സാക്ഷിപറഞ്ഞ് പ്രതി; ഊഹാപോഹ ബോംബുകൾ പൊട്ടിയില്ല

കോ​ഴി​ക്കോ​ട്: ക​ള​മ​ശ്ശേ​രി​യി​ൽ യ​ഹോ​വ​സാ​ക്ഷി​ക​ൾ എ​ന്ന ക്രൈ​സ്ത​വ വി​ശ്വാ​സ​വി​ഭാ​ഗം ന​ട​ത്തി​യ ക​ൺ​വെ​ൻ​ഷ​നി​ൽ രാ​വി​ലെ ബോം​ബ് സ്ഫോ​ട​ന​മു​ണ്ടാ​യെ​ന്ന​റി​ഞ്ഞ​തോ​ടെ സ​മൂ​ഹ​മാ​ധ്യ​മ​ങ്ങ​ളി​ലും ചി​ല വാ​ർ​ത്താ​ചാ​ന​ലു​ക​ളി​ലും നി​റ​ഞ്ഞ​ത് ഊ​ഹാ​പോ​ഹ​ങ്ങ​ളും അ​പ​ര​മ​ത വി​ദ്വേ​ഷ​വും. പൊ​ലീ​സ് അ​ന്വേ​ഷ​ണ​ത്തി​ലൂ​ടെ യ​ഥാ​ർ​ഥ വി​വ​രം പു​റ​ത്തു​വ​ര​ട്ടെ​യെ​ന്ന് ഇ​ട​തു​വ​ല​ത് മു​ന്ന​ണി​ക​ളി​ലെ നേ​താ​ക്ക​ൾ പ്ര​തി​ക​രി​ച്ച​​പ്പോ​ൾ, ഒ​രു വി​ഭാ​ഗ​ത്തി​ന്റെ തീ​വ്ര​വാ​ദ ആ​ക്ര​മ​ണ​മെ​ന്ന രീ​തി​യി​ലാ​യി​രു​ന്നു ആ​ദ്യ മി​നി​റ്റ് മു​ത​ൽ സം​ഘ്പ​രി​വാ​ർ പ്ര​ചാ​ര​ണം. താ​നാ​ണ് ബോം​ബ് വെ​ച്ച​തെ​ന്ന് ഒ​ടു​വി​ൽ ഡൊ​മ​നി​ക് മാർട്ടിൻ ഫേ​സ്ബു​ക്ക് വി​ഡി​യോ​യി​ൽ വെ​ളി​പ്പെ​ടു​ത്തി കീ​ഴ​ട​ങ്ങു​ക​യും പൊ​ലീ​സ് സ്ഥി​രീ​ക​രി​ക്കു​ക​യും ചെ​യ്ത​തോ​ടെ​യാ​ണ് ഒ​രു സ​മു​ദാ​യ​ത്തി​നെ ഒ​ന്ന​ട​ങ്കം പ്ര​തി​ക്കൂ​ട്ടി​ൽ നി​ർ​ത്തി​യ വ്യാ​ജ​പ്ര​ചാ​ര​ണ​ങ്ങ​ൾ​ക്ക് അ​വ​സാ​ന​മാ​യ​ത്. പ്ര​തി​യെ തി​രി​ച്ച​റി​ഞ്ഞ​തോ​ടെ പ​ല​രും ഫേ​സ്ബു​ക്കി​ലെ പോ​സ്റ്റു​ക​ളും ക​മ​ന്റു​ക​ളും മാ​യ്ച്ച് ‘ക​ണ്ടം വ​ഴി ഓ​ടി’.

ഗ​സ്സ​യി​ലെ ഇ​സ്രാ​യേ​ൽ ആ​ക്ര​മ​ണ​വു​മാ​യി ബ​ന്ധ​പ്പെ​ട്ടാ​ണ് സ്ഫോ​ട​ന​ക്കേ​സി​നെ ബ​ന്ധി​പ്പി​ക്കാ​ൻ ശ്ര​മി​ച്ച​ത്. കേ​ര​ള​ത്തി​ൽ ന​ട​ന്ന ഫ​ല​സ്തീ​ൻ ഐ​ക്യ​ദാ​ർ​ഢ്യ റാ​ലി​യെ​യ​ട​ക്കം കു​റ്റ​പ്പെ​ടു​ത്തി​യാ​യി​രു​ന്നു പ്ര​ചാ​ര​ണം. ഡ​ൽ​ഹി​യി​ൽ ഗ​സ്സ ഐ​ക്യ​ദാ​ർ​ഢ്യ പ​രി​പാ​ടി​യി​ൽ പ​​ങ്കെ​ടു​ക്കാ​ൻ പോ​യ മു​ഖ്യ​മ​ന്ത്രി പി​ണ​റാ​യി വി​ജ​യ​നെ​തി​രെ​യും സ​മൂ​ഹ​മാ​ധ്യ​മ​ങ്ങ​ളി​ൽ രാ​വി​ലെ മു​ത​ൽ വി​ഷ​ലി​പ്ത പ്ര​ചാ​ര​ണ​ങ്ങ​ളു​ണ്ടാ​യി​രു​ന്നു. ഇ​സ്രാ​യേ​ലി​നു​ള്ള തി​രി​ച്ച​ടി​യാ​ണോ ക​ള​മ​ശ്ശേ​രി, ഹ​മാ​സ് പ്രേ​മി പി​ണ​റാ​യി​ക്ക് സു​ഖ​മ​ല്ലേ, ഇ​സ്രാ​യേ​ൽ വി​രു​ദ്ധ സ്ഫോ​ട​ന​മോ തു​ട​ങ്ങി​യ ചോ​ദ്യ​ങ്ങ​ളു​മാ​യി ഒ​രു വാ​ർ​ത്താ പോ​ർ​ട്ട​ലും ഊ​ഹാ​പോ​ഹ ബോം​ബു​ക​ൾ പൊ​ട്ടി​ച്ചു.

അ​ധി​കാ​ര​ത്തി​നു​വേ​ണ്ടി ഹ​മാ​സി​നെ​പോ​ലും ​വെ​ള്ള​പൂ​ശു​ന്ന ഇ​ട​തു​വ​ല​ത് നേ​താ​ക്ക​ന്മാ​ർ ഉ​ത്ത​ര​വാ​ദി​ത്തം ഏ​റ്റെ​ടു​ക്ക​ണ​മെ​ന്നാ​യി​രു​ന്നു സ്ഫോ​ട​ന​വാ​ർ​ത്ത​ക്ക് പി​ന്നാ​ലെ ബി.​ജെ.​പി സം​സ്ഥാ​ന വ​ക്താ​വ് സ​ന്ദീ​പ് വ​ച​സ്പ​തി ഫേ​സ്ബു​ക്കി​ൽ കു​റി​ച്ച​ത്. യ​ഹോ​വ സാ​ക്ഷി​ക​ളും യ​ഹൂ​ദ​രു​മാ​യി ബ​ന്ധ​മു​ണ്ടെ​ന്ന പ​ച്ച​ക്ക​ളളത്തി​നൊ​പ്പം വി​ദ്വേ​ഷ​പ്ര​ചാ​ര​ണം ന​ട​ത്തി​യ പോ​സ്റ്റ് മ​​റ്റൊ​രു ബി.​ജെ.​പി നേ​താ​വാ​യ സ​ന്ദീ​പ് വാ​ര്യ​ർ പി​ന്നീ​ട് പി​ൻ​വ​ലി​ച്ചു. തീ​വ്ര​വാ​ദ ശ​ക്‍തി​ക​​ളോ​ടു​ള്ള സ​ർ​ക്കാ​റി​ന്റെ സ​മീ​പ​നം തി​രു​ത്തി​യി​ല്ലെ​ങ്കി​ൽ കേ​ര​ളം വ​ലി​യ അ​പ​ക​ട​ത്തി​ലേ​ക്കാ​വും പോ​വു​ക​യെ​ന്ന് ഉ​റ​പ്പാ​ണെ​ന്നാ​യി​രു​ന്നു ബി.​ജെ.​പി സം​സ്ഥാ​ന അ​ധ്യ​ക്ഷ​ൻ കെ. ​സു​രേ​ന്ദ്ര​ന്റെ പ്ര​തി​ക​ര​ണം. ടി.​വി ചാ​ന​ലു​ക​ളി​ലും ദുഃ​സൂ​ച​ന​ക​ൾ ഏ​റെ​യു​ണ്ടാ​യി​രു​ന്നു. ഇ​സ്രാ​യേ​ൽ- ഹ​മാ​സ് യു​ദ്ധ​വു​മാ​യി സ്ഫോ​ട​ന​ത്തി​ന് ബ​ന്ധ​മു​ണ്ടോ​യെ​ന്ന് കേ​ന്ദ്രം പ​രി​ശോ​ധി​ക്കു​ന്ന​താ​യി ഒ​രു​ ചാ​ന​ൽ ഡ​ൽ​ഹി​യി​ൽ​നി​ന്ന് വാ​ർ​ത്ത ന​ൽ​കി. ക​ണ്ണൂ​രി​ൽ റെ​യി​ൽ​വേ സ്റ്റേ​ഷ​നി​ൽ പ​രി​ശോ​ധ​ന​ക്കി​ടെ തൊ​പ്പി​ധ​രി​ച്ച്, താ​ടി​യു​ള്ള ഉ​ത്ത​രേ​ന്ത്യ​ൻ യു​വാ​വി​നെ പൊ​ലീ​സ് പ​രി​ശോ​ധി​ച്ച​ത് ചി​ല ചാ​ന​ലു​ക​ൾ ഏ​റെ​നേ​ര​മാ​ണ് ആ​ഘോ​ഷി​ച്ച​ത്. പൊ​ലീ​സി​ന്റെ ചോ​ദ്യം ചെ​യ്യ​ലി​ൽ പ​ത​റി​പ്പോ​യ യു​വാ​വി​നെ​യാ​ണ് കു​റ്റ​ക്കാ​ര​നാ​ക്കാ​ൻ ശ്ര​മി​ച്ച​ത്. ഇ​ക്കാ​ര്യ​ത്തി​ൽ ന്യൂ​സ്18 കേ​ര​ളം ചാ​ന​ലി​നെ​തി​രെ സ​മൂ​ഹ മാ​ധ്യ​മ​ങ്ങ​ളി​ൽ രൂ​ക്ഷ​വി​മ​ർ​ശ​ന​മാ​ണു​യ​ർ​ന്ന​ത്. ഇ​സ്രാ​യേ​ല​ു​മാ​യി യ​ഹോ​വ സാ​ക്ഷി​ക​ൾ​ക്ക് ബ​ന്ധ​മു​ണ്ടോ​യെ​ന്ന്, മു​ഖം​മി​നു​ക്കി​യ ചാ​ന​ലി​ലെ വ​നി​ത അ​വ​താ​ര​ക സം​ഭ​വ​സ്ഥ​ല​ത്തെ​ത്തി പ്ര​തി​ക​ര​ണം തേ​ടി​യ​തി​നെ​തി​രെ​യും പ്ര​തി​ഷേ​ധം ശ​ക്ത​മാ​ണ്. പ്ര​കോ​പ​ന​പ​ര​മാ​യ പ്ര​ചാ​ര​ണ​ങ്ങ​ൾ​ക്കെ​തി​രെ ക​ർ​ശ​ന ന​ട​പ​ടി​യു​ണ്ടാ​കു​മെ​ന്ന് പൊ​ലീ​സ് അ​റി​യി​ച്ചി​രു​ന്നെ​ങ്കി​ലും സം​ഘ​പ​രി​വാ​ർ നേ​താ​ക്ക​ൾ​ക്കെ​തി​രെ ന​ട​പ​ടി​യെ​ടു​ത്തി​ട്ടി​ല്ല.