.പിയിലേക്ക് സ്വാഗതം എന്ന കുറിപ്പോടെയാണ് ബോർഡ് സ്ഥാപിച്ചത്. വിഷയം ചർച്ചയായതിനു പിന്നാലെ യൂത്ത് കോണ്‍ഗ്രസ് പ്രവര്‍ത്തകര്‍ പ്രകടനവുമായി എത്തി ബോര്‍ഡ് നശിപ്പിച്ചു.
ബോര്‍ഡ് സ്ഥാപിച്ചതിന് എതിരെ യൂത്ത് കോണ്‍ഗ്രസ് പൊലീസില്‍ പരാതി നല്‍കിയിട്ടുണ്ട്. വ്യാഴാഴ്ചയാണ് പത്മജ ബി.ജെ.പിയില്‍ ചേര്‍ന്നത്. പാര്‍ട്ടിയില്‍ വേണ്ട പരിഗണന കിട്ടിയില്ലെന്നും കോണ്‍ഗ്രസിലെ അവഗണനയാണ് തന്നെ ബി.ജെ.പിയിലെത്തിച്ചതെന്നും അവർ പറഞ്ഞിരുന്നു. ബി.ജെ.പി അംഗത്വം സ്വീകരിച്ചതിന് പിന്നാലെ പ്രധാനമന്ത്രിയെ പുകഴ്ത്തുകയും ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.