ആലപ്പുഴ: തെൻറ കൈവശമുള്ള വസ്ത്രങ്ങൾ പ്രളയത്തിലകപ്പെട്ടവർക്ക് നൽകിയ എറണാകുളത്തെ വഴിയോര വ്യാപാരി നൗ ഷാദിെൻറ വഴിയേ തൃക്കുന്നപ്പുഴയിലെ അബ്ദുല്ല. അണ്ടോളിൽ ജ്വല്ലേഴ്‌സ്-ബ്യൂട്ടിക് ഉടമയായ ഇദ്ദേഹം, വസ്ത്രശാല യിലെ ലക്ഷക്കണക്കിന് രൂപ വിലവരുന്ന മുഴുവൻ വസ്ത്രങ്ങളും പ്രളയബാധിതർക്ക് സംഭാവന ചെയ്തു. മുസ്‌ലിംലീഗിെൻറ നേതൃത്വത്തിൽ തുടങ്ങിയ വിഭവ സമാഹരണത്തിലേക്കാണ് വസ്ത്രങ്ങൾ നൽകിയത്.
വ്യാപാരി വ്യവസായി ഏകോപന സമിതി തൃക്കുന്നപ്പുഴ യൂനിറ്റ് പ്രസിഡൻറായ അബ്ദുല്ല, മുസ്‌ലിംലീഗ് നേതാവായിരുന്ന പരേതനായ അണ്ടോളിൽ ഉസ്മാൻ കുട്ടിയുടെ മകനാണ്. സ്വർണവ്യാപാര രംഗത്തും പ്രവർത്തിക്കുന്നു. ശേഖരിച്ച വിഭവങ്ങൾ ബുധനാഴ്ച മലബാറിലെ ദുരിതബാധിത മേഖലയിലേക്ക് കൊണ്ടുപോകുമെന്ന് നേതാക്കളായ ഹാരിസ്‌ അണ്ടോളിൽ, എ. ഷാജഹാൻ, സി. ശ്യാം സുന്ദർ, എം.എ. ലത്തീഫ്, ഫക്രുദ്ദീൻ അലി അഹമ്മദ്, സുബൈർ അണ്ടോളിൽ, സിയാർ തൃക്കുന്നപ്പുഴ, അബ്ദുൽ റഹ്‌മാൻ, ഷാഫി കാട്ടിൽ തുടങ്ങിയവർ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.