ഈ കോവിഡ്​ എന്ന്​ തീരും? വിദഗ്​ധർക്ക്​ പറയാനുള്ളത്​ ഇതാണ്..​

ന്യൂഡൽഹി: രാജ്യത്ത്​ അതിവേഗ വ്യാപനം ഇപ്പോഴും തുടരുന്ന കോവിഡ്​ മഹാമാരി എന്നു മുതൽ കുറഞ്ഞ്​ ജനജീവിതം സാധാരണ നിലയിലെത്തും? കാത്തിരിപ്പിന്​ ഒരു വർഷത്തിലേറെ ദൈർഘ്യമുണ്ടെങ്കിലും ഇപ്പോഴും പ്രതീക്ഷ നൽകുന്ന ഉത്തരങ്ങൾ നൽകുന്നവർ കുറവാണ്​. പ്രമുഖ ദേശീയ ടെലിവിഷൻ ചാനലായ ഇന്ത്യ ടുഡെ നടത്തിയ അഭിമുഖത്തിൽ വിദഗ്​ധരുടെ അഭിപ്രായങ്ങൾ ഇങ്ങനെ:

പ്രഫ. എം. വിദ്യാസാഗർ, ദേശീയ കോവിഡ്​-19 സൂപർമോഡൽ കമ്മിറ്റി മേധാവി

രാജ്യം മൊത്തത്തിലാകു​േമ്പാൾ ഈയാഴ്ച അവസാനത്തോടെ കണക്കുകൾ താഴോട്ടു ചലിച്ചുതുടങ്ങും. ഇപ്പോൾ എത്തിയിരിക്കുന്നത്​​ പരമാവധി എണ്ണമാണ്​. അ​െല്ലങ്കിൽ അതിന്​ തൊട്ടരികെ.

എന്നാൽ, മഹാരാഷ്​ട്ര ഉൾപെടെ സംസ്​ഥാനങ്ങളെടുത്താൽ പരമാവധി എത്തലും കുറയലും പതുക്കെയാകും​. ഓരോ സംസ്​ഥാനത്തിനും ഒാരോ സഞ്ചാരപഥമാണ്​. ഇതുപോലെ ഭീകരമായ രണ്ടാം തരംഗം പ്രതീക്ഷി​ച്ചിരുന്നില്ല. പരമാവധി 1.2 ലക്ഷം പ്രതിദിന നിരക്കേ കണക്കുകൂട്ടിയുള്ളൂ.

ഡോ. ആശിഷ്​ കെ ഝാ, ബ്രൗൺ യൂനിവേഴ്​സിറ്റി സ്​കൂൾ ഓഫ്​ പബ്ലിക്​ ഹെൽത്ത്​

എല്ലാ സാധ്യതകളും പരിഗണിച്ചാൽ നിലവിൽ പരമാവധി തൊട്ടുകഴിഞ്ഞിട്ടുണ്ട്​. അല്ലെങ്കിൽ ഈയാഴ്ച അവസാനത്തോടെ സംഭവിക്കും. എന്നാൽ, പശ്​ചിമ ബംഗാൾ പോലുള്ള സംസ്​ഥാനങ്ങളിൽ ഇനി വരാനിരിക്കുന്നതേയുള്ളൂ. മേയ്​ മാസം പരമാവധിയിലെത്തിയാലും പിറകോട്ടുപോകുന്നത്​ പതിയെ ആകും. ജൂണിലും കണക്കുകൾ കൂടുതൽ തന്നെയാകും. ഉയരങ്ങൾ കുറിച്ച അതേ വേഗത്തിൽ എണ്ണം താഴോട്ടുപോകില്ല. സ്വീകരിക്കുന്ന നയം കൂടി പ്രധാനമാണ്​. എന്നാലും ജൂണോടെ പ്രതിദിന കണക്ക്​ ഒരു ലക്ഷത്തിലെത്തും.

ഗൗതം മേനോൻ, അശോക യൂനിവേഴ്​സിറ്റി ബയോഫിസിക്​സ്​ പ്രഫസർ

ഇപ്പോൾ എത്ര പേരിലാണ്​ പരിശോധന നടക്കുന്നതെന്ന്​ കൃത്യതയില്ല. നിരവധി പേർ​ പരിശോധനയില്ലാതെ രോഗികളായി കഴിയുന്നുണ്ട്​. മേയ്​ മധ്യത്തോടെ താഴോട്ടുപോക്ക്​ ആരംഭിക്കും. രണ്ടാം ആഴ്ചയോടെ അതിവേഗം കൈവരിക്കും.

ഡോ. ശാഹിദ്​ ജമീൽ, വൈറോളജിസ്റ്റ്​

അതത്​ ദിവസത്തെ കണക്കുകൾ കൃത്യമായി റിപ്പോർട്ട്​ ചെയ്യപ്പെടുന്നി​െല്ലങ്കിൽ പരമാവധി തൊടുന്നതും കുറയുന്നതും എന്നാകുമെന്ന്​ പറയാനാകില്ല. മരണസംഖ്യ പൂർണമായി എണ്ണാതെ പോകുന്നുണ്ടെങ്കിൽ കണക്കുകളിൽ വ്യത്യാസമുണ്ടാകും. തിരികെ പോക്ക്​ നീളുമെന്നാണ്​ തോന്നുന്നത്​. സമയമേറെ എടുത്തേക്കും.