ഖുർആൻ എത്തിച്ചത് സംബന്ധിച്ച് കസ്റ്റംസ് കേസ്; മന്ത്രി ജലീലിനെ ചോദ്യം ചെയ്തേക്കും

കൊ​ച്ചി: ന​യ​ത​ന്ത്ര ചാനൽ വഴി ഖുർആൻ എത്തിച്ച സംഭവത്തിൽ കസ്റ്റംസ് പ്രത്യേകം കേസെടുത്തു. വിഷയത്തിൽ മന്ത്രി കെ.ടി ജലീൽ ദേ​ശീ​യ അ​ന്വേ​ഷ​ണ ഏ​ജ​ൻ​സിക്ക് (എ​ൻ.​ഐ.​എ) നൽകിയ മൊഴി കസ്റ്റംസ് പരിശോധിക്കും. ശേഷം മന്ത്രി ജലീലിനെ കസ്റ്റംസ് ചോദ്യം ചെയ്യുമെന്നാണ് വിവരം. മതഗ്രന്ഥം സംബന്ധിച്ച എണ്ണം, അയച്ചത് ആര്, എവിടെ വിതരണം ചെയ്തത്, തൂക്ക വ്യത്യാസം അടക്കമുള്ള കാര്യങ്ങൾ കസ്റ്റംസ് പരിശോധിക്കും എന്നാണ് റിപ്പോർട്ട്.

ന​യ​ത​ന്ത്ര പാ​ർ​​സ​ലു​മാ​യി ബ​ന്ധ​പ്പെ​ട്ട പ്രോ​​ട്ടോ​കോ​ൾ ലം​ഘ​നം സം​ബ​ന്ധി​ച്ച കേ​സി​ൽ മ​ന്ത്രി ജ​ലീ​ലി​നെ എ​ൻ.​ഐ.​എ എ​ട്ടു​ മ​ണി​ക്കൂ​ർ ഇന്നലെ ചോ​ദ്യം ചെ​യ്തിരുന്നു. സ്വ​ർ​ണ​ക്ക​ട​ത്ത്​​ കേ​സ്​ പ്ര​തി സ്വ​പ്ന സു​രേ​ഷു​മാ​യി നി​ര​വ​ധി ത​വ​ണ ഫോ​ണി​ൽ ബ​ന്ധ​പ്പെ​ട്ട​തിന്‍റെ​യും പ്രോ​ട്ടോ​കോ​ൾ ലം​ഘി​ച്ച്​ ന​യ​ത​ന്ത്ര ചാ​ന​ൽ വ​ഴി മ​ത​ഗ്ര​ന്ഥം കൊ​ണ്ടു​വ​ന്ന​തിന്‍റെ​യും അ​ട​ക്കം വി​ശ​ദാം​ശ​ങ്ങ​ളി​ൽ ഊ​ന്നി​യാ​യി​രു​ന്നു ചോ​ദ്യം ചെ​യ്യ​ൽ. എ​ൻ​ഫോ​ഴ്സ്മെന്‍റ് ഡ​യ​റ​ക്ട​റേ​റ്റ് (ഇ.​ഡി) ചോ​ദ്യം ചെ​യ്ത് ഒ​രാ​ഴ്ച​ക്ക​ക​മാ​ണ്​ എ​ൻ.​ഐ.​എ വി​ളി​പ്പി​ച്ച​ത്. സം​സ്ഥാ​ന ച​രി​ത്ര​ത്തി​ലാ​ദ്യ​മാ​യാ​ണ്​ ഒ​രു മ​ന്ത്രി​യെ എ​ൻ.​ഐ.​എ ചോ​ദ്യം ചെ​യ്​​ത​ത്.

നേരത്തെ, എൻഫോഴ്സ്മെന്‍റ് ഡയറക്ടറേറ്റിന് മന്ത്രി ​ന​ൽ​കി​യ ​മൊ​ഴി​ക​ൾ പ​രി​ശോ​ധി​ച്ച​ ശേ​ഷ​മാ​യി​രു​ന്നു എ​ൻ.ഐ.​എ ചോ​ദ്യം ചെ​യ്യ​ൽ. സ്വ​പ്ന​യു​മാ​യി പ​ല​ത​വ​ണ ഫോ​ണി​ൽ ബ​ന്ധ​പ്പെ​ട്ട​ത്​ പു​റ​ത്തു​വ​ന്ന​ത് മു​ത​ൽ മ​ന്ത്രി​ക്കെ​തി​രെ ആ​രോ​പ​ണം ഉ​യ​ർ​ന്നി​രു​ന്നു. ഈ ​സാ​ഹ​ച​ര്യ​ത്തി​ൽ സാ​ക്ഷി​മൊ​ഴി ന​ൽ​കാ​നായി ഹാ​ജ​രാ​കാ​ൻ ആ​വ​ശ്യ​പ്പെ​ടു​ക​യാ​യി​രു​ന്നു. സ്വ​പ്ന​യു​ടെ മൊ​ബൈ​ലു​ക​ളും ലാ​പ്ടോ​പ്പു​ക​ളും സി-​ഡാ​ക്കി​ൽ ശാ​സ്ത്രീ​യ പ​രി​ശോ​ധ​ന ന​ട​ത്തി​യ​പ്പോ​ഴാ​ണ് മ​ന്ത്രി​യുമാ​യു​ള്ള ആ​ശ​യ ​വി​നി​മ​യ​ത്തി​ന്​ കൂ​ടു​ത​ൽ തെ​ളി​വ്​ ല​ഭി​ച്ച​ത്.

യു.​എ.​ഇ കോ​ൺ​സു​ലേ​റ്റ് ജ​ന​റ​ൽ നി​ർ​ദേ​ശി​ച്ച​തി​നാ​ലാ​ണ് സ്വ​പ്ന​യു​മാ​യി സം​സാ​രി​ച്ച​തെ​ന്നാ​യി​രു​ന്നു മ​ന്ത്രി​യു​ടെ മു​ൻ നി​ല​പാ​ട്. എ​ന്നാ​ൽ, ഇ​ത്ത​രം ബ​ന്ധ​മ​ല്ല ഉ​ണ്ടാ​യി​രു​ന്ന​തെ​ന്നും അ​തു​കൊ​ണ്ടാ​ണ് മ​ത​ഗ്ര​ന്ഥം കൊ​ണ്ടു​വ​രാ​ൻ ന​യ​ത​ന്ത്ര ചാ​ന​ൽ ഉ​പ​യോ​ഗി​ച്ച​തെ​ന്നു​മാ​ണ് എ​ൻ.​ഐ.​എ ആ​രോ​പ​ണം. ഇ​തിന്‍റെ മ​റ​വി​ൽ സ്വ​ർ​ണ​ക്ക​ട​ത്ത്​ ന​ട​ന്നോ എ​ന്നും പ​രി​ശോ​ധി​ക്കു​ന്നു​ണ്ട്.

300 ഖു​ർ​ആ​നാ​ണ് വാ​ങ്ങി​യ​തെ​ന്നാ​ണ്​ ജ​ലീ​ൽ നേ​ര​ത്തേ പ​റ​ഞ്ഞി​രു​ന്ന​ത്. എ​ന്നാ​ൽ, ഏ​ക​ദേ​ശം 7500 ഖു​ർ​ആ​ൻ പ​തി​പ്പു​ക​ൾ ഇ​റ​ക്കു​മ​തി ചെ​യ്ത​താ​യാ​ണ് ല​ഭി​ച്ച വി​വ​രം. അ​തേ​സ​മ​യം, ന​യ​ത​ന്ത്ര ചാ​ന​ൽ വ​ഴി സ്വ​ർ​ണം കൊ​ണ്ടു​വ​ന്ന​ത്​​ ജ​ലീ​ലി​ന് അ​റി​വു​ണ്ടാ​യി​രു​ന്നി​ല്ലെ​ന്നാ​ണ് എ​ൻ.​ഐ.​എ വി​ല​യി​രു​ത്ത​ൽ. എ​ൻ.​ഐ.​എ അ​ന്വേ​ഷി​ക്കു​ന്ന​ത് സ്വ​ർ​ണക്കടത്ത്​ കേ​സാ​യ​തി​നാ​ൽ അ​തു​മാ​യി ജ​ലീ​ലി​നെ ബ​ന്ധി​പ്പി​ക്കാ​ൻ ത​ക്ക ​തെ​ളി​വു​ക​ൾ ശേ​ഖ​രി​ക്കാ​ൻ ക​ഴി​യാ​ത്ത​തി​നാ​ൽ സ്വ​പ്ന​ക്കെ​തി​രെ സാ​ക്ഷി​യാ​യി മ​ന്ത്രി മാ​റും.