സുൽത്താൻ ബത്തേരി: കാസർകോട്ട് ആറുകോടി തൊണ്ണൂറ്റി ആറ് ലക്ഷം രൂപയുടെ വ്യാജ ഇന്ത്യന് കറന്സി സൂക്ഷിച്ച കേസില് ഒളിവില്പോയ രണ്ടുപേരെ ബത്തേരി പൊലീസ് സാഹസികമായി പിടികൂടി.
കാസര്കോട് സ്വദേശികളായ പെരിയ സി.എച്ച്. ഹൗസിൽ അബ്ദുൽ റസാക്ക് (49), മവ്വല് പരണ്ടാനം വീട്ടില് സുലൈമാന് (52) എന്നിവരെയാണ് ബത്തേരി എസ്.എച്ച്.ഒ ബൈജു കെ. ജോസിന്റെ നേതൃത്വത്തിലുള്ള പൊലീസ് സംഘം പിടികൂടിയത്. ബത്തേരിയിലെ സ്വകാര്യ റിസോര്ട്ടില് ഒളിവില് കഴിഞ്ഞ ഇവരെ അമ്പലത്തറ പൊലീസ് നല്കിയ വിവരത്തിന്റെ അടിസ്ഥാനത്തിലാണ് പിടികൂടിയത്. അമ്പലത്തറ പൊലീസ് സ്റ്റേഷന് പരിധിയില് രജിസ്റ്റര് ചെയ്ത കേസിലെ പ്രതികളാണ് ഇവര്.
ബേളൂര് വില്ലേജില് ഗുരുപുരം എന്ന സ്ഥലത്ത് വാടകക്കെടുത്ത വീട്ടില് സൂക്ഷിച്ച വ്യാജ ഇന്ത്യന് കറന്സി നോട്ടുകള് വ്യാഴാഴ്ച രാത്രിയാണ് പൊലീസ് കണ്ടെടുക്കുന്നത്. പ്രതികളെ ബത്തേരി പൊലീസ് അമ്പലത്തറ പൊലീസിന് വിട്ടുനല്കും. എസ്.ഐ സാബു, സിവില് പൊലീസ് ഓഫിസര്മാരായ എം.എസ്. ഷാന്, കെ. അജ്മല്, പി.എസ്. നിയാദ് എന്നിവരും സംഘത്തിലുണ്ടായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.