തൃശൂര്‍: ചേലക്കര എംഎല്‍എ യു.ആര്. പ്രദീപ് സ്വയം നിരീക്ഷണത്തില്‍. കോവിഡ് സ്ഥിരീകരിച്ച തലപ്പിള്ളി താലൂക്ക് തഹസീല്‍ദാരുമായി എം.എല്‍.എ സമ്പര്‍ക്കത്തിലേര്‍പ്പെട്ടിരുന്നു. ഇതേ തുടർന്നാണ് അദ്ദേഹം നിരീക്ഷണത്തിൽ കഴിയുന്നത്. എം.എല്‍.എക്ക് വെള്ളിയാഴ്ച ആന്‍റിജന്‍ പരിശോധന നടത്തും.
ചൊവ്വാഴ്ചയാണ് തഹസിൽദാർ റാൻഡം ടെസ്റ്റിന് വിധേയനായത്. വ്യാഴാഴ്ച ഉച്ചയോടെ കോവിഡ് സ്ഥിരീകരിച്ചു. ഇദ്ദേഹത്തെ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. ഇതോടെ താലൂക്ക് ഓഫീസ് പൂർണമായും അടച്ചു പൂട്ടി. മറ്റ് ജീവനക്കാരോട് സ്വയം നിരീക്ഷണത്തിൽ പോകാനും നിർദ്ദേശിച്ചിട്ടുണ്ട്. താലൂക്ക് ഓഫീസിന്‍റെ പ്രവർത്തനം തടസപ്പെടാതിരിക്കാൻ ബദൽ സംവിധാനം ഏർപ്പെടുത്തുമെന്ന് അധികൃതർ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.