കണ്ടെയ്​നറുകളിൽ 3000 ടൺ കശുവണ്ടി?, ദുരൂഹതക്കുപിന്നിൽ അനധികൃത ചരക്ക്​ കടത്തും

കൊ​ല്ലം: കൊ​ച്ചി​ക്ക്​ സ​മീ​പം മു​ങ്ങി​യ ച​ര​ക്ക്​ ക​പ്പ​ൽ അ​പ​ക​ട​ത്തെ സം​ബ​ന്ധി​ച്ച ദു​രൂ​ഹ​ത നീ​ങ്ങാ​ത്ത​തി​ന്​ പി​ന്നി​ൽ അ​ന​ധി​കൃ​ത ച​ര​ക്ക്​ ക​ട​ത്തെ​ന്ന സൂ​ച​ന. വീ​ണ്ടെ​ടു​ക്കാ​നാ​വാ​ത്ത നി​ല​യി​ൽ മു​ങ്ങി​പ്പോ​യ ക​ണ്ടെ​യ്ന​റു​ക​ളി​ൽ പ​ല​തി​ലും അ​ന​ധി​കൃ​ത സാ​ധ​ന​ങ്ങ​ളാ​ണെ​ന്ന സൂ​ച​ന​യാ​ണ്​ പു​റ​ത്തു​വ​രു​ന്ന​ത്. അ​വ​യി​ൽ പ്ര​ധാ​നം ഘാ​ന അ​ട​ക്കം ആ​ഫ്രി​ക്ക​ൻ രാ​ജ്യ​ങ്ങ​ളി​ൽ നി​ന്നു​ള്ള ക​ശു​വ​ണ്ടി​പ്പ​രി​പ്പാ​ണ്. കാ​ലി​​ത്തീ​റ്റ എ​ന്ന മ​റ​വി​ൽ ധാ​രാ​ള​മാ​യി ക​ശു​വ​ണ്ടി​പ്പ​രി​പ്പ്​ അ​ന​ധി​കൃ​ത​മാ​യി ഇ​റ​ക്കു​മ​തി ചെ​യ്യു​ന്നു​ണ്ട്. ക​ഴി​ഞ്ഞ​ദി​വ​സം വി​ഴി​ഞ്ഞം, പൂ​വാ​ർ മേ​ഖ​ല​യി​ൽ അ​ടി​ഞ്ഞ ക​ണ്ടെ​യ്​​ന​റി​ൽ​നി​ന്ന്​ തോ​ട്ട​ണ്ടി ല​ഭി​ച്ചി​രു​ന്നു. നൂ​റ്റ​മ്പ​തോ​ളം ചാ​ക്കു​ക​ളി​ലാ​ണ്​ പൊ​ളി​ക്കാ​ത്ത ക​ശു​വ​ണ്ടി ല​ഭി​ച്ച​ത്.

തോ​ട്ട​ണ്ടി ഇ​റ​ക്കു​മ​തി​ക്ക്​ അ​നു​വാ​ദ​മു​ണ്ടെ​ങ്കി​ലും പൊ​ളി​ച്ച​തും പൊ​ടി​ച്ച​തു​മാ​യ ക​ശു​വ​ണ്ടി​പ്പ​രി​പ്പ്​ ഇ​റ​ക്കു​മ​തി ചെ​യ്യാ​ൻ കേ​ന്ദ്ര​സ​ർ​ക്കാ​റി​ന്‍റെ ക​ടു​ത്ത നി​യ​ന്ത്ര​ണ​മു​ണ്ട്. പ്രോ​സ​സ്​ ചെ​യ്ത ക​ശു​വ​ണ്ടി ഇ​റ​ക്കു​മ​തി​ക്ക്​ 300 ശ​ത​മാ​ന​മാ​ണ്​ ഇ​റ​ക്കു​മ​തി ചു​ങ്കം. എ​ന്നാ​ൽ കേ​ര​ള​ത്തി​ലെ, പ്ര​ത്യേ​കി​ച്ച്​ കൊ​ല്ലം കേ​ന്ദ്രീ​ക​രി​ച്ചു​ള്ള ക​ശു​വ​ണ്ടി വ്യ​വ​സാ​യി​ക​ൾ ഈ ​ചു​ങ്ക​ത്തി​ൽ​നി​ന്ന്​ ര​ക്ഷ​പ്പെ​ടാ​ൻ കാ​ലി​ത്തീ​റ്റ എ​ന്ന പേ​രി​ലും മ​റ്റും ട​ൺ ക​ണ​ക്കി​ന്​ ക​ശു​വ​ണ്ടി ഇ​റ​ക്കു​മ​തി ചെ​യ്യു​ന്നു​ണ്ട്. ഇ​ത്ത​ര​ത്തി​ൽ ഇ​റ​ക്കു​മ​തി​ചെ​യ്ത 3000 ട​ണ്ണോ​ളം ക​ശു​വ​ണ്ടി​യും മു​ങ്ങി​യ ക​പ്പ​ലി​ൽ ഉ​ണ്ടാ​യി​രു​ന്നു​വെ​ന്നാ​ണ്​ സൂ​ച​ന.

നൂ​റു​ട​ൺ തോ​ട്ട​ണ്ടി​ക്ക്​ ത​ന്നെ ഒ​രു കോ​ടി​രൂ​പ വ​രും. പ്രോ​സ​സ്​ ചെ​യ്ത ക​ശു​വ​ണ്ടി​ക്ക്​ അ​തി​ന്‍റെ ഇ​ര​ട്ടി​യും. കേ​ര​ള​ത്തി​ൽ ക​ശു​വ​ണ്ടി​യു​ടെ പ്രോ​സ​സി​ങ്​ ചെ​ല​വ്​ വി​യ​റ്റ്​​നാം അ​ട​ക്ക​മു​ള്ള രാ​ജ്യ​ങ്ങ​ളി​ലേ​തി​നേ​ക്കാ​ൾ മൂ​ന്നി​ര​ട്ടി​യാ​യ​തി​നാ​ലാ​ണ്​ ഇ​ത്ത​ര​ത്തി​ൽ ക​ശു​വ​ണ്ടി കൊ​ണ്ടു​വ​രാ​ൻ ക​മ്പ​നി​ക​ൾ നി​ർ​ബ​ന്​​ധി​ത​രാ​കു​ന്ന​ത്.

പൊ​ളി​ക്കാ​ത്ത തോ​ട്ട​ണ്ടി​യു​ടെ കാ​ര്യ​ത്തി​ലാ​ണെ​ങ്കി​ൽ​പോ​ലും ഇ​റ​ക്കു​മ​തി​ചെ​യ്​​ത സ്ഥാ​പ​ന​ങ്ങ​ൾ​ക്ക്​ ഇ​ൻ​ഷു​റ​ൻ​സ്​ പ​രി​ര​ക്ഷ​യി​ല്ലാ​ത്തി​ന്‍റെ പ്ര​ശ്​​ന​ങ്ങ​ളു​ണ്ട്. ഇ​തൊ​ക്കെ​ക്കൊ​ണ്ടാ​ണ്​ ​ആ​രും ന​ഷ്ട​പ്പെ​ട്ട ച​ര​ക്കു​ക​ളു​ടെ വി​വ​രം പു​റ​ത്ത്​ പ​റ​യാ​ത്ത​തി​ന്​ കാ​ര​ണ​മെ​ന്നാ​ണ്​ ചൂ​ണ്ടി​ക്കാ​ട്ട​പ്പെ​ടു​ന്ന​ത്.

തോ​ട്ട​ണ്ടി അ​ട​ക്കം ക​ട​ലി​ൽ​മു​ങ്ങി​യ ക​ശു​വ​ണ്ടി​യി​ൽ ഒ​രെ​ണ്ണം​പോ​ലും ഇ​നി ഉ​പ​യോ​ഗി​ക്കാ​നാ​വാ​ത്ത​തി​നാ​ൽ ക​പ്പ​ൽ ദു​ര​ന്തം​മൂ​ലം ക​ശു​വ​ണ്ടി വ്യ​വ​സാ​യി​ക​ൾ​ക്കു​ണ്ടാ​യ ന​ഷ്ടം കോ​ടി​ക​ളാ​ണ്. കൊ​ല്ല​ത്തെ ക​ശു​വ​ണ്ടി വ്യ​വ​സാ​യ മേ​ഖ​ല​യാ​കെ ത​ക​ർ​ന്നു​നി​ൽ​ക്കു​ന്ന സാ​ഹ​ച​ര്യ​ത്തി​ലാ​ണ്​ പു​റ​ത്തു​പ​റ​യാ​ൻ പോ​ലും സാ​ധി​ക്കാ​തെ ഈ ​ദു​ര​ന്ത​വും.

ക​പ്പ​ൽ മു​ങ്ങി​യ​ത​ല്ല മു​ക്കി​യ​താ​ണെ​ന്ന ആ​ക്ഷേ​പ​ത്തി​നി​ട​യി​ൽ ക​പ്പ​ലി​ൽ ക​യ​റ്റി​യ ഉ​ൽ​പ​ന്ന​ങ്ങ​ളെ സം​ബ​ന്ധി​ച്ചോ ക​ണ്ടെ​യ്ന​റു​ക​ളെ സം​ബ​ന്ധി​ച്ചോ അ​ധി​കൃ​ത​ർ ഇ​പ്പോ​ഴും വ്യ​ക്​​ത​മാ​യ വി​വ​രം പു​റ​ത്തു​വി​ടാ​ത്ത​തി​ന്​ പി​ന്നി​ൽ ഇ​ത്ത​രം കാ​ര്യ​ങ്ങ​ളു​മു​ണ്ടെ​ന്ന ആ​രോ​പ​ണ​മാ​ണ്​ ഉ​യ​ർ​ന്നി​രി​ക്കു​ന്ന​ത്​.