ഉന്നാവ്​ ബലാത്സംഗം: ഇരയുടെ പിതാവി​െൻറ മരണത്തിൽ കുൽദീപ്​ സെൻഗാർ കുറ്റക്കാരൻ

ന്യൂഡൽഹി: ഉന്നാവിൽ 2017 ൽ പ്രായപൂർത്തിയാകാത്ത പെൺകുട്ടിയെ ബലാത്സംഗം ചെയ്ത കേസിൽ ജയിലിൽ കഴിയുന്ന മുൻ ബി.ജെ.പി എം. എൽ.എ കുൽദീപ് സിംഗ് സെൻഗാർ ഇരയായ പെൺകുട്ടിയുടെ പിതാവി​​െൻറ മരണത്തിലും കുറ്റവാളിയാണെന്ന്​ ഡൽഹി കോടതി കണ്ടെത്ത ി. മരണത്തിൽ സെൻഗാർ ഗൂഢാലോചന നടത്തിയെന്നതാണ്​ കുറ്റം.

കഴിഞ്ഞയാഴ്ച ഡൽഹി കോടതി മാറ്റിവച്ച വിധി ഇന്ന് പ്രഖ്യാ പിക്കുകയായിരുന്നു. ആകെയുള്ള 11 പ്രതികളിൽ കുൽദീപ് സെൻഗാറും മറ്റ് ആറ് പേരും കുറ്റവാളികളാണെന്ന്​​ കോടതി കണ്ടെത് തി. ബലാത്സംഗക്കേസിൽ ത​​െൻറ ശിഷ്​ട ജീവിതം സെൻഗാർ ജയിലിൽ ചെലവിടണമെന്ന്​ വിധി ഉണ്ടായിരുന്നു.

ബലാത്സംഗത്തിനിരയായ പെൺകുട്ടിയുടെ പിതാവ് 2018 ഏപ്രിലിൽ ജുഡീഷ്യൽ കസ്റ്റഡിയിൽ മരിച്ചിര​ുന്നു. ഏപ്രിൽ മൂന്നിന്, പെൺകുട്ടിയുടെ പിതാവും അദ്ദേഹത്തി​​െൻറ ഒരു സഹപ്രവർത്തകനും അവരുടെ ഗ്രാമമായ മഖിയിലേക്ക് മടങ്ങുമ്പോൾ ശശി പ്രതാപ് സിങ്​ എന്നയാൾ ലിഫ്റ്റ് നിഷേധിക്കുകയും ഇത്​ വാക്കേറ്റത്തിന് കാരണമാവുകയും ചെയ്​തതായി അതേ വർഷം ജൂലൈയിൽ സമർപ്പിച്ച കുറ്റപത്രത്തിൽ പറയുന്നു.

വാക്കേറ്റത്തിനിടെ ശശി പ്രതാപ്​ സിങ്​ ത​​െൻറ സുഹൃത്തുക്കളെ വിളിക്കുകയും ക​ുൽദീപ്​ സെൻഗാറി​​െൻറ സഹോദരൻ അതുലും മറ്റും സ്ഥലത്തെത്തി ഉന്നാവ്​ ഇരയുടെ പിതാവിനെയും സഹപ്രവർത്തകനേയും മർദിക്കുകയുമായിരുന്നു. അവർ പെൺകുട്ടിയുടെ പിതാവിനെ പൊലീസ്​ സ്​റ്റേഷനിലെത്തിക്കുകയും പൊലീസ്​ ഇയാളെ അറസ്​റ്റ്​ ചെയ്ത്​ കുറ്റപത്രം സമർപ്പിക്കുകയുമായിരുന്നു. കുൽദീപ്​ സെൻഗാർ എല്ലായ്​പ്പോ​ഴും പൊലീസുമായി നിരന്തരം ബന്ധപ്പെടാറുണ്ടായിരുന്നുവെന്നും പെൺകുട്ടിയുടെ പിതാവിനെ ചികിത്സിച്ച​ ഡോക്​ടറുമായി സംസാരിച്ചിട്ടുണ്ടെന്നും കുറ്റപത്രത്തിൽ പറയുന്നുണ്ട്​.

കുൽദീപ്​ സെൻഗാർ, അദ്ദേഹത്തി​​െൻറ സഹോദരൻ അതുൽ, മാഖി പൊലീസ്​ സ്​റ്റേഷൻ ചുമതലയുണ്ടായിര​ുന്ന അശോക്​ സിങ്​ ഭദൗരിയ, എസ്​.ഐ കംത പ്രസാദ്​, കോൺസ്​റ്റബിൾ ആമിർ ഖാൻ എന്നിവർക്കും മറ്റ്​ ആറു പേർക്കുമെതിരെയാണ്​ കുറ്റപത്രം ചുമത്തിയത്​. കഴിഞ്ഞ വർഷം ആഗസ്​റ്റിൽ സുപ്രീംകോടതി നിർദേശപ്രകാരം കേസ്​ ഉത്തർപ്രദേശിലെ വിചാരണ കോടതിയിൽ നിന്ന്​ ഡൽഹിയിലേക്ക്​ മാറ്റിയിരുന്നു.

കഴിഞ്ഞവർഷം ജൂലൈയിൽ ഉന്നാവ് ബലാത്സംഗത്തിന്​​ ഇരയായ പെൺകുട്ടി ബന്ധുക്കളോടൊപ്പം കാറിൽ പോകുമ്പോൾ ഒരു ട്രക്ക്​ ഇവര​ുടെ കാറിലിടിച്ച്​ പെൺകുട്ടിയുടെ അമ്മായിമാർ കൊല്ലപ്പെട്ടിരുന്നു.