ജില്ലകളിൽ വാക്​സിൻ ക്ഷാമത്തിനറുതിയായില്ല

തിരുവനന്തപുരം: തലസ്​ഥാനമടക്കം പല ജില്ലകളിലും വാക്​സിൻ ക്ഷാമം രൂക്ഷം. തിരുവനന്തപുരത്ത്​ തിങ്കളാഴ്​ച 37,079 പേർക്കാണ്​ ലക്ഷ്യമിട്ടതെങ്കിലും 8355 പേർക്കേ ​വാക്​സിൻ നൽകാനായുള്ളൂ. ജില്ലയിൽ 38 കേന്ദ്രങ്ങളിലാണ്​ തിങ്കളാഴ്​ച വാക്​സിൻ വിതരണം നടന്നത്​. ആരോഗ്യപ്രവർത്തകരിൽ 72 ശതമാനംപേർക്കേ രണ്ടാം ഡോസ്​ വാക്​സിൻ നൽകാൻ കഴിഞ്ഞുള്ളൂ. കോവിഡ്​ മുന്നണിപ്പോരാളികളിൽ 39 ശതമാനം മാത്രമാണ്​ രണ്ടാം വാക്​സിനെടുത്തത്​​. 45 വയസ്സിന്​ മുകളിലുള്ളവരിൽ 43 ശതമാനം പേർക്കേ വാക്​സിൻ നൽകിയുള്ളൂ.

പാലക്കാട്ട്​ ഒാൺലൈനിൽ ബുക്കിങ്​​ തുടരു​േമ്പാഴും ആവശ്യത്തിന് വാക്സിൻ എത്തിയിട്ടില്ല. നിലവിലുള്ള 10,000 ഡോസ് കോവാക്സിൻ ഉൾപ്പെടെ ആകെ 15,000 ഡോസ് വാക്സിനാണ്​ ഇപ്പോൾ ജില്ലയിലുള്ളത്​. 5,000 ഡോസ് കോവാക്സിൻ രണ്ടാം ഡോസ് കുത്തിവെപ്പിനായി മാറ്റിവെക്കണം​. ഒരാൾക്ക് ഒരു ഡോസ് എന്ന അളവിൽ നിലവിലെ സാഹചര്യമനുസരിച്ച്​ 15,000 പേർക്ക് മാത്രമാണ്​ വരുംദിവസങ്ങളിൽ ലഭ്യമാവുക.

സാഹചര്യം തുടർന്നാൽ രണ്ടോ മൂന്നോ ദിവസത്തിനുള്ളിൽ നിലവിലുള്ളത്​ തീരും. നേര​േത്ത നൂറിലധികം കേന്ദ്രങ്ങളിൽ വിതരണം ഉണ്ടായിരുന്നെങ്കിൽ നിലവിൽ പകുതിയിൽ താഴെയായിട്ടുണ്ട്​. വാക്സിൻ എടുക്കാൻ രജിസ്​റ്റർ ചെയ്ത് വരുന്നവർ മടങ്ങുകയാണ്‌. വാക്സിൻ ക്ഷാമമുണ്ടെങ്കിലും ജില്ലയിൽ ഓക്സിജൻ ക്ഷാമമില്ല. അത്യാസന്ന നിലയിലുള്ള രോഗികളുടെ എണ്ണം ജില്ലയിൽ കുറവാണ്. വെൻറിലേറ്ററിൽ ആറുപേരും ഐ.സി.യുവിൽ 42 പേരുമാണുള്ളത്​.

കോവിഡ്​ വാക്​സിൻ ക്ഷാമം രൂക്ഷമായ സാഹചര്യത്തിൽ മെഗ വാക്​സി​േനഷൻ ക്യാമ്പുകൾ തുടരേണ്ടെന്നാണ്​ തൃശൂർ ജില്ല ആരോഗ്യ വകുപ്പ്​ തീരുമാനിച്ചു. എറണാകുളത്തുനിന്ന്​ 30,000 ഡോസ്​ ആണ്​ ലഭിക്കുക. ഒപ്പം 10,000ത്തിൽ താഴെ നേരത്തേയുള്ളതടക്കം 40,000ത്തിൽ താഴെ​ ഡോസാണ്​ ലഭ്യമായത്​.

മലപ്പുറം ജില്ലയിൽ പലയിടത്തും വാക്​സിൻ സ്വീകരിക്കാനെത്തിയവർ അത്​ ലഭിക്കാത്തത്​ കാരണം ബഹളംവെച്ചു. സർക്കാർ തലത്തിൽ 116 കേന്ദ്രങ്ങളിലാണ്​ വാക്​സിൻ വിതരണം ചെയ്യുന്നത്​​. പുറമെ സ്വകാര്യ കേന്ദ്രങ്ങൾ വഴിയും നൽകുന്നു. തിങ്കളാഴ്​ച 40,000 ഡോസ്​ ജില്ലയിലെത്തി​.

45 വയസ്സിന് മുകളിലുള്ളവർക്ക്​ വാക്സിൻ ക്യാമ്പുകൾ ഏർപ്പെടുത്തിയതോടെ വയനാട്​ ജില്ലയിലും വാക്സിൻ ക്ഷാമം തുടങ്ങി. ആരോഗ്യ വകുപ്പി​െൻറ പക്കൽ 6000 ഡോസ് വാക്സിൻ മാത്രമാണുള്ളത്. ഇത് ചൊവ്വാഴ്ചയോടെ തീരും. കൂടുതൽ വാക്സിൻ എത്തിക്കാൻ നടപടി സ്വീകരിച്ചതായി ജില്ല മെഡിക്കൽ ഓഫിസർ ഡോ. ആർ. രേണുക പറഞ്ഞു.