‘വോട്ട്​ രാമക്ഷേത്രത്തിന്​ ’- പൊതുവേദിയിൽ രാജ്​നാഥ്​ സിങിനെതിരെ മുദ്രാവാക്യം

ലക്​നോ: ​അയോധ്യയിൽ രാമക്ഷേത്രം നിർമിക്കണമെന്നാവശ്യ​പ്പെട്ട്​ പൊതുപരിപാടിക്കിടെ കേന്ദ്രആഭ്യന്തരമന്ത് രി രാജ്​ നാഥ്​ സിങ്ങിനെതിരെ പ്രതിഷേധം. സ്വന്തം മണ്ഡലമായ ലക്​നോവിലെ ‘യുവ കുംഭ്’​ പരിപാടിക്കിടെയാണ്​ മന്ത്രിക്കെതിരെ പ്രതിഷേധ മുദ്രാവാക്യം ഉയർന്നത്​.

രാജ്​നാഥ്​ സിങ്​ സംസാരിക്കുന്നതിടെ സദസിൽ നിന്ന്​ ഒരുസംഘം എഴുന്നേറ്റ്​ നിന്ന്​ രാമക്ഷേത്രം നിർമിക്കുന്ന പാർട്ടിക്ക്​ മാത്രമേ വോട്ടുള്ളൂയെന്ന്​​ മുദ്രാവാക്യം മുഴക്കി പ്രതിഷേധിക്കുകയായിരുന്നു. തുടർന്ന്​ രാജ്​നാഥ്​ പ്രസംഗം നിർത്തി. സംഘാടകർ ഇടപെട്ട്​ സദസിലുള്ളവരെ സമാധാനിപ്പിച്ച്​ ഇരുത്തിപ്പിച്ചു. പിന്നീട്​ പ്രസംഗം തുടർന്നെങ്കിലും ദീർഘിപ്പിക്കാതെ പരിപാടി അവസാനിപ്പിച്ച്​ ​അദ്ദേഹം മടങ്ങുകയായിരുന്നു.