തിരുവനന്തപുരം: സംസ്ഥാനത്ത് 111 പേർക്ക് കോവിഡ് സ്ഥിരീകരിച്ചു. ഇതാദ്യമായാണ് സംസ്ഥാനത്ത് കോവിഡ് ബാധ ഒരു ദിവസം മൂന്നക്കം കടക്കുന്നത്. വിദേശത്ത് നിന്നെത്തിയ 50 പേർക്കും മറ്റ് സംസ്ഥാനങ്ങളിലെ 48 പേർക്കും രോഗം സ്ഥിരീകരിച്ചു. 10 പേർക്ക് സമ്പർക്കത്തിലൂടെയാണ് രോഗബാധ. മൂന്ന് ആരോഗ്യപ്രവർത്തകർക്കും രോഗം സ്ഥിരീകരിച്ചു. 22 പേർക്ക് ഇന്ന് രോഗമുക്തിയുണ്ടായി. 973 പേരാണ് സംസ്ഥാനത്ത് കോവിഡ് ബാധിച്ച് ചികിൽസയിലുള്ളത്. മുഖ്യമന്ത്രി പിണറായി വിജയനാണ് കോവിഡുമായി ബന്ധപ്പെട്ട പുതിയ കണക്കുകൾ പുറത്ത് വിട്ടത്.
തിരുവനന്തപുരം-5, കൊല്ലം-2, പത്തനംതിട്ട-11, ആലപ്പുഴ-5, കോട്ടയം-1, ഇടുക്കി-3, എറണാകുളം-10, തൃശൂർ-8, പാലക്കാട്-40, മലപ്പുറം-18, വയനാട്-3, കോഴിക്കോട്-4, കാസർകോട്-1 എന്നിങ്ങനെയാണ് കോവിഡ് രോഗികളുടെ ജില്ല തിരിച്ചുള്ള കണക്ക്. സംസ്ഥാനത്തെ ഹോട്ട്സ്പോട്ടുകളുടെ എണ്ണം 128 ആയി ഉയർന്നിട്ടുണ്ട്
കോവിഡ് രോഗബാധിതരുടെ എണ്ണം വർധിക്കുന്ന സാഹചര്യത്തിൽ വെല്ലുവിളിയും ഉത്തരവാദിത്തവും കൂടുകയാണ്. രോഗബാധിതർ ഇനിയും കൂടാനാണ് സാധ്യത. ഗുരുതരമായ രോഗം ബാധിതിക്കുന്നവർക്ക് ചികിൽസക്കായി പ്രത്യേക പ്രോട്ടോകോൾ തയാറാക്കും. പൊതുഗതാഗതം തുടങ്ങുേമ്പാൾ കുടുതൽ പേർ സംസ്ഥാനത്തെത്തുമെന്നും മുഖ്യമന്ത്രി പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.