തിരുവനന്തപുരം: നബിദിന അവധി പുനഃക്രമീകരിച്ച് സർക്കാർ ഉത്തരവ് പുറത്തിറങ്ങി. 28നാണ് പുതിയ അവധി. നബിദിനം പ്രമാണിച്ച് സംസ്ഥാനത്തെ സർക്കാർ ഓഫിസുകൾ, പൊതുമേഖല സ്ഥാപനങ്ങൾ, പ്രഫഷനൽ സ്ഥാപനങ്ങൾ ഉൾപ്പെടെ വിദ്യാഭ്യാസ സ്ഥാപനങ്ങൾ, ബാങ്കുകൾ തുടങ്ങി നെഗോഷ്യബിൾ ഇൻസ്ട്രുമെന്‍റ് നിയമത്തിന് കീഴിൽ വരുന്ന മുഴുവൻ സ്ഥാപനങ്ങൾക്കും വ്യാഴാഴ്ച അവധിയായി സർക്കാർ ഉത്തരവിറക്കി.
നേരത്തേ, സർക്കാർ നബിദിന അവധി നൽകിയത് 27നായിരുന്നു. മാസപ്പിറവി ദൃശ്യമായത് പ്രകാരം കേരളത്തില്‍ നബിദിനം 28ന് ആചരിക്കാന്‍ ഖാദിമാരും മതപണ്ഡിതരും ഐകകണ്‌ഠ്യേന തീരുമാനിച്ചിരുന്നു. ഇക്കാര്യം ആവശ്യപ്പെട്ട് മുഖ്യമന്ത്രി പിണറായി വിജയന് കത്തും നൽകി. തുടർന്നാണ് അവധി മാറ്റിയത്. 27 പ്രവൃത്തിദിനമാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.