രാജ്​ഭവൻ ബന്ധം മെച്ചപ്പെടുത്താൻ സർക്കാർ; ഗവർണറുടെ വിരുന്നിൽ പ​ങ്കെടുത്ത്​ മുഖ്യമന്ത്രി

തി​രു​വ​ന​ന്ത​പു​രം: പു​തി​യ ഗ​വ​ർ​ണ​റു​ടെ വ​ര​വോ​ടെ, രാ​ജ്​​ഭ​വ​നു​മാ​യു​ള്ള ബ​ന്ധം മെ​ച്ച​പ്പെ​ടു​ത്താ​ൻ​ സ​ർ​ക്കാ​ർ. ക​ഴി​ഞ്ഞ വ​ർ​ഷം ബ​ഹി​ഷ്​​ക​രി​ച്ച രാ​ജ്​​ഭ​വ​നി​ലെ റി​പ്പ​ബ്ലി​ക്​​ദി​ന വി​രു​ന്നാ​യ ‘അ​റ്റ്​ ഹോം’ ​പ​രി​പാ​ടി​ക്ക്​ ഇ​ത്ത​വ​ണ മു​ഖ്യ​മ​ന്ത്രി പി​ണ​റാ​യി വി​ജ​യ​നും മ​ന്ത്രി വി. ​ശി​വ​ൻ​കു​ട്ടി​യു​മെ​ത്തി. മു​ൻ ഗ​വ​ർ​ണ​ർ ആ​രി​ഫ്​ മു​ഹ​മ്മ​ദ്​ ഖാ​നും സ​ർ​ക്കാ​റും തു​റ​ന്ന ഏ​റ്റു​മു​ട്ട​ലി​ലാ​യ​തോ​ടെ, ക​ഴി​ഞ്ഞ വ​ർ​ഷം മു​ഖ്യ​മ​ന്ത്രി​യും മ​ന്ത്രി​മാ​രും അ​റ്റ്​ ഹോം ​വി​രു​ന്ന്​ ബ​ഹി​ഷ്​​ക​രി​ക്കു​ക​യാ​യി​രു​ന്നു. ​രാ​ജ്​​ഭ​വ​നി​ലൊ​രു​ക്കി​യ ​ക്രി​സ്മ​സ്​ വി​രു​ന്നി​ലും മു​ഖ്യ​മ​ന്ത്രി​യോ, മ​ന്ത്രി​മാ​രോ പ​​ങ്കെ​ടു​ത്തി​രു​ന്നി​ല്ല. പ​ല​ത​വ​ണ നേ​രി​ൽ ക​ണ്ടി​ട്ടും മു​ഖ്യ​മ​ന്ത്രി​യും ആ​രി​ഫ്​ മു​ഹ​മ്മ​ദ്​ ഖാ​നും ത​മ്മി​ൽ സം​സാ​രി​ക്കാ​ൻ ത​യാ​റാ​യി​ല്ല.

ക​ഴി​ഞ്ഞ വ​ർ​ഷം ഒ​ന്ന​ര മി​നി​റ്റ്​ കൊ​ണ്ട്​ ന​യ​പ്ര​ഖ്യാ​പ​ന പ്ര​സം​ഗ​ത്തി​ന്‍റെ തു​ട​ക്ക​വും ഒ​ടു​ക്ക​വും വാ​യി​ച്ചാ​ണ്​ ഗ​വ​ർ​ണ​ർ നി​യ​മ​സ​ഭ വി​ട്ട​ത്. ഈ ​മാ​സം ആ​ദ്യ​ത്തി​ലാ​ണ്​ പു​തി​യ ഗ​വ​ർ​ണ​ർ രാ​ജേ​ന്ദ്ര വി​ശ്വ​നാ​ഥ്​ ആ​ർ​ലേ​ക്ക​ർ ചു​മ​ത​ല​യേ​റ്റ​ത്. കേ​ന്ദ്ര​വി​മ​ർ​ശ​ന​മു​ൾ​പ്പെ​ടെ ഭാ​ഗ​ങ്ങ​ൾ വി​ടാ​തെ വാ​യി​ച്ചാ​ണ് പു​തി​യ​ ഗ​വ​ർ​ണ​ർ ക​ഴി​ഞ്ഞ 17ന്​ ​നി​യ​മ​സ​ഭ​യി​ൽ സ​ർ​ക്കാ​റി​ന്‍റെ ന​യ​പ്ര​ഖ്യാ​പ​നം ന​ട​ത്തി​യ​ത്. പി​ന്നാ​ലെ, ഗ​വ​ർ​ണ​റെ മു​ഖ്യ​മ​ന്ത്രി​യും ഭാ​ര്യ​യും രാ​ജ്​​ഭ​വ​നി​ലെ​ത്തി കാ​ണു​ക​യും ചെ​യ്തി​രു​ന്നു. കേ​ന്ദ്ര വി​മ​ർ​ശ​ന​മു​ണ്ടാ​യി​ട്ടും ഭ​ര​ണ​ഘ​ട​ന ചു​മ​ത​ല നി​ർ​വ​ഹി​ച്ച ഗ​വ​ർ​ണ​റു​ടെ ന​ട​പ​ടി​യെ സി.​പി.​എം സം​സ്ഥാ​ന സെ​ക്ര​ട്ട​റി എം.​വി. ഗോ​വി​ന്ദ​നും സ്വാ​ഗ​തം ചെ​യ്തി​രു​ന്നു.

സ്പീ​ക്ക​ർ എ.​എ​ൻ. ഷം​സീ​ർ, മു​ൻ കേ​ന്ദ്ര​മ​ന്ത്രി​മാ​രാ​യ ഒ. ​രാ​ജ​ഗോ​പാ​ൽ, വി. ​മു​ര​ളീ​ധ​ര​ൻ, ചീ​ഫ് സെ​ക്ര​ട്ട​റി ശാ​ര​ദാ മു​ര​ളീ​ധ​ര​ൻ, സം​സ്ഥാ​ന പൊ​ലീ​സ് മേ​ധാ​വി ഷെ​യ്ഖ് ദ​ർ​വേ​ഷ് സാ​ഹി​ബ്, സം​സ്ഥാ​ന തെ​ര​ഞ്ഞെ​ടു​പ്പ് ക​മീ​ഷ​ണ​ർ എ. ​ഷാ​ജ​ഹാ​ൻ, സി.​പി.​ഐ സം​സ്ഥാ​ന സെ​ക്ര​ട്ട​റി ബി​നോ​യ് വി​ശ്വം, പാ​ള​യം ഇ​മാം ഡോ. ​വി.​പി. സു​ഹൈ​ബ് മൗ​ല​വി, സ്വാ​മി ഗു​രു​ര​ത്‌​നം ജ്ഞാ​ന​ത​പ​സ്വി, ആ​ർ​ച്ച്​ ബി​ഷ​പ്​​ മാ​ർ ബ​സേ​ലി​യോ​സ് ക്ലീ​മി​സ് കാ​തോ​ലി​ക്കാ ബാ​വ, പ​ത്മ​ശ്രീ പു​ര​സ്​​കാ​ര ജേ​താ​ക്ക​ളാ​യ കെ. ​ഓ​മ​ന​ക്കു​ട്ടി, ല​ക്ഷ്​​മി​ക്കു​ട്ടി അ​മ്മ, മു​ൻ ​പ്ര​ധാ​ന​മ​ന്ത്രി മ​ൻ​മോ​ഹ​ൻ സി​ങ്ങി​ന്‍റെ ഉ​പ​ദേ​ഷ്ടാ​വാ​യി​രു​ന്ന ടി.​കെ.​എ. നാ​യ​ർ തു​ട​ങ്ങി​യ​വ​രും വി​രു​ന്നി​ൽ പ​ങ്കെ​ടു​ത്തു.