കോഴിക്കോട്: തിരുകേശം ബോഡി വേസ്റ്റ് തന്നെയെന്ന നിലപാടില് മാറ്റമില്ലെന്ന് മുഖ്യമന്ത്രി പിണറായി വിജയന് വാർത്താസമ്മേളനത്തിൽ പറഞ്ഞതിനെതിരെ കാന്തപുരം എ.പി അബൂബക്കർ മുസ്ലിയാർ നേതൃത്വം നൽകുന്ന കേരള മുസ്ലിം ജമാഅത്ത്. പ്രസ്താവന ഖേദകരമാണെന്ന് കാന്തപുരം എ.പി അബൂബക്കർ മുസ്ലിയാരുടെ അധ്യക്ഷതയിൽ ചേർന്ന കേരള മുസ്ലിം ജമാഅത്ത് പ്രസ്താവനയിൽ പറഞ്ഞു. മത ചിഹ്നങ്ങളെയും വിശ്വാസങ്ങളെയും അനാദരിക്കുന്ന പ്രസ്താവനകൾ വെല്ലുവിളിയായി ഗണിക്കപ്പെടും എന്നും മുസ്ലിം ജമാഅത്ത് പ്രസ്താവനയിൽ പറഞ്ഞു.
തിരുകേശം ബോഡി വേസ്റ്റ് തന്നെയെന്ന നിലപാടില് മാറ്റമില്ലെന്ന് കഴിഞ്ഞ ദിവസം മുഖ്യമന്ത്രി പിണറായി വിജയന് വാര്ത്താസമ്മേളനത്തില് മാധ്യമ പ്രവര്ത്തകന്റെ ചോദ്യത്തിന് മറുപടിയായി പറഞ്ഞിരുന്നു. ഇതിനെതരെയാണ് കേരള മുസ്ലിം ജമാഅത്തിന്റെ പ്രതികരണം. വിശ്വാസി മനസ്സുകളെ മുറിവേല്പ്പിക്കുന്ന പ്രസ്താവനകളില് നിന്നും രാഷ്ട്രീയ നേതാക്കള് വിട്ടുനില്ക്കണമെന്നും പ്രസ്താവനയിൽ പറയുന്നു.
പ്രസ്താവനയുടെ പൂര്ണരൂപം:
വിശുദ്ധ ഖുര്ആനും പ്രവാചകരും തിരുശേഷിപ്പുകളും വിശ്വാസികള്ക്ക് അമൂല്യവും സര്വ്വാദരണീയവുമാണ്. പ്രവാചകരുടെ തിരുശേഷിപ്പുകള് സംബന്ധിച്ച് മുഖ്യമന്ത്രിയുടെ പ്രസ്താവന വിശ്വാസി സമൂഹത്തെ വേദനിപ്പിക്കുന്നതും ഖേദകരവുമാണെന്ന് കാന്തപുരം എ.പി അബൂബക്കര് മുസ്ലിയാരുടെ അദ്ധ്യക്ഷതയില് ചേര്ന്ന കേരള മുസ്ലിം ജമാഅത്ത് സംസ്ഥാന സെക്രട്ടറിയേറ്റ് പ്രസ്താവിച്ചു.
വിശ്വസിക്കാനും അവിശ്വസിക്കാനും ആര്ക്കും സ്വാതന്ത്ര്യമുണ്ടെങ്കിലും മതചിഹ്നങ്ങള് അനാദരിക്കപ്പെടരുത്. അപ്പോള് മാത്രമാണ് മതേതരത്വം സംരക്ഷിക്കപ്പെടുക. വിശ്വാസി മനസ്സുകളെ മുറിവേല്പ്പിക്കുന്ന വിവാദങ്ങളില് നിന്നും പ്രസ്താവനകളില് നിന്നും ഭരണപ്രതിപക്ഷ രാഷ്ട്രീയ നേതാക്കള് വിട്ടുനില്ക്കണം. മതചിഹ്നങ്ങളെയും വിശ്വാസങ്ങളെയും അനാദരിക്കുന്ന പ്രസ്താവനകള് വെല്ലുവിളിയായി ഗണിക്കപ്പെടും. അപക്വമായ നിലപാടുകള്ക്ക് പകരം വിവേകപരമായ സമീപനരീതിയിലൂടെ ജനങ്ങളുടെ ആത്മവിശ്വാസം വര്ധിപ്പിക്കാനാണ് ഉത്തരവാദപ്പെട്ടവര് ശ്രമിക്കേണ്ടതെന്ന് മുസ്ലിം ജമാഅത്ത് പ്രസ്താവനയില് തുടര്ന്ന് പറഞ്ഞു. സയ്യിദ് ഇബ്റാഹീമുല് ഖലീലുല് ബുഖാരി ഉദ്ഘാടനം ചെയ്തു. ഓണ്ലൈന് യോഗത്തില് കെ.പി അബൂബക്കര് മൗലവി പട്ടുവം, പ്രൊഫ: എ.കെ അബ്ദുല് ഹമീദ്, സി.പി മൂസ ഹാജി, മാരായമംഗലം അബ്ദുറഹ്മാന് ഫൈസി, സിദ്ദീഖ് ഹാജി, പേരോട് അബ്ദുറഹ്മാന് സഖാഫി, വണ്ടൂര് അബ്ദുറഹ്മാന് ഫൈസി, സി മുഹമ്മദ് ഫൈസി, എന് അലി അബ്ദുല്ല, പ്രൊഫ. യു.സി അബ്ദുല് മജീദ്, സൈഫുദ്ദീന് ഹാജി, സി.പി സെയ്തലവി മാസ്റ്റര് തുടങ്ങിയവര് സംബന്ധിച്ചു.
Latest Video
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.