അമ്പലപ്പുഴ: ദൈവങ്ങളെക്കുറിച്ച് ഫേസ്ബുക്കിൽ മോശം പരാമർശം നടത്തിയ സി.പി.എം ബ്രാഞ്ച് സെക്രട്ടറിക്ക് പാർട്ടിയുടെ താക്കീത്. തകഴി ഏരിയ കമ്മിറ്റിക്കു കീഴിലെ തകഴി തെന്നടി മുണ്ടകപ്പാടം ബ്രാഞ്ച് സെക്രട്ടറി കെ. മുകുന്ദനാണ് താക്കീത് ലഭിച്ചത്.
സംഭവത്തിൽ ഏരിയ നേതൃത്വം ഖേദം പ്രകടിപ്പിച്ചു. തകഴി ഗ്രാമപഞ്ചായത്ത് മുൻ അംഗം കൂടിയായ മുകുന്ദൻ മുമ്പും പാർട്ടി നടപടികൾക്കു വിധേയനായിട്ടുണ്ട്. ഇദ്ദേഹത്തിനെതിരെ കേസെടുക്കണമെന്ന് ആവശ്യപ്പെട്ട് ബി.ജെ.പി അനുഭാവിയായ തകഴി സ്വദേശി പ്രശാന്ത് ഗോപിനാഥപ്പണിക്കർ സംസ്ഥാന, ജില്ല പൊലീസ് മേധാവിമാർക്കു പരാതി നൽകി.
സംഭവത്തിൽ ഹിന്ദു ഐക്യവേദി തകഴിയിൽ പ്രതിഷേധ പ്രകടനം നടത്തി. വിവാദമായതോടെ കുറിപ്പ് പിൻവലിച്ച മുകുന്ദനും ഫേസ്ബുക്കിലൂടെ ഖേദം അറിയിച്ചു. വിശ്വാസികളെ വേദനിപ്പിക്കുന്ന പ്രസ്താവന അത്യന്തം അപലപനീയമാണെന്ന് സി.പി.എം തകഴി ഏരിയ സെക്രട്ടറി കെ.എസ്. അനിൽകുമാർ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.