കോഴിക്കോട്: മെഡിക്കൽ കോളജ് ആശുപത്രിയിൽ വാർത്ത റിപ്പോർട്ട് ചെയ്യവെ 'മാധ്യമം' സീനിയർ റിപ്പോർട്ടർ പി. ഷംസുദ്ദീനെ ആക്രമിച്ച ഡി.വൈ.എഫ്.ഐക്കാരെ അറസ്റ്റുചെയ്യണമെന്നാവശ്യപ്പെട്ട് നഗരത്തിൽ പ്രതിഷേധ പ്രകടനം നടത്തി. കേരള പത്രപ്രവർത്തക യൂനിയൻ ജില്ല കമ്മിറ്റിയുടെ നേതൃത്വത്തിലായിരുന്നു പ്രതിഷേധം.
കാലിക്കറ്റ് പ്രസ് ക്ലബ് പരിസരുത്തുനിന്നാരംഭിച്ച പ്രകടനം മാനാഞ്ചിറ ചുറ്റിയാണ് സമാപിച്ചത്. ആക്രമണം നടത്തിയ ഡി.വൈ.എഫ്.ഐ പ്രവർത്തകരെക്കുറിച്ചുള്ള വ്യക്തമായ സൂചനകൾ ലഭിച്ചിട്ടും അറസ്റ്റുചെയ്യാതെ പൊലീസ് ഒഴിഞ്ഞുകളിക്കുകയാണെന്ന് പ്രതിഷേധക്കാർ ആരോപിച്ചു.
പ്രതിഷേധം പത്രപ്രവർത്തക യൂനിയൻ സംസ്ഥാന സെക്രട്ടറി അഞ്ജന ശശി ഉദ്ഘാടനം ചെയ്തു. ജില്ല പ്രസിഡന്റ് എം. ഫിറോസ്ഖാൻ അധ്യക്ഷത വഹിച്ചു. സെക്രട്ടറി പി.എസ്. രാകേഷ്, കെ.എ. സെയ്ഫുദ്ദീൻ, ഇ.പി. മുഹമ്മദ്, ടി. മുംതാസ് തുടങ്ങിയവർ സംസാരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.