സു​രേ​ഷ് ഗോ​പി​യു​ടെ മ​ക​ളു​ടെ വി​വാ​ഹം: മോദി എത്തുന്ന ദിവസത്തെ വിവാഹ സമയമാറ്റം വിവാദത്തിൽ

ഗു​രു​വാ​യൂ​ർ: സു​രേ​ഷ് ഗോ​പി​യു​ടെ മ​ക​ളു​ടെ വി​വാ​ഹ​ത്തി​ന് പ്ര​ധാ​ന​മ​ന്ത്രി ന​രേ​ന്ദ്ര മോ​ദി എ​ത്തു​ന്ന​തി​ന്‍റെ പേ​രി​ൽ ഗു​രു​വാ​യൂ​ർ ക്ഷേ​ത്ര​സ​ന്നി​ധി​യി​ൽ ന​ട​ക്കു​ന്ന വി​വാ​ഹ​ങ്ങ​ളു​ടെ സ​മ​യം മാ​റ്റി​യ​ത് വി​വാ​ദ​ത്തി​ൽ. മോ​ദി എ​ത്തു​ന്ന ജ​നു​വ​രി 17ന് ​രാ​വി​ലെ ആ​റി​നും ഒ​മ്പ​തി​നും ഇ​ട​യി​ൽ ന​ട​ക്കേ​ണ്ടി​യി​രു​ന്ന വി​വാ​ഹ​ങ്ങ​ളാ​ണ് നേ​ര​ത്തെ​യാ​ക്കി​യ​ത്.

സ​മ​യം മാ​റ്റി​യ​ത​ട​ക്കം 48 വി​വാ​ഹ​ങ്ങ​ളാ​ണ് പു​ല​ർ​ച്ചെ അ​ഞ്ചി​നും ആ​റി​നും മ​ധ്യേ ക്ഷേ​ത്ര​സ​ന്നി​ധി​യി​ൽ ന​ട​ക്കു​ക. വി​വാ​ഹ സം​ഘ​ങ്ങ​ൾ പ്ര​ത്യേ​കം പാ​സെ​ടു​ക്ക​ണ​മെ​ന്ന് അ​ധി​കൃ​ത​ർ അ​റി​യി​ച്ചി​ട്ടു​ണ്ട്. ഒ​രു വി​വാ​ഹ​ത്തി​ന്‍റെ പേ​രി​ൽ പ​ത്തോ​ളം വി​വാ​ഹ​ങ്ങ​ളു​ടെ സ​മ​യം മാ​റ്റി​യ​താ​ണ് വ്യാ​പ​ക വി​മ​ർ​ശ​ന​ത്തി​ന്​ ഇ​ട​യാ​ക്കി​യി​രി​ക്കു​ന്ന​ത്.

നേ​ര​ത്തെ മു​ഹൂ​ർ​ത്തം നി​ശ്ച​യി​ച്ച് ക്ഷ​ണ​ക്ക​ത്ത് വി​ത​ര​ണം ചെ​യ്ത വി​വാ​ഹ​സ​മ​യ​മാ​ണ് മാ​റ്റി​യ​ത്. വി​വാ​ഹം ശീ​ട്ടാ​ക്കി​യ​വ​രു​മാ​യി ബ​ന്ധ​പ്പെ​ട്ട് സ​മ​യം മാ​റ്റാ​ൻ പൊ​ലീ​സ് നി​ർ​ദേ​ശി​ക്കു​ക​യാ​യി​രു​ന്നു. രാ​വി​ലെ ആ​റ് മു​ത​ൽ ഒ​മ്പ​ത് വ​രെ ക്ഷേ​ത്ര​ത്തി​ൽ തു​ലാ​ഭാ​ര​വും ചോ​റൂ​ണും ന​ട​ക്കി​ല്ല. ദ​ർ​ശ​ന​വും അ​നു​വ​ദി​ക്കി​ല്ല. പ്ര​ധാ​ന​മ​ന്ത്രി എ​ത്തു​ന്ന​തി​നാ​ൽ ചി​ല ക്ര​മീ​ക​ര​ണ​ങ്ങ​ൾ വേ​ണ്ടി വ​രു​മെ​ന്ന് ദേ​വ​സ്വം ചെ​യ​ർ​മാ​ൻ ഡോ. ​വി.​കെ. വി​ജ​യ​ൻ പ​റ​ഞ്ഞു.