ഗാന്ധിനഗർ (കോട്ടയം): ആംബുലൻസിൽ ഡ്രൈവർ ബലാത്സംഗം ചെയ്ത യുവതി ആത്മഹത്യക്ക് ശ്രമിച്ചു. കോവിഡ് ബാധിതയായി കോട്ടയം മെഡിക്കൽ കോളജ് ആശുപത്രിയിൽ ചികിത്സയിൽ കഴിയുന്നതിനിടെയാണ് ആത്മഹത്യ ശ്രമം. ഡ്യൂട്ടി നഴ്സിെൻറ അവസരോചിത ഇടപെടലാണ് യുവതിയുടെ ജീവൻ രക്ഷിച്ചത്. വ്യാഴാഴ്ച ഉച്ചക്ക് രണ്ടിന് മെഡിക്കൽ കോളജ് ആശുപത്രിയിലെ ഐസൊലേഷൻ വാർഡിലാണ് സംഭവം.
സഹായത്തിനുണ്ടായിരുന്ന മാതാവ് അലക്കിയ വസ്ത്രം ഉണക്കാൻ മുറിക്ക് പുറത്തുപോയി. ഇതിനിടയിൽ പെൺകുട്ടി വാതിൽ അകത്തുനിന്ന് അടക്കുന്നത് ഡ്യൂട്ടിയിലുണ്ടായിരുന്ന നഴ്സിെൻറ ശ്രദ്ധയിൽപെട്ടു.
സംശയം തോന്നിയ ഇവർ ഉടൻ കതകിൽ മുട്ടിയെങ്കിലും തുറന്നില്ല. തുടർന്ന് നഴ്സിങ് ഓഫിസറെ വിവരം അറിയിച്ചു. ഇവരെത്തി വിളിച്ചിട്ടും വാതിൽ തുറന്നില്ല. ഉടൻ വാതിൽ തല്ലിപ്പൊളിച്ച് അകത്തുകടന്നപ്പോൾ പെൺകുട്ടി ഫാനിൽ തൂങ്ങിനിൽക്കുന്നതാണ് കണ്ടത്.
കൂടെയുണ്ടായിരുന്ന വനിത സെക്യൂരിറ്റി ഓഫിസർ ഇവരെ ഉയർത്തിപ്പിടിച്ച് കഴുത്തിൽ കിടന്ന തോർത്ത് അറുത്ത് പെൺകുട്ടിയെ താഴെയിറക്കുകയായിരുന്നു. ഈ മാസം ആറിനാണ് പെൺകുട്ടി ബലാത്സംഗത്തിനിരയായത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.