കോഴിക്കോട്: കോവിഡ് വ്യാപനത്തെ തുടർന്ന് ശനിയാഴ്ച മുതൽ ഈ മാസം 30 വരെ നാല് ട്രെയിൻ സർവിസുകൾ റദ്ദാക്കിയതായി ദക്ഷിണ റെയിൽവേ പാലക്കാട് ഡിവിഷൻ അറിയിച്ചു.
ജീവനക്കാരുടെ അഭാവവും യാത്രക്കാർ കുറഞ്ഞതുമാണ് താൽക്കാലികമായി റദ്ദാക്കാൻ കാരണം.
16610 മംഗളൂരു സെൻട്രൽ-കോഴിക്കോട് എക്സ്പ്രസ്, 06481 കോഴിക്കോട്-കണ്ണൂർ അൺറിസർവ്ഡ് എക്സ്പ്രസ്, 06469 കണ്ണൂർ-കോഴിക്കോട് അൺറിസർവ്ഡ് എക്സ്പ്രസ്, 06491 ചെറുവത്തൂർ-മംഗളൂരു സെൻട്രൽ സർവിസാണ് റദ്ദാക്കിയത്.
ശനിയാഴ്ച മുതൽ 27 വരെ നാലു ട്രെയിനുകൾ റദ്ദാക്കിയതായി റെയിൽവെ നേരത്തെ അറിയിച്ചിരുന്നു. നാഗർ കോവിൽ -കോട്ടയം എക്സ്പ്രസ് (16366), കൊല്ലം -തിരുവനന്തപുരം അൺറിസർവ്ഡ് എക്സ്പ്രസ് (06425), കോട്ടയം -കൊല്ലം അൺറിസർവ്ഡ് എക്സ്പ്രസ് (06431), തിരുവനന്തപുരം -നാഗർകോവിൽ അൺറിസർവ്ഡ് എക്സ്പ്രസ് (06435) എന്നിവയാണ് 27 വരെ റദ്ദാക്കിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.