കണ്ണൂർ: കോവിഡ് ബാധിച്ച് ചികിത്സയിലായിരുന്ന കണ്ണൂർ സ്വദേശി മരിച്ചു. ഇരിട്ടി പയഞ്ചേരിമുക്കിലെ പി.കെ. മുഹമ്മദ് (അർച്ചന മുഹമ്മദ്-70) ആണ് മരിച്ചത്. ബുധനാഴ്ച കോവിഡ് സ്ഥിരീകരിച്ച് പരിയാരം മെഡിക്കൽ കോളജിലേക്ക് മാറ്റുന്നതിനിടെയാണ് മരണം. ഇദ്ദേഹത്തിന്റെ മകന് കഴിഞ്ഞ ദിവസം കോവിഡ് സ്ഥിരീകരിച്ചിരുന്നു. ഇതോടെ സംസ്ഥാനത്ത് ആകെ കോവിഡ് മരണം 18 ആയി.
രണ്ടാഴ്ച മുമ്പാണ് മുഹമ്മദും കുടുംബവും മസ്കത്തിൽ നിന്ന് നാട്ടിലെത്തിയത്. തുടർന്ന് വീട്ടുനിരീക്ഷണത്തിൽ കഴിയുകയായിരുന്നു. അർബുദ രോഗിയായ ഇദ്ദേഹത്തിന് ബുധനാഴ്ച വൈകീട്ട് അവശത അനുഭവപ്പെട്ടിരുന്നു. പിതാവ്: പുതിയ പറമ്പൻ ആബു ഹാജി. മാതാവ്: ആയിശ. ഭാര്യ: ആത്തിഖ. മക്കൾ: സനീദ്, സ്വാദീഖ്, സജ്ന. മരുമക്കൾ: സിദ്ദീഖ്, മിസ്രിയ,സഫല
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.