കൊണ്ടോട്ടി: രേഖകളില്ലാതെ കടത്താന് ശ്രമിച്ച 1,91,48,000 രൂപ കൊണ്ടോട്ടി പൊലീസ് പിടികൂടി. സംഭവവുമായി ബന്ധപ്പെട്ട് രണ്ടുപേര് പിടിയിലായി. രഹസ്യവിവരത്തിന്റെ അടിസ്ഥാനത്തില് കോഴിക്കോട്-പാലക്കാട് ദേശീയപാതയില് കൊളത്തൂരില് നടത്തിയ വാഹനപരിശോധനക്കിടെയാണ് പണം പിടികൂടിയത്.
മലപ്പുറം മങ്കട പനങ്ങാങ്ങര സ്വദേശി പൂളക്കല് തസ്ലിം ആരിഫ് (38), മലപ്പുറം മുണ്ടുപറമ്പ് വടക്കീടന് മുഹമ്മദ് ഹനീഫ (37) എന്നിവരാണ് പിടിയിലായത്. ഇവര് സഞ്ചരിച്ചിരുന്ന കാറിന്റെ പിന്സീറ്റിനോടനുബന്ധിച്ച് ഒരുക്കിയ മൂന്ന് രഹസ്യ അറകളില് ഒളിപ്പിച്ച നിലയിലായിരുന്നു പണം.
ബംഗളൂരുവില്നിന്നുള്ള പണമാണ് കടത്താന് ശ്രമിച്ചതെന്ന് കൊണ്ടോട്ടി പൊലീസ് ഇന്സ്പെക്ടര് പി.എം. ഷമീര് പറഞ്ഞു. പണം കടത്തിയതിനു പിന്നില് പ്രവര്ത്തിച്ചവരെക്കുറിച്ച് അന്വേഷണം ഊര്ജിതമാക്കിയിട്ടുണ്ട്. പിടിച്ചെടുത്ത പണവും കാറും മലപ്പുറം ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതിയില് സമര്പ്പിച്ച് തുടര്നടപടികള് സ്വീകരിക്കുമെന്ന് അന്വേഷണ ഉദ്യോഗസ്ഥര് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.